استفسار بخصوص اختلاف الاسم في الجواز عن الوثيقة

اخوي بالنسبه للسبيلنق الى بالجواز وأختلافه عن وثيقة التخرج صراحه تعديله الجواز اسهل
انا كان عندي السبيلنق بالعائلة بالجواز يختلف عن جواز بنتي وعدلته يوم الثلاثاء واستفدت ينتهي بعد خمس سنوات وكان فيه القديم اختام سوريا قلت اغيره مره وحده والحمد لله غيرته وكل شي اوكي

يعني انصحك تروح تعدل الجواز يكون اسهل مع مراعات انك تعدل جميع نماذج الوزاره بالاسم الجديد اذا عدلته والله يوفقك يا رب

لازم تكون مطابقة تماماً .. لن انا التوصية كانت مختلفه اختلاف بسيط عن اسمي بالجواز ورفضت ..

مابالك بالوثيقة ..
مثل ماقال اخوي عدل الجواز او الوثيقة وتأكد من السبيلنق في الوثيقة والتوصية والسجل الاكاديمي وكل شي لازم كلها تكون مطابقة تماماً والله يوفقك

انا نفس الشي عندي

ولان مثل ما ذكروا الاخوان لازم يكون متطابق انا السبت بمشي الرياض اعدله باذن الله لان تدقيقي الاثنين بالخبر

وصعبة اغير الجواز مثل ما ذكر الاخ لان الخطا باسم العائله حاطين الـ بدايتها ووعائلتي بالجواز ودفتر العائله بدون

الله يسهل عليكم وعلينا

أخوي شوف وثيقة بدل فاقد انا طلعتها لانها كانت عندي من اول المعلومه دي

اول مااخذت الوثيقة من يد قدمت على بدل فاقد م ناليد الثانية واخذت الوثيقة الثانية وانا واقفة

اوكي يعني مااخذت معايا وقت لازم تكون الاثنين متطابقة

اتوكل على ربك وعدلها

لو سمحتي اختي يعني تغيير الوثيقة ما ياخذ وقت؟

لاني خايفة انا من الشرقيه وبروح الرياض عشان هالموضوع تدقيقي الاثنين يعني يمدي اغيرها على طول بنفس اليوم وبنفس الوقت ؟

ووش الاوراق اللي يطلبونها للتعديل ؟

وهذا الكلام باي جامعه ؟

والله انا نفس المشكله اسم ابوي مختلف بالجواز عن الي بالوثيقة وباقي الاوراق بس الي بالوثيقة والاوراق هو الصحيح....

وزوجي لما جدد جوازي يقول انه شاف ناس تعدل بجوازاهم في الاسمااااااء
وانا موعدي اليوم ان شاء الله برحلهم وشوف ويش يقولولي ...اذا بعطوني موعد ...
بغيررررررر الجواز على طول مافي تفكيررررر ان شاء الله
لاني اتوقع الجامعة صعبة شوي ..وتختللف من جامعة لاخرى حسب طريقة تعاملهم

واذا رحت ان شاء الله بقولك وش سار معاي ... ادعولي بس انتم

اشكركم يا اخوان على ردودكم الجميع بدون استثناء ... الله يعطيكم العافية
الحمد لله انتبهنا قبل لا نروح للتدقيق ولا كان ردونا وبعدين هاتك مشورة
شكلي أغير الجواز أفضل لأن الوثيقة تغييرها صعب شوي

والله يااخوي انا رحت اليوم على موعدي وكنت ناوية اني اخذ موعد ثاني عشان اقدر اغير اسم ابوي في الجواز

لكن ... قبلوا اوراقي وكل شي مشي تمااااااااااااااااااام
وانا اول ما جلست عشان تدقق اوراقي قالت للاحرمه انااااااا ابغى موعد ثاني بسبب .. قااااااااااالتلي عااااااااااااااااااادي مرررررررررررة .. غيرتلي طلب الالتحاق وطلب البعثة بزي اسمي المكتوب بالجواز قالت عاااااااااااادي ... وانا اعيد عليها الكلام وقالها مافي مشكله ويقولولي بعدين انه هذي مووثيقتي وباقي الاوراق ... قالتلي بعدين اذا جاه قبولك غيري وقالتلي انه اهم شي يكون اسمك واسم العايلة زي بعد .... اناااااااااا بصراحة ما اقتنعت مرررررررة بكلامها ومشيت اموري بلمح البصر والحمد لله ... وبعد ما خلصت وانا اقولها تكفين تاكدي وهي تقولي خللللللللللللللللللاص روحي مافي شي وفي غيرك نفس المشكله وسالنالم وقالولنا عادي ......
انا خرجت من عندها متفاجئة وخلليت زوجي يروح عند الرجال ويسالهم ...لاني ماني مصدق الموقف الي صار ...
وراح وسالهم وقاااااااااااااالوله عاااااااااااااااادي واذا حاب بعدين تغير الجواز روح غيروه عاااااااااادي
وبس هذا الي صار معي اليوم
واتمني اذا احدى عنده نفس مشكلتي وراح يقولي وش يقولوله يردونه او يمشوه زي ..لاني بصراااااحة مرررة قلقانه وخايفة تترفض البعثة والسبه اسم ابوي الله يسامحهم الي ما عندهم سيستم صاحي ..والله لو عندهم سيستم صاحي ما كان خلوا ابوي يملك 3 اسبيلنقز مختلفه في جوازي وجواز ابوي وجواز اختي ... بس ما نقول اله الحمد لله على كل شي