™°ˆ*¤§X§¶ جميع تساؤلات طلاب المرحله الثالثه ¶§X§¤*ˆ°™

اولا اخوي بالنسبه للسكن

الله يعينك تنسق للسكن من هنا سواء لقيت لك سكن دائم او سكن مؤقت

يعني على خطى طلاب امريكا الدفعه الثانيه .. بعضهم حجز سكنه من هنا وخاطب مكاتب العقار

والبعض الاخر مجرد انه حجز في فندق مؤقتا ولمن يروح هناك يبدأ يدور عن سكن


بالنسبه للقبول .. الي صار السنه الي فاتت ان الوزاره كانت مانعه اي قبول من خارج مركز القبول

الا بواسطه طبعا

وبعد مامرت سنه كامله .. ولأن الوزاره ماقدرت توفر لـ 300 طالب متبقين من 5000 طالب

سمحولهم يجيبون القبولات بأنفسهم .. يعني قالولهم تعالوا خذوا ضماناتكم الماليه وقدموا على الجامعات

عموما السنه هذي هل يمشون الطلاب الي بقبولات من البدايه .. الله واعلم

لذلك ننتظر الاسبوع القادم او الى وقت الملتقيات ونشوف .. غير كذا مافي احد يقدر يفيدك بإجابه شافيه وكامله

وحياك الله اخوي

اخوي لمن يفتحون باب التحويل ماراح تكون الشغله سهله

يعني راح يحطون شروط للتحويل من بلد الى اخر .. عشان ماتتلخبط اوراقهم فالوزاره

لذلك لازم يكون عندك سبب قوي يدعمك امام الوزاره للتحويل الى البلد الذي ترغب به

طبعا انا اشوف القبول هو احد الاسباب .. بس يبغالك تضيف له بهارات من عندك

يعني تقول ان الجامعه هذي قويه فالتخصص حقي ومن الكلام هذا

بالنسبه للقبول .. عندك طريقتين .. يا انك تشوف لك احد الاخوان يساعدك في بلد الابتعاث

او انك تروح لمكتب الـ IDP وهذا المكتب الي اعتمدت عليه الوزاره في جلب القبولات لطلاب استراليا

طبعا المكتب غير ربحي وياخذ فلوسه من الجامعات الاستراليه

لذلك كل ماعليك هو الذهاب للمكتب وهم يساعدونك في اختيار الجامعه والمدينه الي ترغب فيها

ويساعدونك في تعبئة نموذج الجامعه وماعليك الا دفع رسوم البريد فقط

والمكتب له فرع في جده واخر فالرياض وثالث فالبحرين .. بس هل يستقبل طلاب الان ام لا العلم عند الله

بالتوفيق اخوي

السلام عليكم ورحمة الله وبركاته

اخوي اذا انت ساكن بالرياض روح للوزاره وراجع مركز القبول وبلغهم بهالشي

اما لو انك من برى الرياض انتظر الى الشهر الجاي .. ووقت الملتقى راح يكون فيه مندوبين من مركز القبول تبلغهم

لو انت من برى الرياض انا ما ابغاك تطلع وتتعب نفسك وفالنهايه ماتحصل منهم اجابه كافيه
او يمكن يصرفونك

لذلك زي ماقلتلك لو انت بالرياض روح لمركز القبول واتفاهم معهم ولو برى الرياض انتظر الملتقى



للأسف اختي ما اقدر افيدك بأي شي عن السفاره الكنديه .. لان معلوماتي فيها صفر

لذلك روحي ملتقى كندا وان شاء الله الشباب ماراح يقصرون معك .. او روحي ملتقى التأشيرات



والله ياعزيزي ماابغى اعطيك معلومه ماني متأكد منها

انا الي اعرفه انهم مايصرفون على الزوجه الاجنبيه .. ووضعك يقول انها زوجه تعتبر اجنبيه (غير سعوديه)

بس قلتلك مابغى اعطيك معلومه ماني متأكد منها

والي راح يفيدك بالموضوع هي الوزاره نفسها

الله يعينك تنتظر الى وقت الملتقى وتسألهم .. او اذا انت بالرياض روح واسألهم

بالتوفيق اخوي

اشكرك اخوي على اجابتك انا مقتنع بأسبانيا من منظور كلامك اللي قاله لي كل منهم حولي

وانا ما فكرت اني يكون معي سعوديين او لا انا فكرت من ناحية عدم الاقبال عليها هل يعني ان

فيها شي صعب استغرب لاني الوحيد قلت يمكن فيها شي مو مرغوب لان ما عندي اي معلومه

عن اسبانيا وكل اللي اقراه عنها حلو وكل اللي بحثت فيه عنها احلى واحلى بسس انا فكرت

من ناحية اللغه انا منذ ان تخرجت لي سنتين يعني ودي اكسب السنوات ما ودي اضيع سنه

وعليها في دراسة الاسبانية واكتشف بعدين انك تقدر تدرس بالانجليزيه او اني احول في دوله

استطيع الدراسه بالانجليزي فيها

وشكرا لك حبيب البي وانا سألت في الوزاره بخصوص التحويل وقالوا ممما يمكنا حاليا

هل يعني هذا انهم بعدين بيحولون او لا مدري لكن اقنعني لما قال ان دراسة التخصصات الطبيه

بالانجليزي

واقتنعت في اسبانيا وما ابي ابدل >>>>>>>>>> لا تلوم اخوي الناس تشتتك بكلامها والتفكير

يبعد عن المنطقيه احيانا وانا ماراح اترك البعثه لو بالصين لاني لي سنتين اطارد وراها

تحياتي لك

بنــــدور

شكراً مستر ملبورن على هذا المجهود الرائع
بالنسبة لي أنا مقدمة على مرحلة دكتوراه والوزارة زي ماعرفت تتأخر في قبولات الدكتوراه وصحبتي من المرحلة الثانية تخصصها تقريباً زي وإلى الأن ماجاها قبول من الوزارة
وفي واحد طالب في استراليا عرض علي انه يجيبلي قبول
سؤالي هو هل ممكن الجامعات تديه قبول هناك أو أحسن أجيب من مكتب زي idp أو igec
أو أستنى الوزارة و أنا عارفة أنهم حيطولون
قولي رأيك في الموضوع .