خبر بجريدة الوطن عن عدد ووقت البعثات

هذا تخلف بكل معنى الكلمه
اصلا المفروض من البعثات تكون للبكالريوس والماجستير فقط
ويكون البكالريوس له نصيب الاسد

لان الدراسات العليا له بعثات بكل مكان
- من الجامعات السعوديه تبعث ماستر ودكتوراه وزمالات بعثات مستقله عن الوزارة
- كل الشركات تبعث موظفيها للدراسات العليا
- صندوق الموارد البشريه
- وزارة الصحة للتخصصات الطبيه والصحية
- وكل الوزارات لها بعثات من نفس مجال الوزارة
- مؤسسه النقد
وكثييير
حتى انه الجامعات برى تقدم منح دراسية بكل سهوله للدراسات العليا
بس البكالريوس امورها معقدة شوي وفيها مفاظلة واسبقية

وانا شفت هالاشياء بعيوني
لان اخوي قبل لا يتوظف قالوا له نبعثك تكمل دراستك مقابل عقد عمل براتب وو و و و لمدة 10 سنوات او 5 او اي عدد


بس البكالريوس مين يعطيه وجه
لا وظيفه يقدر يتوظف
لا دراسه يقدر يدرس
لا حياة يقدر يعيش

ويسألون ليه اغلب الارهابين والفئه الضالة على قولكم شباب

بلاه منهم
انا حاليا بلغت من التحطيم الي اشوفه منهم اني مستعد اهاجر من هنا وماعاد لي رغبه بالجنسية السعوديه ولا عاد لي فخر فيها
انا الحين بعت سيارتي وتقريبا كل ماعندي هنا استعداد للهجره
وبأذن الله ماشي على ديرة ثانيه قريب وما لي اي نية بالرجعه
راح ادرس واشتغل هناك بنفس الوقت وتقريبا انا منتهي من التنسيقات مع الجامعه والمعهد والشركة الي بشتغل فيها
الي لما شرحت لهم وضعي الحالي تساعدو معي وكاني واحد منهم
والي انا واحد منهم ما اهتموا فيني

بلا يعثه بلا هم

خلوها لهم ونشوف وش بتفيدهم وانا متأكد ان مشاكل الارهاب والجرايم بترجع
لوجود عدد هائل من البطالة ومن الشباب الي ماعندهم احد يوجهم ويدعمهم

ووقتها قولوا فئه ضاله

والله بديت اتعاطف معم

اجل انا بدرجاتي هاذي وشهاداتي ثلاث سنين وماني لاقي جامعه
حتى والله اني ما اطلع من البيت مالي وجه اقابل الرجال
عايش على المبلغ الي كان مخشوش لزواجي
حتى في البيت مالي وجه اقابل اهلي
والله حتى الناس فكروني ميت

بتقلون لي عندك اهلك صحيح عندي اهل والحمد لله ويقدرون يعيشوني ويصرفون علي
بس انا من صغري استقليت بفكري وشخصيتي
وما احب اهلي يصرفوا علي
انا رجل ومانيب صغير ربعي الي تخرج منهم والي قريب ويتخرج و الي توظف
وانا جالس كذا عاطل مع اني اعلى واحد فيهم درجات ومستوى دراسي

الله يعيننا و يكتب اللي فيله خير

على الرغم من اني ماستر بس مرة متعاطفة مع البكالريوس وشايله همهم بجد
لأني متخيلة نفسي مكانهم

بس كان المفروض يطلعوا 10 الاف بالنص بيننا وبينهم

قليلة جدا الف ياناس المدرسة الثانوية بجدة يكونوا طلابها 500

الله يعينكم بجد بس انا متوقعة يزيدوا ما ادري ليش

الله يكتب الخير للجميع


هوا اكيد شي يزعل بس هما من بداية البرنامج ذكرو انه 70%للماجستير والدكتوراة والزمالة


و30% للبكالوريوس


لكن غلطت الوزارة اذا هيا عارفة من البداية انها بتقبل الف بس كان اختصرت المقاعد لاصحاب الطب ولم تسمح بالتقديم في التخصصات الاخرى...


لانها لمن سمحت بالتقديم في التخصصات الاخرى اعطت الامل واوهمتنا جميعا بقبول اعداد لابأس بها من اصحاب البكالوريوس


لكن مااقول الا الله يصبركم ويعينكم


والله كريم

وريف صح كلامك نفس تفكيري

ليش يوهمون الكل بان الاعداد رح تكون كبيرة

ليش ما يأخذون على حسب المعقول

بس ارجع اقول يمكن الوزارة ماكانت تعرف عدد المقاعد