البعثة والطلاق !!!!!!!ساعدوني الله يدخلكم الجنة

ليس لي بمساعدتك الا الدعاء لك

اسأل الله العلي العظيم الفرد الصمد بأن يوفقك لما فيه خير لكي ولدينك وان يفرج همك وهم كل مسلم

أخوك / the thunder

أختي أنصحك تكلمين على الوزير مباشرة او على مدير مكتبه.أو تبعثين برقية تسلم للوزير ...
او تروحين بنفسك للوزارة وتقابلين المسؤولين وهذا أفضل حل اذا كنت تستطيعين..........
....................والله يكون بعونك .......

بالله مو حراااااااااااام عليكم
202 شاهدوا مضووعي ولا احد يريد عليا غير 11 وهذا وانا اختكم في الاسلام وقالكم ساعدوني؟
جزاكم الله خيرا

طيب كيف اوصل للوزير؟
وكم رقمه؟
طيب لو رحت انا وامي وابويا الوزراة في الرياض حقت التعليم العالي هل راح استفيد يعني بيدهم شي واروح لمين هناك؟؟؟انا بالمدينةالمنورة عشان كدا ابغى اعرف كل شي حرام اجرر بابا وماما ورايا

وجزاكم الله خيرا

.. يا اختي الموضوع معقـد نوعــاً مـا ،، ومثـل ما تفضلـو الاخـوان ،، افضل حـل تروحيـن الوزارة وتكلميـن الوزيـر او احد المسؤولين وراح يحلون مشكلتـك أن شاء الله ..

..

اسمعي ياختي والله انا ماعرف بس حبيت اخدم بنت بلدي انتي حولي المحرم من زوجك السابق الى والدك ابوك يعني مو انتي تقولين عندك ابو وروحي بعثه عادي او روحي الوزاره عاد لاتضيعين تعبك بلاش


الله يهيدك بس جالسه 9 شهور ايش تسووين والله انقهرت انا اسمعي ودي استماره الطلاق حقتكك للوزاره ويحولون المرافق الى والدك وسافري وخلي ابوك يلحقك او يروح معاك وترى اذا رحتي لحالك عادي بس اهم شيان ابوك متى ماخلصت فيزيته يلحقك والله هذا الي اعرفه والله اعلم بس روحييييييييييييي الوزاره ولاتضيعين دراستك الي بديتيها من اول

ياختي موضوعك واضح وليس له علاقه من وجهة نظري لا بوزير ولا بمسؤول كل مافي الامر حسب فهمي للموضوع:
زوجك هوه المبتعث وانتي رحتي معاه على اساس انك مرافقه بناء على فيزتك الي هي F2 فيزة مرافق بدون شك .
اذا كان الموضوع مثل ماذكرت فهناك احتمالين :
الاحتمال الاول اذا كنتي تدرسين اللغه لما كنتي هناك في امريكا ورفعتي اوراقك للملحقيه واقصد باوراقك الي هي قبول الجامعه وصدرت الى وزارة التعليم العالي وخذت المعامله مجراها لكي تتحولين من مرافقه الى مبتعثه في هذي الحاله انتي مبتعثه وتقدرين ترجعين وتكملين بس بشرط تحولين فيزتك من F2 الى F1

الاحتمال الثاني اذا ماكنتي تدرسين وانتي مع زوجك او كنتي تدرسين اللغه فقط ومارفعتي اوراقك للملحقيه ولا حصلتي على قبول من جامعه وارواقك رفعت للوزاة فمعناته انتي كنتي مرافقه فقط وكنتي تدرسين اللغه فقط وهذا مايخولك انك تكوني مبتعثه واغلب الضن انه هذا الاحتمال لانه انتي تقولي دوبك لكي 3 اشهر والمده هذي غير كافيه لانهاء المعامله والحاقك بالبعثه وان تصبحي مبتعثه والواضح انه انتي كنتي ملحقه بعضوية البعثه لدراسة اللغه فقط. وهذي مو ضروري تكوني مبتعثه من شروطها انك تكوني مرافقه وحتى لو كلمتي الوزاره يقلون لكي انتي كنتي مرافقه والان لستي مرافقه فمعناته مو من حقك انك تلحقي بالبعثه

هذا حسب فهمي لكتابتك بناء على المده الي قضيتيها هناك و نوع الفيزا وفي كل الاحوال تقدري تتصلي على الملحقيه في امريكا او تراسليهم ويفيدوك عن وضعك سوء انتي مرافقه او مبتعثه او غيره

الله يوفقك اختي وعليكي بالدعاء ولكن تقدرين تدخلين على موقع وزارة التعليم وتدخلين ايقونه الخدمات الالكترونيه وتدخلين رقم سجلك المدني ويطلعلكي المعلومات الخاصه فيكي من اسم وحاله وتاريخ .....الخ

وبالتوفيق ان شاء الله اختي الفاضله واعتبرينا اخوان لكي وان شاء الله نستطيع مساعدتكي