موقف حصل علي شخصيا

اخواني مع التريك الي وقعتنا فيه الوزاره وخفة الدم الي مسويتها علينا اذكركم بدعاء الله والاستغفار
وربما كان ذلك لاسباب مكرمه او شي من هذا القبيل
وأسأل الله في هذه الساعه انه مايخيبني ولايخيبكم
المهم الموقف الي حصل على امس وانا راجع من الجامعه (الطائف المأنوس)تغديت انا واحد من العيال وخرجنا الا وفيه رشاش مطر وقلت له يفيصل زمان ما جانا مطر قال اللهم زد وبارك وانا قلت يالله انك تغرق ثوبي من المطر لاحظتوا الدعوتين والله ماوصلت لسيارتي زين زين الى والمطر
الي اول مره اشوفه فحياتي يعني زاد المطر ودعوة فيصل تحققت ركبت وقفلت القزاز بسررررعه
وماغرقت ولا شي المهم سقت سيارتي الى ان وصلت شارع المسيال المشهور في الطائف
مليان مويه وماتشوف الي قدامك من كثر المطر يعني خطوره لا ابعد الحدود تخيلت اني في باريس امس ثمن فكيت القزاز قلت خلني اشم الهبوب والمطر والريحه الي ماتنمل ومشيت في ستر الله ويجيك هاك المشوت بسيارته الكرلا الله يسامحه بس وهو رشني رشه على كيف كيفك
والله العظيم اني ماكذبت في حرف وغرق ثوبي بعد الانتظار وغرقت مراتب السياره بعد والكتب بس الاله الحاسبه سلمت فتخيلوا معي كيف الله سبحانه حقق الدعوه بطريقه سبحان الله فيها تعليم لي شخصيا بدعاء الله دائما وابدا فالقادر على اغراقي بالماء قادر على تمكيني من البعثه باذنه
أسأل لله انه لا يحرمني مهنا وياكم والدعاء الدعا تكفون لي ولغيري ....