رحت للوزاره ونفضت ابوهم نفض ...

June 26th, 2006, 09:54 PM

طبعا ياجماعة الربع زي ماانتوا عارفين
انا كنت مختبص .. يعني مدري وش اسوي .. ليه ؟؟
لاني سجلت في بعثات الطيران المدني ..ويوم جيت ابغى اسجل في بعثات استراليا وامريكا
قالوا لي ... (( Stop )) انتببببببه .. ترى اذا سجلت فيها الثنتين تروح عليييييييك
.. السالفه هذي اظن قد قلتها لكم ..
المهم بعد ماسألت كم واحد اختبصت زياده لان كل واحد يألف على كيفه ولحس مخي ..
قلت مالي الى حل واحد ... اددددددددددددعس للوزاره وسبب لهم قلللللق

رحت للوزاره الساعه 9 الصباح وماوصلت للوزاره النحس الا وخبطت سيارتي ..
تعطلت .. قلت اتركها ياولد ورح شف شغلك ..
عاد تركت السياره ودخلت للوزاره .. طبعا انتوا الحين تتخليون معي الوضع والزحمه
عند مدخل الوزاره .... واعمال تصليح وتزبيط في وزارتهم الموقره ..
المهم دخلت الوزاره ورحت صوب الاستعلامات ... الا والبشريه كلهم هناك
ززحمه .... بس ماهي ذيك الزحمه اللي تطفش .. المهم سألت واحد من حقين الاستعلامات
بعد مانتظرته الين عطاني وجه
انا : صبحك الله بالخير اخوي .
هو : هلا
انا : ( في نفسي .. دام بدايتها هالرد اجل عز الله بيفيدني الاخ )
اااااا اقول يالخ انا سجلت في بعثات الطيران المدني اقدر اسجل في بعثات بو متعب الله يطول بعمره
بامريكا واستراليا وغيرها
هو : بعثات الطيران المدني برنامج غير ..
انا : شلون يعني اقدر اسجل في بعثات امريكا واستراليا حقت خادم الحرمين
هو : تسجل في دوله وحده منها ..
انا : واذا سجلت في اكثر من وحده .
هو : تروح عليك ..


عاد الحمد طلعت باللي ابغاه من جيتي .. بس ماتطمنت له قلت خلني اروح اتاكد
من (احمد الخشعم ) اللي دلني عليه اخونا في المنتدى سامي الشاطري ..
واروح مبنى الحاسب اللي قالي عليه سامي .. وبعد مادلني عليه السيكورتي ..
رحت له والقى عند الباب اثنين شكلهم موظفين ..
انا : سلام عليكم ياشباب ..
هم ماعندك احد ..ماحد عطاني وجه .ههههههههههه)
انا : يالحبيب لو سمحت ؟؟
واحد منهم : هلا
انا : وين مبنى الحاسب .
هو : هذا الباب .
انا : ياخوي انا عندي استفسار بغيتك تخدمي ولاتهون .
هو : سم
انا : وسالته نفس السوال
هو : ايه ياخوي سجل فيها كلها ..
انا : اكيد . بس قالولي ..
قاطعني
انت سجلت في الطيران المدني ..
انا : ايه
هو : احمد ربك
انا : باستغراب ليه ؟
هو : وعطوك يوسر وذا الثاني .
انا : ايه .
هو : ياخوي احمد ربك وحطها ببطنك .
استغرب من رده وتركته
وقبل ما اتركه قلت ايه صح تعرف وين استاذ احمد الخشعم .
قال ..من ؟؟ انا لي سنه اشتغل هنا اول مره اسمع بهالاسم
( قمت على طول قلت ماشاء الله على خويي سامي جايب العيد ههههههه )

عاد مااطول عليكم ..
طلعت للمبنى .. وطبعا نفس الزحمه موجوده في كل مكان
سالت واحد نفس السوال .. وقال سجل فيها كلها ,,؟؟
انلحست .. وهو قام يخبص .. سالته عن موقعهم الزفت .. قال عليه ضغط
اصبر اسبوع ولاحوله وجرب ..
فلت في نفسي اييه هين .. وطلعت من عنده بلا حق ولا باطل

ورحت لمكتب ثاني وعاد هو اللي عطاني الزبده ,,
واحخد اسمه سلطان .. المهم سالته وقالي بكل وضوح
انت تقدر تشجل في وحده من الدول اللي في برنامج خادم الحرمين فقط
يعني يامريكا يااستراليا يانيوزيلاند الخ وحده منها فقط
اما الطيران المدني فهذا برنامج مستقل ماله علاقه ببرنامج بو متعب ,.,

الخلاصه لاتسجلون في اكثر من دوووووووووووله .. انبهكم ,,
هذا اللي صار معي ,
وانا الحين اطالبكم بتعويض عن سيارتي الخربانه الحين ههههههههههههههههههههه
امزح والله تفداكم مليون سياره
على فكره وانا طالع من الوزاره في الحر اللي يذبح ..شفت وحده
متكيه عند بوابة الحارس ..
قلت لخويي اللي معي هذي اعرفها .. هذي اكيد مدري وش اسمها اللي في المنتدى
هذيك اللي من القطيف كل يوم مسنتره عند الوزاره
هههههههههههههههههههههههههههههههههههههههههههههههههه ههه
تسطرهم كل يوم تبي بعثه بالغصب .. ماتفهم انهم يصرفونهاااااااااااااا
هههههههههههههه


يله اتمنى اني افدكم .. تحياتي للجميع
وااللي يبي اي خدمه انا حاظر ..

• نشر عبر تويتر
• نشر عبر فيسبوك
• نشر عبر جوجل