طلب مساعدة من الاخوان المبتعثين

اولا تكون معك شهاده البكالوريوس والسجل الاكاديمي وشهاده الثانويه

طبعا البكالوريوس على حد علمي مترجمه عربي انقليزي بس يبقى السجل تترجميه من الجامعه وتصدقيه والثانويه تترجميها من التربيه والتعليم عندكم وتصدقيها كمان

بعدها تصوري الظمان المالي كم صوره ملون او تطبعيه من موقع الوزاره بالختم الازرق حقهم

وبعدها ذاا ماتعرفي تراسلي انتي الجامعات تروحي لاي مكتب مراسله جامعات منها معهد els للمثال لاللحصر بيطلب منك للمراسله صوره مصدقه طبعا من شهاده البكالوريوس تصدقيها من الجامعه صووره من شهاده الثانويه والسجل الاكاديمي بالانقليزي طبعا مصدق ايظا وصوره جوازك وتبدا رحله مراسله الجامعات..

طبعا انتي مايحتاج تراسلي جامعات اذا ماستر تجيبي قبول اي تونتي فقط وهذا هو قبول معهد اللغه الانقليزيه يكفي لابتعاثك دراستك فيه حتكون مدتها سنه وتجيبي قبوله سهل مره يعين باسبوع يجيك القبول من معهد اللغه..طبعا مايحتاج قبول جامعه ذاا ماستر اذا وصلتي لامريكا تراسلي الجامعات عادي

الان تعتبري خلصتي حوسه القبول

تبقى السفاره لازم تكوني ماخذه موعد من السفاره واذا ماخذتي هذي ارقام فاكساتهم ارسليليهم صوره جوازك وفيها معلومات اظافي تكتبيها على جنب الصوره او تحت معلومات جوازك انك تبقي تدرسي بامريكا بالانقليزي طبعا ورقم جوالك واسمك

014887939

014887360

014887670

014883989

014887275

بعد ماترسلي صوره جوازك حيتصلو عليك يعطونك موعد للمقابله وقبل المقابله لازم تكوني مسدده السفيس وهي 100دولار تدفعيها عن طريق النت لوكاله الامن القومي الامريكي عن طريق بطاقه فيزا او ماستر كارد وتاخذي الايصال او الورقه معك للسفاره مع قبول اللغه اللذي يسمى الايتونتي مع شهاده البكالوريوس مع صوره جوازك ومع الابلكيشن الي راح تعبيه ايظا قبل لاتروحي للسفاره وهي D156 D157 D158 تلاقيها بموقع السفاره وصوره 5*5 وجيبي عك خطاب ن العمل انك موظفه يفيدك بانك تاخذي الفيزا بسرعه ويسسووون المقابله وانشالله بعد اسبوع يعطونك الفيزا وبكذا امورك خالصه

بس افضل انك تاخذي موعد من السفاره الايام هذي لان مواعيدهم اصبحت طووويله مره ووصلت لشهر 10/2006 يعني ترسلي صوره جوازك مكتوب فيها معلوماتك بالانقليزي بخط اليد وانك تبي فيزا علشان دراسه بامريكا وتكتبي رقم جوالك وحيتصلو علي انشالله

وبعدين نسيت اقولك لاتاخذي اجازه ولاتستقيلي خلصي امورك وانتي موظفه لان فيه ناس استقالو ولاسافرو ماطلعتلم الفيزا وتورطو

ملك المشاعر
maged_k_s_a2003@hotmail.com



والله يوفقك يارب

ا
الاخت الفراشة تحية طيبة

اذا تبين قبول اول شي حددي التخصص و الجامعه اللي انتي تبين تدرسين فيها ،،
و راح اعطيك طريقة الحصول على القبول مباشرة من الجامعه و المعهد ،،

المطلوب منك :
1- صورة الشهادة مترجمة ( عادة شهادات البكالوريس مترجمة عربي / انجليزي)
2- صورة الضمان االمالي
3- صورة السجل الاكاديمي مترجم
4- صورة الجواز

اذا تبين اي مساعدة :

muhammed
shegagi@hotmail.com

والله يالفراشه انا مثل وضعك جاني الضمان المالي مع بداية الابتعاث بس انا قدمت كذا ماكان لي نيه اروح وتجاهلت الموضوع ولا جبت قبول من الجامعه بس في الاخير غيرت رايي وتحمست للموضوع وجبت قبول من الجامعه والاربعاء الجاي مسافر ان شاء الله المهم اختي اول خطوه تسوينها ترسلين صورة جوازك على فاكس السفاره علشان تاخذين موعد للمقابله وهذا رقم السفاره الامريكيه 4887360 ومن ناحية القبول انا سمعت في مكاتب خاصه في الامور هذي يجيبون لك القبول بمبلغ معين بس قبولهم يتأخر عليك اشوي من وجهة نظري راسلي الجامعه انتي بنفسك احسن عن طريق الايميل او التلفون انا راسلت الجامعه بنفس وخلال خمس ايام جاني القبول بعكس المكاتب الي تاخذ عليك مبالغ كبيره وغير كذا يمكن يطولون لاكثر من شهر والاي تونتي الي تسئلين عنه هذا يجيك مع القبول حق الجامعه وبالنسبه لشهادات لازم تترجمينها طبعا لانك راح ترسلينها للجامعه وبالنسبه لسؤلك الاخير على حسب دوامه اذا يعطونه اجازه ولالا ولد عمي موظف حكومي وزوجته مبتعثه عن طريق الجامعه وهو مرافق وراح يدرس على حساب الجامعه لانه مرافق وعنده اجازه بدون راتب مادري اذا القطاعات الثانيه تتبع نفس النظام او لا اتمنى انك استفدتيوالله يوفقك تحياتي لك

السلام عليكم ورحمة الله وبركاته
العضوة المحترمة الفراشة اولا ارحب بك في مبتعث واتمنى لك التوفيق
بالنسبة للحصول على القبول انصحك بتجربة خدمة الحصول على القبول عن طريق موقعنا وذلك بالضغط على الإعلان الموجود في الصفحة الرئيسية للمنتدى وإرسال الإستمارة وسنواصل معك خطوه بخطوه

اتمنى لك التوفيق وتقبلي فائق تحيات المشرف العام و الحصول على القبول - ابو عمر -
والســـلام

السلام عليكم

هلا اختي

بارد عليك بحكم خبرتي الشخصية وانا متاكد من اجابتي بس ولو عشان لا سمح الله لو صار في كلامي شي غلط تاكدي من الوزارة بنفسك او من واحد افهم مني

اول شي دامك طالبة ماجستير ما يبيلك الا قبول معهد لغة فقط
الآن ما اتوقع يمديك ابد ابد ابد تخلصين اجراءاتك لانهم خلاص بيسكرون
لكن خذي نصيحتي ولا تقعين با الأخطاء اللي وقعت فيها انا

القبول للمرحلة الثانية راح يكون بشهر اغسطس يعني شهر 8 ميلادي اتصلي الآلآن على السفار الأمريكية بالرياض واطلبي منهم موعد لانهم مزحوومين مررة وحاولي الموعد يكون بعد البدء في المرحلة الثانيه بشهر يعني اذا اتصلتي عليهم وردوا عليك قولي لهم اني ابي الموعد بشهر 9 مثلا وان جت منهم وعطوك بشهر 9 يكون افضل
اسرع طريقة للأتصال بالسفارة الأمريكية هي ارسال ايميل لهم وراح يردون عليك رد تلقائي برسالة راح تجيك على بريدك انهم استقبلوا ايميلك وانهم ان شاء الله راح يتصلون عليك قريب ويعطونك موعد وانك ما عاد ترسلين لم رسالة ثانيه
طبعا من خبرتي اتوقع بيتصلون عليك خلال يومين من ارسال الرسالة خليك جنب الجوال عشان تردين عليهم اذا اتصلوا وما رديتي بيعيدون الأتصال بنفس اليوم او اليوم اللي بعدة والا فاعيدي ارسال الرسالة لهم مرة ثانيه وروحي للسفارة وخذي منهم كل النماذج اللي المفروض تجين فيها يوم الموعد وهي معبئة خالصة وتشوفين وش يبون من اوراق منك برضوة
ايميلهم هو NIVAppts@state.gov
باساعدك وباكتب لك الرسالة وانتي انسخيها من هنا وعبي بياناتك في الفراغات وارسلي الرسالة لهم طبعا عنوان الرسالة :- HELLO
مضمون الرسالة :-
hi
I want to request appointment for Student VISA For My self

Name : ( اسمك حسب الجواز )
Passport number: ( رقم الجواز )
Passport issue date : ( تاريخ اصدار الجواز بالميلادي )
Passport expiration date : ( تاريخ انتهاء الجواز بالميلادي )
Date of Birth ( تاريخ الميلاد بالميلادي )
Contact: Home ( رقم تلفون بيتكم )
: Mobail ( رقم جوالك )
Type of visa: student


والآن بعد ما اخذتي الموعد دوري على النت برامج ماستر تعجبك واذا لقيتي جامعة برنامجها كويس بالنسبة لك وحطيتي عينك عليها انتظري فتح القبول للمرحلة الثانيه واول ما يفتحون على طول روحي لهم وقدمي اوراقك وخذي ضمان مالي وراسلي با الأيميل معهد اللغة التابع للجامعة اللي انتي اخترتي برنامجها بحيث يكون موعد دراستهم بعد شهر 9 ميلادي بشهر على الأقل ويكون الضمان المالي مرفق بالرسالة اللي انتي راسلتها لهم لانهم يبون يعرفون وضعك المادي هو اهم شي عندهم طبعا لا صارت الحكومة تدعمك خلاص بيوافقون على طول وموافقتهم بتجي على هيئة ورقة اسمها I-20 اطلبي منهم يرسلونها باسرع وقت بواسطة الدي اش ال او الفيديكس طبعا راح ياخذون منك رسوم يستحسن تدفعينها بالفيزا بحيث ترسلين لهم الرقم وهم يسحبون او ترسلين لهم شيك مصدق بالمبلغ اللي هم يبونه و تذكري الجامعة ما راح تعطيك قبول الا اذا جبتي الدرجة اللي هم طالبينها بالتوفل
طبعا انتي بتخشين معهدهم والميزة هنا انهم راح يكونون متسامحين معك لو ما جبتي الدرجة المطلوبة بالتوفل فابعدي عن المعاهد المستقلة بنفسها او المعاهد التابعة لجامعات انتي ما تبين تكملين فيها ( طبعا يكون اختيارك للجامعة على اسس منها تكون الجامعة في مدينه رخيصة جوها حلو اهل المدينه كويسين وبرنامج الجامعة مناسب لك )
بعد ما يوصلك I-20 تروحين للوزارة على طول وتعطينهم صورة من I-20 وهم راح يعطونك خطاب موجة للسفارة الأمريكية اسحبي الخطاب من النت وروحي احجزي من شركة الطيار رحلتك على الخطوط السعودية افضل قبل موعد سفرك باسبوع ونصف او اسبوعين افضل واذا جاء يوم الموعد اللي اخذتيه بشهر 9 ميلادي وراح يقابلونك وان شاء الله يعطونك فيزا انتم يالبنات حظكم زين مهوب زينا يالتماسيح مشبوهين
وبعدها ارجعي للوزارة وقدمي لهم صورة الفيزا والجواز الأصلي وبرضوة اوراق ناسيها بس راح تشيكين على موقع الوزارة وتشوفين وش يبغون اوراق زيادة وراح يعطونك امر الأركاب وامر لشركة الطيار بصرف التذاكر طبعا ادخلي على مكتب شركة الطيار الموجود بنفس الوزارة وعطيهم حجزك اللي خذتيه راح يصرفون لك التذاكر على طول
وبكذا انتهينا من البعثة
لا تنسين اي ورقة تحصلين عليها صوريها وخلي عندك نسخ منها
اذا كنتي بتاخذين تخصص نفس تخصصك للماستر جيبي معك وصف للمقررات اللي درستيها من الجامعة عشان يمكن يعادلون لك مواد بمرحلة الماستر
كثري من طباعة السجل الأكاديمي لمرحلة البكالريوس
توصيات من دكاترة يعرفونك واكرر يعرفونك لان الجامعة ممكن تراسلهم وتسالهم عنك فاذا صار ناسيك وقال ما اعرفها بتجي فوق راسك
اخيرا : ختمي كل الوثائق اللي معك من وزارة الخارجية ما عدا توصيات الدكاترة ما تحتاج لانها شخصية
جيبي مدرسة خصوصية لبيتك او التحقي بمعهد لغة عندنا هنا بحيث توصلين هناك وانتي منطلقة باللغة مهوب تهزين راسك وما تدرين وش السالفة
اتمنى لك حظ موفق ان شاء الله
فمان الله

مشكورين يعطيكم العافية والله انكم خجلتوني من تعاونكم معاي وافدتوني وان شاء الله يجعل ثوابه في ميزان اعمالكم تصدقون اني كتبت الموضوع وقلت ما راح يجيني رد بهذي السرعة الحمد لله الدنيا لسه بخير وادعوا لي اتوفق وتخلص اموري بسرعة

الاخت الفراشة ...

السلام عليكم ...

اولاً بدل الصداع هذا كله ...

بما انك مقدمة على ماجستير فيكفي تجيبي قبول معهد فقط ... مثل ماسويت انا ...

وقبول المعهد سهل جداً ... وما ياخذ منك اكثر من اسبوعين ...

1- ترسلي صورة الجواز
2- نسخة ملونة من الضمان المالي
3- تعبي الابلكيشن حق المعهد
4- تدفعين المبلغ اللي يطلبونه بالفيزا او الماستر كارد ...

وبعد اسبوعين تقريباً أو اقل يجيك الـ I20 ( قبول المعهد )...

ثم تكملي بقية الخطوات مثل ماقالو الشباب ...

والسلام عليكم ورحمة الله وبركاته ...

ماشاء الله

الشباب ما خلوا شيء نكتبه ونساعد فيه

يعطيكم ا لعافية يا اخوان على التعاون الطيب

والله يسهل علينا اجمع يارب