مشاكل الاعضاء مع الابلكيشن الابتعاث..هنا الحــلول والاستفسارات..

الحمد لله تم التسجيل بنجاح مشكورة اختي امل على الرابط الصحيح وبالتوفيق للجميع

اخوي ملك المشاعر انا طلع لي بعد ماسجلت Error وللحين ماوصلني لارقم طلب ولا باسوورد

السلام عليكم ورحمة الله وبركاته :

اول شي اللي ماقدر يسجل عن طريق الانترنت ماطلع الابليكيشن او عذرا لايمكنك التسجيل ثانيه او اي خطأ .. انا نفس الطريقه بس رحت للوزاره وفيه في قسم الحاسب 3 اجهزه للراغبين بتعبئة طلبات الابتعاث على موقع الوزاره لاتعليق ولا مشاكل ومافي زحمه عليها لانه مافي احد يدري عنها انا لمن رحت ماكان فيه الا 5 اشخاص نصيحه اي واحد يبي يسجل يروح على طول للوزاره قسم الحاسب ويسجل عندهم ويرتاح
_______________
ثانيا اي واحد مالقى التخصص اللي هو يبيه على الابليكيشن يجيب اوراق تثبت انه كان يدرس او متخرج من كلية الاتصالات مثلا او كليات صحيه ( تمريض ) او اي تخصص ماهو موجود على الابليكيشن ويروح فيها للوزاره وهم من هناك يصلحونها له لاني كنت امس في الوزاره وكان معاي واحد عنده نفس المشكله وقالوله جيب شهاده او اي اوراق تثبت انك تابع للتخصص اللي انت تتكلم عنه واحنا من عندنا نسجله لك
_______________
ثالثا للي يبغى يعدل في الطلب تبعه انا لمن كنت في الوزاره سـألتهم وقالولي الان مافي تعديل وراح يفتحون التعديل في الطلبات للي يبون يعدلون في طلباتهم في تاريخ 12 / 6 وهذا كلام اكيد يعني ان شاء الله مافي مشاكل

لازم تراجع الوزاره بالحاله هذي علشان يعطوك رقم الطلب او تسجل من جديد بس اذا جيت تسجل من جديد وجاك انك تم تسجيلك مسبقا في الحاله هذي تروح للوزاره قسم الحاسب وهم يعطوك رقم الطلب والباسوورد

يعطيك العافيه اخوي ملك المشاعر ..
ابشرك كررت المحاوله وتم تسجيلي بنجااااااااح واخذت رقم الطلب والباسوورد