من الساعة 8 الصباح توني راجع من الوزارة ...

November 24th, 2007, 12:31 PM

هلا وغلا بأعضاء مبيتعث ...

من الساعة 8 توني راجع من الوزارة وقلت لازم أعلمكم شنو صار معاي !!!!


رحت الوزارة الساعة 8 واول ما دخلت سألني السكرتي شنو أبغى قلت له ابغ أقابل الدكتور عبدالله الموسى قال لي تقدر تقابلة من الساعة 1 الى 2 قلت له الله والله كثير :93:
قام يقول لي كلم الموظف الي في الاستقبال ويمكن يفيدك قلت له اوكي طبعا على ما خذت لي رقم وعلى ما وصل رقمي الا جات الساعة 8:30 المهم كلمت الموظف قال أمر قلت له ما يامر عليك عدو بس أنا انقبلت مبدئياًُ لكن ما طلع اسمي في النهائي قال لي كم نسبتك وقدراتك بعد ما قلت له قال كم الموزونه قلت له كم قام يقول خلاص انت مو مقبول لانه أخر واحد أعلى منك بكثير قلت له طيب أبغى أقابل الدكتور محفوظ أو د. ماجد أو د. عب\الله الموسى قال لي الساعة 1 مو الحين قلت له طيب كيف أقدم اعتراض أو خطاب قال لي قي اوراق بينزلونها الساعة 1 قلت له أوكيه بنتظر قال لي خلاص

بعد ساعة شفت د. محفوظ دخل قلت هلا وسهلا وفزيت ركض له ( أعرف شكله لانه جاء في الخبر عند تقديم الاوراق ) المهم رحت لعنده:

قلت له السلام دكتور
قال لي وعليكم السلام قلت انا انقبلت مبدئياًُ لكن ما طلع اسمي في النهائي قال لي كم نسبتك وقدراتك بعد ما قلت له قال لي اسف انت تحت المعدل المطلوب قلت له طيب ما في أسماء دفعه ثانيه قالي لا ما في الا في رجب السنة الجايه قلت طيب ما في امل قال الصراحة ما أقدر أجوابك قلت له مشكور ومشيت رجعت جلست على الكراسي وشوي الا جاء واحد وقام يقول هنا اوراق حق الاعتراض بعد ما رحت وكتبت الاعتراض الي أحس انهم بقطونه في الزباله لانه ماله داعي المهم بعد شوي طلع دكتور أسمه وائل المهم اخلاقه مو شي أبد قام يقول حق الموظفين الي نسبته الموزونه اقل من المطلوب لا تاخذون منه الاعتراض طبعا كل الي سمع حقدو عليه حدهم لانه يتكلم من دون نفس من جد المهم انا شفت الوضع كذا تحطمت المهم طلعت وشوي قلت خل اروح من البوابه الثانيه بعد ما خشيت جاني سكرتي قام يقول لي امر قلت ابغ اقابل ال د . الموسى قال ما تقدر قلت ليه قال الساعة 1 مو الحين

المهم يا من جيت أطلع قلت أكيد ذا بيقوم يضف المهم انتظرت على الكراسي ساهو ونص شفته طلع يدخن قمت دووووس صعدت فوق وقمت ادور في المكاتب الي موجوده شفت مكتب ضخم قلت خلني أخش وأسال قلت له هنا مكتب الد. الموسى قال لي ايه بس الحين عنده اجتماع لت له بيطول قال لي ما أدري قلت اوكيه أنا بتظر انشاء الله لا بكره الزبده 45 دقيقة الا قال لي تفضل

انا ما صدقت دخلت وسلمت عليه المهم

قلت له انا انقبلت مبدئياًُ لكن ما طلع اسمي في النهائي قال لي كم نسبتك وقدراتك بعد ما قلت له قال اسف انت تحت المعدل المطلوب قلت له ما في دفعة ثانية قام يقول لا قلت له ما امل يمين يسار تكفى قال لي لا بس تقدر تدرس على حسابك وبعد سنة تحول:119:

قلت له لو أقدر كان من البداية سويت كذا

المهم حاولت فيه وترجيته قام يقول انا حتى ولد أختي بدر والله ما قدرت اسوي له شي قلت اوكيه الله يعطيك العافيه





هذا الي صار لي بالضبط اليوم بس ترى في سكرتي احسن واحد فيهم أسمه ( خليل القحطاني ) تراه طيب ويخدم الطالب غير الباقي ....



انشاء الله ما قصرت معاكم والله يوفق جميع الطلاب ويحنن قلب حبينا بومتعب وينزل مكرمة للطلاب لانه هذا شي مو غريب من بومتعب الله يحفظه ....

• نشر عبر تويتر
• نشر عبر فيسبوك
• نشر عبر جوجل