بشرى للمهندسين ( بخصوص الدراسات العليا )

ما شاء الله
شي طيب

وفق الله الجميع

شي حلو ---- بس وش المصدر هذا ---- الرجاء التوضيح

يارب يكون هالخبر مو صحيح ....
لان فيه تخصصات ثانيه بعد مطلوبه بالبلد ....

الله يكتب لنا جميع الخير ومبرروك للمهندسين

الف مبروك لجميع المهندسين والله يوفقكم جميعا

شئ طيب البلد محتاج للمهندسين اكثر من اي تخصص اخر والله ماهو تعصب .

اشكرك على هالخبر الحلووو اخوي لكن المشكله مو كم عدد مقعاعد المهندسين اللي راح تخصص لهم في الابتعاث الكلام على كم عدد المقدمين على هالمجال


لان بمجرد تعميم الامر على الهندسه احب اقولك ان تخصصات الهندسه كثيره جدا يعني لو ابي اعدلك على الطاير ابي اقولك هندسه كهربائيه ,ميكانيكيه,مدنيه ,طيران وفضاء ,كيميائيه,معماريه,حاسب الي,صناعيه..........الخ


انا عديت لك ثمانيه بس على الطاير يعني كيف لو تبي تفصل فيها يعني تبي تدوووووخ لكن اذا كانت المقاعد كذا اجل وش بقى للطب اللي هم مركزين عليه في هذا البرنامج والبرامج اللي قبله لان التركيز ولسنوات قادمه في مجال الطب سواء صيدله او جراحه او غيره


يعني في نظري اللي راح يبقى للتخصصات اللي هم كاتبينها من تخصصات اداريه ماراح يبقى الا عشرين خمسه تجاره الكترونيه وثلاثه قانون واثنين تسويق وهذا منافي للعقل تماما


وانا اقولك ليه منافي للعقل لان جميع التخصصات اللي هم كاتبينها البلد فعلا محتاجه وهم دراستهم على كم سنه جايه فانا اتوقع انها نسبه وتناسب يعني يمكن المهندسين يكونون نفس العدد اللي انت قلته او قاله الموسى او غيره ويمكن يكون الدعوه تخمين على السريع زي ماقرينا وسمعنا في هالمنتديات والجرايد لكن التخصصات الباقيه لابد من توفير عدد يكفي احتياج البلد مثل ماهم يدورون على اكتفاء البلد في مجالات الهندسه



طبعا بتقول انت عارضت الفكره اكيد عشان مانت مهندس...... احب اريحك واقولك انا خريج جامعة الملك فهد تخصص هندسة حاسب الي يعني واحد من اللي تهمهم هالبشاره لكن هذي وجهت نظر تحتمل الصواب ولكن احتمالية الخطأ فيها كبيره جدا


فارجو منك اخوي الكريم تقبلها بصدر رحب لاناا ماجتمعنا هنا الا عشان نتناقش في مواضيع تهم الاخوان في مجال الابتعاث واهم شي في المنتدى المحافظه على مبداء الاخوووه اللي ان شاء الله انا مانفقده في حواراتنا اللي نسعى انها تكون بنائه ان شاء الله

واشكرك من كل قلبي على تقبل وجهة نظري وايضا على هالخبريه اللي ريحت من اعصابنا شووووي تعرف كم اسبوووع والاعصاب تلفانه مرررررررررررره


احترامي واشواقي لمقامك الكريم


اخوك قولد اونر

الله يكتب الى فيه الخير لنا احنا حقين الحاسب والغيرنا