ممكن احد يساعدني كيف اغير الدوله المتعث لها

والله ياليت اقدر اساعدك..

انا بعد كنت ابي اغير.. بس الحين اقتنعت..

انت مبتعث الى وين؟؟؟

<..ملقوفه

وترى في موضوع بس مدري بأي قسم فيه اعضاء يبون يغيرون الدوله المبتعثين لهااا..

روح وشووف اخر الاخبار ..

والله حتى احنا نبغى نغير الدوله بالمناسبة انا مرافق مبتعثه الى المجر

وانا راح اكمل دراستي في الهندسة وهي طب بس في المجر كيف ؟؟

احنا طالبين استراليا على اساس اني انا بروح على حسابي هناك بس انا اللحين متورط مع المجر ؟؟ شكلي راح اكون اول طالب سعودي يدرس هندسة في المجر

الله يعينك والله..

بس يلا شي احسن من لاشي

يوم الملتقى حاول تسأل عن تغير الدوله ..

لان الحين كل واحد راح يجي يقولك اعتقد واعتقد ..

لاتتعب حالك..

اذا راح يصير شي يوم الملتقى يكونوا سوو فيك خير..

واذا مايصير خلاص ادرس بالمجر واهم شي تدرس وتخلص..

والله يووفقك..

ومااااااااأنصحك تهون تقول مابي هذا المكان..

روح ادرس وانا امك..

تشاوووووو

انا الحمدلله انقبلت بالدوله اللي اريدها امريكا

بس واحد من اصحابي يسأل يريد يغير دولته قلتله انزل موضوع واشوف

السلام عليكم
حبايبي واخواني طلاب البعثة الجديدة انا من المبتعثين المخضرمين


وانقلكم الخبرات السابقة
اقولكم ان كان احد يبي النظام حق الوزارة؟
والا الشي الواقع والمعمول به؟
الواقع حبايبي انه الي يبي شور احمد ويبي يخلص اموره بسرعة
يسوي الحركات التالية:
اولا: يستخير الله قبل كل شي لانه سبحانه هو الي يعلم وش البلد الاصلح لك والي فيه الخير.
ثانيا:يبدا يراسل جامعة في البلد الي يبي ويجيب منها قبول باي طريقة وباي جامعة حتى لو كانت في مدينة مايبيها لان يقدر يغير بعدين.
ثالثا: اذا استلم القبول يكتب له في ورقة ونص اسباب تغيير المكان ويحط شي مقنع (يعني ماينفع ما ابي هالبلد لانه اهله اخلاقهم شينة او ماحبهم او غالية او مهب حلوة او من هالكلام الي يضحك ولا يسمن ولا يغني من جوع)
بل يجب انه يحط اسباب مقنعة في الجامعة نفسها ويحاول يصورلهم ان تخصصه ماينفع فيها_يالله عاد شوفوا نشجعكم على حركات اللف والدوران_وزي كذا.
واعلمكن حبايبي ان الطلب يبي يعرض على المسؤولين في جلسة مجلس الادراة العامة لشؤون المبتعثين يعني اي كلام زي الي قلتلكم سابقا ماراح يمشي
وكل هالكلام الي علمتكم والقصة الطويلة العريضة هذي في حالة انه المبتعث مامعه وااااااااااااااااااااااااااااااااااااااااااااااااا ااااااااااسطة والي معه واسطة في هالوزارة الحلوة الي مايقعد موضوعه ساعة وحدة او اقل يمكن اقولكم هالكلام بحرقة شديدة لاني معاصر ومعاين وشفنا قبلكم الويلات والويلات من هالوزارة الطيبة
اخيرا ادعي ان الله يختارلنا مافيه الخير والصالح ويوفقنا واياكم وترجعون انشاء الله بالشهادات العالية وترفعون روس اهاليكم وينفع الله بكم الوطن والاسلام والمسلمين انه على كل شي قدير
وآسف على الاطالة