™°ˆ*¤§X§¶ جميع تساؤلات طلاب المرحله الثالثه ¶§X§¤*ˆ°™

شوف ياعزيزي

لو انت مثلا درست بكالوريوس إداره وتبغى تدرس مثلا ماجستير حاسب وانت ماتعرف عن الحاسب شي ابدا

الجامعه طبعا ادرى .. والغالب انهم راح يزيدونك 3 الى 4 مواد تحضيريه او اساسيه فالتخصص الجديد

يعني لو دراسة الماجستير للحاسب هي سنه ونص .. راح تكون لك سنتين بما انك دارس إداره فالبكالوريوس

اتمنى تكون وصلت الفكره ياخوي

وحياك الله

الوزاره اخوي هي الملتزمه بتوفير قبول للطلاب في الجامعه .. وماتقبل اي قبول يجيها من برى

يعني ريح بالك وفالملتقى راح يقولون لكم ايش صار على القبولات

واذا جاء قبولك راح يتصلون عليك الوزاره ويبلغونك


اعتقد انهم راح يفتحون مجال للتحويل مثل كل سنه .. لكن لازم يكون عندك سبب مقنع للتحويل

والي اعرفه مايسمحون لك التحويل من بلد شرق اسيوي الى اخر غربي لكن يسمحون بالعكس

هذا نظامهم .. وعذرهم ان لو حولوا طالب كل الطلاب يبغون يحولون

عموما انتظر الاسبوع الجاي راح تبان امور كثيره .. سواء الاعتراض او التحويل او الملتقيات

ولو ماجاء اي خبر عن التحويل خلال الاسبوع الجاي .. لاتطلع الرياض لأن في طلاب من الرياض فالمنتدى

واكيد فيه ناس نفس حالتك .. اسأل وصدقني الناس ماراح تقصر معك .. ولو فيه احد غير الدوله وقتها تطلع للرياض

اعانك الله ووفقك اخوي

حياك الله اخوي في اي وقت

حياك الله ياعزيزي في اي وقت

::
::
ماشالله عليك اخوي ما قصرت، يعطيك الف عافيه .. كنا بحاجه الى شخص زيك ..

عندي بس سؤال بسيط عن { المعــاهد } ،،
حسب معلوماتي انو احنا اللي نختارها ، نراسلها وندفع رسومها ..
طيب متى يكون هالشي اذا عندك فكرهـ ، خاصه اني احتاج اتعلم اللغة { السلوفاكيه } مو الانجليزيه ..

../ دعواتي لــكـ ..

::
::