جديد مبتعثي الهيئة العليا للسياحة والسفر

sapooh

العفو خيتو إن شاء الله يتسهل أمركم

الله يسمع منك خيووو ويسهل امر كل اخواني اللي نفس وضعي ياااااااااااااارب

VAMP_011

هلا فيك لا ماني معكم بعثات التخصصات السياحية كانت للطلاب فقط هذا بالنسبة للبكالوريوس
وانا تخصصي راح يكون بعيد عن السفر والسياحة


أبو خـــــلاد

مرحبا فيك
لا ابتعاثي بيكون عن طريق الوزارة لأن الهيئة ما تبتعث موظفينها في الفترة الحالية
بالنسبة لـ د.عبدالله هو مدير برنامج تنمية الموارد البشرية السياحية
وهو المسؤول عن الابتعاث في الهيئة بالنسبة لمكاتب القبول إن شاء الله انقل تساؤلك للزملاء
في البرنامج واقترح عليكم استضافة د. عبدلله وانا متأكد انه راح يرحب بإستفساراتكم او مراسلته على بريده الإلكتروني الرسمي بعد طرح جميع اسئلة المبتعثين وراح يرد على الاستفسارت دفعه واحده


ما جلان

سمو الأمير سلطان بن سلمان هيئ لنا بيئة عمل متميزة أتحدى أي جهة حكومية تكون مثل بيئة عمل الهيئة
وهي أقرب مالها نظام الشركات سرعة الانجاز والتنظيم في العمل بالإضافة إلى الكوادر المؤهلة واستخدام نظام الحكومة الالكترونية في التعاملات الصغيرة والكبيرة


الفيلسوف الكبير
شكراً لك

مثل ذكرت أبتعاثي بيكون عن طريق الوزارة الشي الثاني راسلني على الإميلز

بالنسبة للمستقبل فالمستقبل لكم

الآن الهيئة في توسع خصوصاً بعد انضمام قطاع الآثار والمتاحف

وحاليا قطاع الإيواء راح ينظم كاملاً بشهر 11 بعد ما كان تابع لوزارة التجارة

(تم حذف الإيميل لأن عرضه مخالف لشروط المنتدى)

ادرني اني مخالف متعاجز اشارك حتى اوصل 30 مشاركة لإستخدام الرسائل الخاصة ههههه

هلا وحياك الله معنا من جديد..
ومشكور علي المعلومات القيمة ....
وانشاء الله نكون في تواصل مستمر ...
ونرجع حاملين شهداتنا ورافعي روسنا لأجل وطننا الغالي ...

يالله حيه اسفرت وانورت واستهلت وامطرت

الله جابك ياخووي انا عندي اسئله بس مدري وين احطها بووهـ

والدكتور عبدالله وشلون نتصل فيه ياليت لو تكرمت تنزل رقممه ...
بنزعجه اتصالات لين مايطيح اللي ف روسنا
على العمووم حزاك الله خير على هاللفته الكريمه ....
اخووك كوزموس

منذ 4 دقيقة/دقائق
جرئ ولكن!!!

السلام عليكم يابنائي
اليوم مريت ايجك من صباح الله خير وكنت ناوي استخدم العنف بس الله ستر. قابلت شخص ودخلني المكتب وقلت له ياخي وش صار على مبتعثي السياحه قالي اه مبتعثي السياحه بالله شو اسمك قلت له فلان الفلاني دق الكمبيوتر قال لي فش ايشي. قلت زين متى بعلمونا قال لي يوم الخميس على ابعد تقدير وترى احنا راسلنا جامعتين وفي الغالب الا مايجي قبول من وحده منهم هذا بالنسبه للبكالوريوس قلت طيب والماستر قال احنا مراسلين لهم على لغة مدة سنه وفي هالاثناء في الغالب تقبلكم نفس الجامعه قلت طيب ولو قالت الجامعه فيش ايشي وش نسوي قال في الغالب يقبلون بس لو ماقبلوا نكون احنا في هالسنه شفنا لكم قبول في جامعه ثانية. وبعدها دقيت على الدكتور ابراهيم اول مادق التلفون وقبل ماتكلم قال لي الدكتور هلا يافلان انصدمت قلت وش دراك انه انا يادكتور قال وش دعوى انت علم. طاح وجهي حسيت انه يقول لي تراك اذيتني وصرت اعرف ان الي يتصل انت. (ماعليكم من طيحت الوجه الدكتور ابراهيم اخوي الكبير ويمون) المهم قلت يادكتور صار معاي كذا وكذا قال انا لي اجتماع معهاهم يوم الاثنين واشوف وش يصير وبدى عليه انه متضايق من ايجك. وقال لي انا قلقان زيك . المهم مابين الاثنين والخميس يشرق الصباح ويسكت جرئ عن الكلام المباح. ودمتم احبتي

بارك الله فيك أخي جرئ.

ونفس الكلام بالنسبة للدكتور إبراهيم كلمته اليوم أول ما صبحت وقال أن المكتب جاب حوالي 60 إلى 70% من القبولات وبيسيرون على الدكتور يوم الإثنين القادم ويطلعونه على القبولات والأمور الخاصة بإنهاء القبول ، ونقلت له معاناة المبتعثين وخصوصاً أللي مثلي على أمريكا ومشاكل الفيز والمواعيد مع السفارة وقال أن شاء الله تبين الأمور على نهار الإثنين.

وأهوه ننتظر الخبر اليوم بفلوس بكرة ببلاش.

الله يساعدكم ياطلاب امريكا وكندا والله ماتستاهلون كل هالتمرمط.
تمرمط=يعني تاخير وانتظار وتعب

شباب انا انصح انه ماعد تدقون على الهيئه نهائيا اله اذ اطلعت فيزكم
لانه اشوف انه الدكتور ابراهيم مو مقصر معانا ومو محتاج اتصلاتنا على شان يسوي شي
الرجال عارف شغله صح ومسويه على اكمل شي

فأحنا اقل شي نقدر نسوي له انه مانزعجه ونخليه يشوف شغله الله يساعده

الأخGadiri07

بلعكس الدكتور إبراهيم مكتبه وقلبه مفتوح للمبتعثين وما عمره تذمر من هالشي.
إلا إذا في بالك شي حنا ما نعرفه ياليت تقول وش هو؟
وهو كمان وده يعرف وش وضعنا مع هالمكاتب من واقع مسئوليته ومهامة الأشرافية، فاليت تزودونه بحالة كل واحد حتى يعرف وش معاناته مع المكتب .