تدقيق + راديسون ساس + زمالة طبية = قصة قصيرة

ياهلا د/ هبه
بالنسبه للقبول ... جلست أبحث بالدول اللي تقبل الأجانب
وشفت شروط كل دولة للقبول بالتخصص اللي اخترته>>> Maxillofasial Surgery
ووقع اختياري على فرنسا ...
بعدها بحثت بالاسماء المعروفة بهالتخصص
حتى وقع اختياري على بروف مشهور وراسلته ووافق
بعدين راسلت الدكتور فليب وشرحت له طلبي
لأنه هو المسؤول عن قبول اطباء الخليج بفرنسا والتنسيق لهم
وبعد 8 أشهر جاب لي القبول ...
لو تحبي ارسل لك معلوماته عشان تراسليه لو ناويه تطلعي على فرنسا.
الله يوفقك ويسهل لك الحصول على قبول .....

شكرا لك يادكتور جزاك الله الف خير ...انا كنت ناويه اتخصص اطفال تخصص عام وبعدها امراض وراثيه تخصص دقيق ... بس فرنسا اللغه ... لو اقعد ميه سنه ما ادري كيف بأتقنها .. يعني لو دورت على قبول مثل خطواتك بس بأستراليا ممكن يعني انت راسلت البروف دايركت ... طيب ياليت ترسلي المعلومات والله مرة حايسه وخليها على الله شكرا د/ هبه

والله يا الحوسة ... يقول لي لازم تكمل عشرين مدري ثلاثين مشاركه عشان ترسل خاص
ما علينا الحين كل المواضيع ادخل اكتب لهم مشكوووور ...>>> لا امزح
البروف من حظه الحلو بحثت حتى وقع الاختيار عليه وكلمته دايركت
وبعدين اللغه مو مشكله
انا زيرو بالفرنسي ومع كذا كنت اترجم المواقع بالفرنسي للانجليزي واشوف معلومات الاطباء
استراليا الدراسه فيها معقدة ... لأن بعد ما تخلصي اختبار اللغة تدخلي امتحان سليكشن اكزام لطب الاطفال
واذا قبلوك تبدأي البرنامج ...
كندا صعب حاولت
أمريكا صعب جدا وانا مخلص USMLE

Dr. Trop :
وأخييييييييييييراً كتبت موضوع يادكتور !
من يوم قرأت في بداية موضوعك طاري العقارب ، قلت أكيد حتجيب سيرتي << تكفى ياسيرة الحب الحين !
يعني أنا الوحيد اللي أعطيته بزي !!!!
وجاي تعتذر هنا في المنتدى ؟؟؟؟؟ ما فيك حيل ترسل مسج حتى ؟؟؟؟ مستخسر الربع ريال يعني !!
ع العموم حسابك في نارنج إن شاءالله .. بشهـّد أبو الكلام عليك !!!

أمزح ترى
معذور ومسموح ، وكان الله في عونك .. الله يوفقك ويكتب لك كل خير ، ويجعل لك من كل نعمة وفرحة أوفر حظ ونصيب .. ماتستاهل إلا كل خير وكل دعوة طيبة يبو محمد ..

أشوف الأعضاء ماشاءالله تفاعلوا معاك .. وهذا شي طبيعي من شرح مفصل وساخر مثل شرحك
عندي لك اقتراح .. وش رأيك تعطي الأعضاء خلاصة تجربة سفرك لأمريكا ..
خلاصة الرحلة واختيار الدولة والمشاكل والفوائد والصحبة والاكتشافات وتحذيرات ونصائح واللي تعلمته في الغربة بصفة عامة ..
طبعاً تقدر تريح نفسك من عناء الكتابة المطولة وتذكر الشي اللي ممكن يستفيدوا منه فقط ..
وأنا متأكد إنهم راح يستفيدون ويدعون لك مثل ما أنا استفدت منك ودعيت لك ، وما زلت

الله يوفقك ويرزقك ويعطيك أفضل مما تتمنى يا غالي ..





أخوك سايلنت

اها الله يسعدك دكتور طيب ينفع اكلم دكتور فيلييب بنفسه ولا لازم اكلم شخص متخصص بالقسم اللي انا ابغاه ....وبعدين د/فيلييب ...

وكيف نظامهم بفرنسا .... اللي باقي من العمر مو قد اللي راح (:

ههههه خلاص ابغى انتهي ... ياليت تخبرني ولك مني دعوه


شكرا لك

د/هبه


ا

صديقي الصدوق بومبا اقصد سالينت سكوربيون ...
نورت الموضوع بطلتك الحلوة ...
وماشاء الله على دعواتك اللي تفتح النفس وتسر الخاطر ..لك منها نصيب يارب

وبالنسبة لأمريكا ناوي أن شاء الله اكتب موضوع
بس خل نخلص من المرحلة هذي ونشوف وش راح يصير ..

د/ هبه ..
كلمي الدكتور فليب شخصيا ولو كنتي بجده خذي موعد معاه وقابليه بالقنصلية
انسان جدا محتروم ويساعد الكل مع انه شخص مشغول
انا شخصيا طلبت اقابله .. تخيلي كان جاي من الرياض على جده الساعه 3
قابلني الساعه 4 العصر
والساعه 6 المغرب كان مسافر على فرنسا ...
لو مسؤول سعودي وإلا أي شخص سعودي مستحيل يوفر ساعه زمن اذا كان مشغول
نظام فرنسا ممتاز جدا ..
عندهم نظام البورد الفرنسي DESC لمدة خمس سنوات
هذا البورد فقط للفرنسيين أو للي مخلصين اختبار معادلة الشهاده الفرنسي ( اختبار اسمه الكونكورد)
لكن بفضل الاتفاقية بين حكومة فرنسا ودول الخليج ... صار القبول للخليجين سهل ولا فيه تعقيد
لا اختبارات ولا معادلات شهادات
كل اللي عليك تكلمي د/فليب وتقولي له أبي تخصص اطفال .. وتقولي له بعد انك ناويه تختاري تخصص دقيق عشان يساعدك ويختار لك مركز أفضل ..
واذا ربي كتب لك في البعثه نصيب كل اللي عليك تجتازي فترة اللغه
يعني الحين لو رحتي فرنسا ولغتك الفرنسية ممتازه ما يقول لك فين الامتحان وفين وفين .. على طول تبدأي
فيه مشكلة ان القبول راح ياخذ فترة مو أقل من 3 أشهر
لكن البعثة ما راح تطلعي عليها الا بعد سته اشهر من الحين حسب كلامهم

جزاااك الله الف خير ..... ماقصرت كفيت ووفيت يادكتورد/هبه

العفو ما سوينا شي ...
بالتوفيق ان شاء الله

مبرووك , و عقبال القبول النهائي للجميع يارب...