العطية لـ"الوطن": النظام لا يمنع مرافقة المحرم غير السعودي للمبتعثة

[quote=** MaMdOuH **;636661]












والله صدقت بكلامك ميه بالميه وعن تجربه مش شرط كل الرجال كذا لاكن انا كنت متجوزه سعودى اكل حقوقي وبهدلنى ولا صلاه ولا خوف الله وما حد مصدقنى لانو ولد ناس وعيله حتى طلاق ما طلق الا خلع وشافط وناهب منى ومن اهلى فلوس القضى وهو مليونير بخيل وطفران لاكن الغير سعودى ما سوا نص كدا وربعو حتى
اصلا صار عندنا بالعيله ما نجوز سعوديين من اللى بيصير فينا كل واحد اخس من اللى قبلو لاكن اكرر كلامى طبعا دا مش شرط فى غير سعوديين مو طيبين يعنى في كل جنس وفي كل بلد في الطيب وفي البطال وفي غير سعوديين عايشيين بالسعوديه من يوم ما اتولدو وما يعرفو غيرها وولائهم وحبهم كلو لها وعلى فكرا بيكونو مهندسين ودكاتره مو عواطلجيه طالعين على قفى حريمهم البعثات وبالعكس بينظر لزوجتو نظره احترام وانها من حقها تتعلم وتكمل وتفيد نفسها وبلدها مو يطلعها البعثه علشان هو يلتحق وبعدين يجلسها في البيت بحجه الاولاد والاطفال مين ينتبه لهم وياريت الحكومه والملحقيه ياخدو بالهم من دا الموضوع لانو في حالات انا ما اعرف كتير اولا لاكن انا سمعت ب 3 حالات متل كده والله المستعان وبكرر كلامى انو مو كل غير السعوديين طيبين ولا كل السععوديين بطالين لاكن عموما صاير الوضع كدا وانا بتكلم عن تجربتي وتجربه نساء في ارض الواقع وكل شي نصيب في الاخر
والله كريم ورمضان كريم علينا وعليكم
وجزاها الله خير الحكومه اللى موافقه على محارمنا غير السعوديين ونمتى منهم المزيد من الخير والعطاء وكلو في النهايه يصب في مصلحه الوطن والامه الاسلاميه

ملاحظه للى يتفلسفو على المحارم غير السعوديين على الاقل مو متل بعض الرجال السعوديين اللى شايل معاه زوجتين ووحده ملحقها بالبعثه علشان يجيب التانيه مرافق معاه ومشاء الله ناوى ياخد التالته انا عارفه انو حلال لاكن كدا ما هو شافط ناهب من الحكومه ومرتو دراستها بالهم والهم حالو لاكن علشان يقدر يحاوط نفسو بحريمو دا الان يجوز ولا لا
ما تكفي ست وحده لا يتحايل على النظام وياخد الاتنين
دا فى كمان تشويه لسمعه البلد في الخارج وانا ما بناقش قضيه التعدد انا عارفه يجوز لاكن انا بقول على التحايل واللعب واخد مكان ناس مستحقين اكتر

اقول بس بسم الله عليك يعني تعطي الاجنبي فلوس والسعودي يطلع على حسابة يدرس وما يقدر ينظم للبعثة وتقول قمه العدل طيب افرض لو العكس وان السعودي متزوج اجنبية والاجنبية طالعه بعثة وتصرف لها مكافاة من بلدها تتوقع يعطوا زوجا السعودي مكافاه والا يقولوا له ((( قم بس قم )))

ايش هذا ؟!

كل مالو القرارات تتعقد ..
احسه بس كلام كدا بخصوص انه لو عرفو انه المحرم رجع سوف يلغى نظام الإبتعاث وترجع المبتعثة..

كتييييييير بنات اعرفهم برا لحالهم ..
ايش معنى دولا مارجعوهم؟!

ولا الحكاية دي جاية مع المرحلة الخامسة عشان يبغو يقلصو العدد؟! ولا بس هرج ؟!

اللى زعلانيين من المحرم غير السعودى طيب لى ما يزعلو لما السعوديين يسافرو للدراسه ويتزوجو اجنبيات وياخدو جنسيه
وبعدين غير السعودي لما يشتغل فى السعوديه يفحط دبل السعودي يعنى اذا دوام السعودى 5 ساعات الاجنبي 10 ساعات واذا السعودي اخد اجازه 10 ايام الاجنبي ياخد النص
ولازم نفرق بين اللى جي على السعوديه يلم قريشات ويرجع بلدو وبين اللى السعوديه ما يعرف غيرها ولو طلبت عمرو لها يعطيها
وعموما اذا بدكم تزعلو ازعلو من االلى يلعبو في شهاداتهم ويكدبو فى تقديراتهم او اللى مفروض يجلس سنتين ويمطها خمس سنوات بغير حجج واضحه
وعلى حكايه البنات اللى من غير محرم لا تنكشي عليهم خليهم مستورين يا اختى وكل واحد ادرى بمصلحتو ودارى امورك بالكتمان

صحيح الموضوع قديم ومادري مين رفعه


جزاك الله خيرا

نفس الكلام اللي كنت بقوله ...

يعني الشخص اللي ما عنده محرم مثلا الا اجنبي خلاص بتحقدوا على الاجنبي؟؟؟


في حالتي ما عندي محرم غير خالي هو اللي يقدر يروح معايا وهو اجنبي وجزاه الله خير لما كلمته ما اعترض مع انه متزوج وعنده عيال ويسرف عليهم ... يعني بصراحة يترك عياله وحرمته وبجيبه من بلده عشان يرافقني وفي الاخير ما يسرفو عليه مكافاة

ما بقول اني ابغى مكافاة وانو لازم يدرس وابالغ ... الدولة جزاها الله خيرا قرارها حكيم وقبل ما تقولو ياكلو من خيرنا ومن دا الكلام اول شيء شوفو كل شخص ايش هيا ظروفه و لا صرنا ما نعرف غير الحقد والغيرة ؟؟

اصلا انا قلت اذا رحت مع خالي وما صرفو له مكافاة على الاقل مكافاة اكل وشرب ... قلت احرم نفسي من الاكل وادبر نفسي وابخل واحرم نفسي عشان تكفينا مكافاتي لاني انا اللي ابغى ادرس وهو ترك عياله وجا معايا ..

لانو ما عندي احد يقدر يرسل لي مكافاة زياة

والمحرم محرم اجنبي ولا سعودي ولا حتى تكروني

اصلا استغرب من الحكومة تعترف بولد العم السعودي وتخليه هوا زي ما يقولو معرف وما تعترف بالخال او الجد الاجنبي واللي هما اقرب من ولد العم ...

انا خفت انهم يقولولي ما نقبل بخالك مرافق لازم واحد سعودي ... قلت شكلي لو جبت لهم ولد عمي بيرضو بيه بس الحمد لله لما عرفت انو الوزارة ما تمانع من المرافق الاجنبي حمدت الله .. والحمد لله انو التعقيد انو لازم يكون سعودي في وزارتنا
عموما اتمنى انو دا الكلام اللي ذكر في الموضوع ينطبق على دي السنة كمان ... ويا رب يوفقنا كلنا ..

والحمد لله الموضوع دا فرحني ... كنت شايلة هم المصاريف

نفس مشكلتي
بس اللي يتفلسفوا ما عليهم شرهة كل واحد يعطي انطباع عن تربيستوا وعن البيئة اللي عاش فيها
وباذن الله يكتبلنا بعثة وراح تشوفي اشكال والوان برة اخس من كذا
الحمد لله على كل حال

وتقبل تحياتي اخ ممدوح على ردك الجميل