من يريد ان يصل الى بلد الابتعاث مبكرا يأخذ العلم

اول شي اطمنك انه مافي شي اسمه ماترضى تغير لو تبي تغير الملحقية هناك هي الي تغير وابشرك الاجراء ماياخذ شي كلها رسالة فيها القبول الجديد مع سبب التحويل ويحولونك طوالي

القوانين ماتتغير بيوم وليلة الوزارة لها على الحال هذا سنين وسنين واذا جت تبي تغير لازم تعلن قبل بفترات طويلة مهب يالله غير ولا حد دري
الوزارة لو رحت لهم وسألتهم تبي تمشي اجراءاتك على السعة وهذا خارج موضوعنا هذا الموضوع للي مستعجل يبي يسافر
وبالنسبة لقبول كندا انا اقولك ان كندا القبول فيها صعب نوعا ما خصوصا التخصصات الطبية فهي صعبة وانا اقولك حاول تجيب قبول لغة وتحاول تمشي فيه ويبي ييسر رب العالمين
بالتوفيق اخوي بالدنيا والاخرة

وعليكم السلام
حبيبنا الغالي نبي نتحملك بكل صدر رحب لاني كنت بيوم زيك بالضبط ولا يهمك شي
حنا حاضرين بالي تبي
بالنسبة للاجراءات فنا علمتك وش تسوي
والقبول عندك خيارين اما انك تطلع ضمان مالي على حسابك يعني تحط بالبنك مبلغ اقول شي 26000دولار وتاخذ عليه شهادة انه كان بحسابك وتقدر تسحبه عقب الشهادة على طول
او انك تاخذ ضمان من الوزارة وهم يبي يعطونك
اما كشف الحساب ماينفع
لو تبي ارسلك الصيغة للصمان المالي الي عندي وانا مطلعه على حسابي انا ماعندي مانع
وبالتوفيق يارب
واي شي عندك لاتستحي حنا بالخدمة

الوزارة تبي قبول جامعة لكن انا اتكلم عن شي ثاني ارجوا انك تعيد القراءة

مشكوووووووووووور والله يبارك فيك

اقول الله يعطيك العافية يا غالي وان شالله موفق ..

شكراا على الموضوع المفيد

لكن الموضوع فيه مخاطره، يعني لو انقبل في احد الجامعات هذي وراح على اساس انه يجيب قبول في جامعه ثانيه هناك وينقل لها، يمكن مايقدر يجيب!! ويستمر مرغما في هذي الجامعه اللي مايطمح لها

مادري اخوي وين وجه المخاطرة في الموضوع بعدين اذا انت ماقدرت تجيب قبول وانت هناك وتغير الجامعة فمن باب اولى انك ماتقدر تجيب القبول وانت هنا فانت ماحصلك لا الجامعة الي تطمح لها ولا الجامعة الي ماتطمح لها لكنتوكل على برك وامش بطريقك

حلو كلامك
بس لو سمحت احنا مبتعثون المرحلة الثالثة قالوا لنا إن الوزارة هي اللي بتعطينا القبول في الملتقى
فهل يجب علينا عمل ماذكرت ولا الإنتظار لان اللي سمعته ان الوزارة مشدد في هذه المرحلة وما راح تقبل القبول اللي يجيبه الشخص لنفسه ؟؟؟؟؟؟؟؟؟؟؟

- وشي آخر كيف أعرف الجامعات اللي معتمده من الوزارة من خلال موقعها
أنا أبغى جامعات بكندا

تحياتي

حياك الله اختي واتمنى لنا ولك التوفيق انشاء الله
اول شي من الي قالك ان الوزارة تبي تعطيكم القبول في الملتقى هذا الكلام من المستحيلات
لانها لو هي تبي قبولات من جامعة الامير سلطان كان ما امداها تجيبها وشلون اذا من جامعات امريكا ولعدد الالاف فقولي للي قالك هالكلام يقولك احمد حدث العاقل بما يعقل

ثانيا الوزارة مايهمها اي قبول مادام معتمد التخصص في الجامعة
ومن قال لك ان الوزارة ماتبي القبول الي تجيبينه انتي فكلامه مجانب للحقيقة لان الوزارة كذا تبي توفر على نفسها قيمة قبول وهذا مكسب لها
لكن مابيك تجيبين قبول من جامعة اما غير معترف بها او انها معترف بها ولكن التخصص غير معترف فيها بها وتقولين الوزارة مااعتمدت قبولي فانتبهي من هالنقطة
اخير بالنسبة للجامعات الكندية
تروحين لموقع الوزارة وتدخلين على ايقونة الجامعات الموصى بها
وتختارين الدولة وتختارين اما البحث عن طريق الجامعة او البحث عن طريق التخصص وتطلعلك الجامعات المعتمدة
واحب انبه على نقطة ممكن تكون الجامعة مثلا معتمدة في تخصص ادارة الاعمال ولكنها غير معتمدة في القانون مثلا فانتبهو من هذه النقطة

وبالتوفيق يارب

اخوي بسالك

انا الحين معي فيزا لامريكا لكنها قبول معهد

هل الوزاره راح يعطوني قرار الابتعاث وبعدين اقدم من هناك على جامعه ولا لازم انتظر الى ما يجيبون لي قرار ؟؟؟