خلاص خربت معاي بكرة يتحدد المصير يا قرار ابتعاث يا سجن

July 16th, 2006, 08:44 PM

السلام عليكم ورحمة الله وبركاته

بعد رحلة عناء دامت سنة كاملة وأكثر

بعد أخذ القبول من ثلاث جامعات وعند مراجعة الوزارة بكل برود يقولونها

اكتفينا بالعدد في الجامعة هذي هات قبول من جامعة أخرى

وقبول ورى قبول ونفس الكلام حتى أخذت القبول من رابع جامعة ولما راجعتهم لخطاب السفارة


قالوا راجعنا في شهر مايو

ويالله يا مواطن يا حـــــمــار روح واسرق او انهب علشان تجدد القبول

الظاهر يحسبونا قاعدين على بنك

جاء شهر مايو وبدا التأجيل والمماطلة أشكال والوان

قالوا انتظروا لما يفتح برنامج الابتعاث الجديد وحدث بياناتك وتعال واستلم القرار

حدثنا بياناتنا (( ويا عــبــيـــد كأنك ما غزيت )))

ويالله يا مواطن وانت ذليل روح واسرق او انهب علشان تجدد القبول مرة ثانية

راجعناهم وقالوا أنتظروا الترشيح...!!! والمقابلة....!!!!!!

ليش والخساير الي دفعتها وين تروح...؟؟

تخلون المتعثرين حالهم حال الطلاب الجدد...؟!!!!!!!!

كل موظف حاك نفسه على الكرسي والمكتب وشاهي ولا يراعي شعور المواطنين

قاطعين مسافات كبيرة

وبكل برود مافي شيء الحين انتظر

ليش وزارة ابو الي جابك هي....؟؟؟؟؟

الوزير حبكت معاه الحين ومسوي متشدد وحالته صعبه ومسوي زحمة والشارع فاضي اساسا

الحين طلعوا طلعه جديدة وقالوا

العدد للأبتعاث السنة الي طافت اكتمل

اجل الضمانات المالية الي عندنا ماكانت محسبوة ضمن العدد....؟؟

ولا فلوس وشربتوها ودعستوها في بنوك سويسرا...؟؟؟

هي خربانه خربانه اساساً

بالعربي وبدوون لف ودوران

أنا يأست من الأبتعاث

والله نويت أني ارمي ملف الأوراق الخاص بالأبتعاث في الزبالة

بس قلت في نفسي الخساير والتعب والمخاطرات في الطريق والمرارة طول السنة هذي

والله لأطلعها من جلد الموظفين

ونويتها بكرة الصبح بطلع للرياض

وبكرة الله العالم شنو بيصير في الوزارة

عاد لا صالح الشيخ ولا الوزير ولاغيرهم ما توقفني إلا الحكومة

المستقبل وضاع

والوظايف وطارت علينا على أمل الابتعاث

ما عاد في شيء أخسره أبداً

بكرة يا أطلع بقرار الأبتعاث

ولا والله والله والله ما يفكني منهم إلا الحكومة

يا سجن يا قرار أبتعاث

وديني لأزعزع كيان ابو الوزارة بكرة

والي عنده أمي يطلقها

والوزارة أعلى ما في خيلها تركبه

وأعذروني على طريقة كلامي

بس خلاص للأنسان حد يتحمله وما عدت أتحمل أكثر من كذا

وسامحوني يا شباب الملتقى ((( الي عندهم رقمي )))

أنا مقفل الجوال من الليلة

علشان محد يكلمني ويشيل الشر الي براسي الي قعدت أجمعه من يومين

والي في راسه شر يجي بكرة ويخلينا نخربها عدل عليهم

يمكن يكون هذا اخر موضوع ورد اكتبه بالملتقى إذا خربت بكرة مع الوزارة

ويمكن أتواصل معاكم إذا تسنعوا واعطوني القرار

بعد هالتعب ظنتي أني بستجن

يا أخذ القرار -- يا يحطوني بالسجن



سلام الله عليكم

• نشر عبر تويتر
• نشر عبر فيسبوك
• نشر عبر جوجل