( حصري أخص به مبتعث ) ردا ً على موضوع .:: التصنيف العالمي للجامعات لعـ 2008 ـام ::.

كلامك مش صحيح يا صديقي ولم يتم تحديث الموقع بالكلام الي قلته ولن يتم تحديثه لان كلامك غير منطقي ,, من بياناتك مكتوب انك خريج جامعة الملك سعود ولو انت فعلا خريج هذه الجامعه وتعرفها كان عرفت انه مستحيل تدخل قائمه افضل 1000 جامعه على العالم
عموما هذا الموقع الي انت كتبته وشوف الجامعه رقم 300 هي TECHNICAL UNIVERSITY OF DENMARK ,,
http://www.webometrics.info/top4000.asp?offset=250

وجامعة الملك سعود ماراح توصل لمستوى جامعة البترول والمعادن ولو بعد 100 سنه ,,

يعطيك العـ!فيه

السلام عليكم

اولا انا أسلم بأنهن افضل جامعتين بالمملكه
حقيقة بغض النظر عن آراء الطلاب ومن وجهة نظر حياديه اقول بأن جامعة الملك سعود تقدم مخرجات للتعليم( بشكل عام ) افضل من جامعة الملك فهد
جامعة الملك فهد متخصصه في العلوم بينما جامعة الملك سعود فيها العديد من التخصصات النظريه والعلميه
بجانب ان الكثير من خريجي الثانويه لايعرفون انجليزي ولديهم صوره نمطيه تقول بان جامعة الملك فهد تعتمد على الانجليزي
بينما في الواقع كل الجامعتين يعتمدن على اللغه الانجليزيه اتحدث هنا عن التخصصات العلميه بالطبع .
هذا مايجعل ان نسمع كثير يقول بأن جامعة الملك فهد افضل ،
جامعة الملك سعود بكلياتها العلميه ( الهندسه والحاسب ) تخرج طلاب على مستوى عالمي من الكفائه والكل يشهد بذلك ( واعرف زملاء توظفوا في أمريكا اول ماتخرجوا )
ماينقص جامعة الملك سعود هو وجود اداره كفؤ لإدارة أصول الجامعه ومواردها ، وهذا التغيير الذي نلمسه بالجامعه الآن ماهو إلا إعادة وضع جامعة الملك سعود في مكانها الصحيح بعد مضي أداره لم تعر الجامعه أي اهتمام

كـل فتـآةٍ بـأبيهـآ معـجبـه

رماش أنصحك تقرى ردي ثاني مره

ولاحظ اللي كاتبه بين الاقواس بارك الله فيك

ياخي ما يحتاج اقرى ردك ,, انا اعرف الجامعتين ودرست فيها اثنينها ,, ولو تجيب هندي وتقوله وش أحسن يقولك بترول اهسن !!

ناهيك عن التقييم العالمي مفضل البترول ,, وناهيك عن ان خريج البترول يلقى وظيفه من اول يوم بينما خريج سعود يقعد بالسنوات عاطل ,, العام الماضي خريجين البترول معدل الوظيفه للخريج 6 وظائف لكل خريج بترولي ,, وناهيك عن ان مايشكل 75 % من إدارة شركة ارامكو من خريجين البترول ,, وناهيك عن نوعية الطلاب الي في البترول ماينقبل فيها الاّ أميز المتميزين ,, ومع ذلك ما يمشي فيها الا 50% من المقبولين ,, مو عشانك انت وهو دارسين في سعود صارت سعود احسن شيء ,, وبالنسبه لكلامك ان جامعة الملك سعود تقدم مخرجات تعليم أفضل ,, يشهد الله إني ضحكت على هالكلمه وقلت الشخص هذا إسم على مسمى ,,

يعطيك العافيه حبيبي ,, لكن لا تتكلم من رأسك

يوفقكم ربي جميع

بوحه الصبـآح ,, عزيزي انا لم أقل إنك كاذب ,, بالعكس إنت على العين وعلى الرأس

لكن فيـه شيء يصـّدق وفيه شيء لا يـصدق ,, واذا كنت تراني اخطئت عليك فتقبل إعتذاري

رماش كلنا نتكلم حسب مانؤمن به ،
بعضنا تغلبه العاطفه و التجارب الفاشله مسبقاً
والبعض يعبر عن مايراه بدون عواطفه

المُهم في الأمر كل ادلتك واهيه ولا تستند على شئ ملموس
مسألة الوظيفه نعم خريجي البترول يتوظفون لأنهم خريجي كليات علميه ، مثلهم مثل طلاب جامعة الملك سعود خريجي الكليات العلميه
والسوق متلهف لخريجي الكليات العلميه يعني مافيه فرق ! أنا مثلاً توظفت بأول يوم قدمت فيه السي في !

أرامكو ليست معيار لنجاح الشخص من عدمه ، زميلي في العمل دخل ارامكوا شهر وطلع ،
هناك اشخاص حلمهم بس يوصلون ارامكو وهناك أشخاص طموحهم أكبر ، والمسأله نسبيه !
ولا أدري منين جبت النسبه هذي ، حدث العاقل بما يعقل
ونفس الحكايه لمسألة الطلاب ، سبحان الله مازلنا بعقلية الاطفال ، يعني اي واحد خريج بترول مميّز ؟ اهنيك على عقلك المنفتح حقيقة

أتمنى لايفهم كلامي عكس ، كلا الجامعتين مميزات بمخرجات التعليم ومستواها ولكن جامعة الملك سعود تقدم مخرجات للتعليم أفضل لأنها جامعة متنوعه لاتقتصر على كليات علميه فقط !
بالنسبه لإسمي فعلاً انا عبيط ولكن !

اولا ما ودنا نقلب الموضوع سوالف ولقد عزمت اني ما ارد ابد بعد ردي الاخير ولكن الي دفعني للرد كلمة ( التجارب الفاشلة ) وماراح ادقق في هالنقطه ولكن لو كنت تعرفني ماقلتها ,, وللمعلوميه دراستي في كلاّ الجهتين مايعني اني فشلت ,, انا اخذت دورات في جامعة الملك سعود ايام الثانوي ,, والان ادرس في البترول ,, لذلك ماهي فاشله ولله الحمد ,,
ثاني شيء انا لم اقل ارامكو معيار للنجاح ولكنها اكبر شركة بتروليه وأكبر دخل للدولة من مرابح هذة الشركه ,, وتعتبر الأفضل في السعودية بالنسبة لمجال الوظيفة ,, اما بخصوص النسبة والكلام الي قلته هذا الكلام سمعتة من الدكتور خالد السلطان بأذني في لقاء الطلاب بداية هذا العام ,, وقال كلام اكثر من كذا وحقائق اكبر لكن مو هذا موضوعنا ,, بالنسبة لقولك ان كل خريج البترول مميزين ,؟ انا لم اقل كذا ,, لكنني قلت ان جامعة البترول لا تقبل الا المميزين اكادميا من حيث نسب الثانوية والتحصيلي والقدرات ,, وللمعلومية طلاب جامعة الملك سعود خريجي الكليات ( العلمية ) فرصهم الوظيفية عادية جدا وتعلقيك على النقطة هذي موصحيح ,,
آخيرا إسمك عبيط ولكن ,, ولو أنني لم اقرأ الـ ( لكن ) لما قلت إسم على مسمى

دعنا لا نطيل الموضوع ,, أو نعطيه أكبر من حجمه ,,

تقبل فائق احترامي