مدة قرار الابتعاث

هلا أخوي
مدري وش طلبك بالضبط !
لكن حسب اللي فهمته إن قرارابتعاثك صدر في 10 شعبان
وبناء عليه ينتهي بعد 3 شهور في : 10 ذو القعدة

من 10 شعبان إلى 10 رمضان ، شهر
ومن 10 رمضان إلى 10 شوال ، شهر
ومن 10 شوال إلى 10 ذو القعدة ، شهر

ينتهي في 10 ذو القعدة ....

مايبغالها حساب !!!!!

بس لا تتأخر في السفر أفضل لك ...

أخوكم
عمدة أدمنتون

شباب أنا قرار الابتعاث صدر يوم 12/8 وموعد الدراسه يوم 2/9 لكن ماني قادر اروح الحين وناوي اني اروح بعد العيد وراسلت الجامعه واعطوني قبول جديد لكن يوم 1/1/2009 وزي ماتعرفون القرار ينتهي يوم12/11/2008 هل اقدر اصدر قرار جديد او اني اروح بنفس القرار قبل موعد الدراسه بصف شهر تقريبا الي عنده معلومه اكيده يرد اليوم قبل بكره ظروري:::::::

راجع مدير البرنامج الدكتور ماجد او الدكتور محفوظ وتلاقي الحل عندهم ان شاء اللة . وترا موضوعك في يوم تقدر تنهية ان شاء الله . انت فقط رووح لمقر البرنامج . وحاول تقابل الدكتور محفوظ شخصياً او الدكتور ماجد شخصياً مكاتبهم مفتوحة للجميع . وماراح يقصرون معاك ان شاء اللة . من واقع تجربة .

مجنونها يسلم راسك مشكور على مرورك السريع والله يعطيك العافيه
إن شاء الله بروح الرياض الاسبوع هذا وحاول فيهم الموضوع أسهل من السهل
لكن على الله يقدرون الوضع ويمددون القرار بس شهر كفايه
أو انهم يسمحون لي أسافر لكندا بالقرار الي صدر ،،،،
<<<<<<<<< (من مكه شايل هم المشوار)

اللة ييسر كل امورك ويسهل عليك المشوار .

انت اول ماتدخل اطلب مقابلة الدكتور محفوظ مباشرة لأن الشباب اللي على الشباك يمكن يصرفونك والسبب ان القرار ليس بيديهم , حاول الدخلو من الباب الداخلي للدكتور محفوظ واذا تعسر لك ذلك اطلب مقابلة الاخ عبداللة العصيمي سكرتير الدكتور ماجد مدير البرنامج الولد هذا محترم وخلوووق وراح يساعدك ان شاء اللة . انت خل كل همك مقابلة الدكتور محفوظ او الدكتور ماجد وجميعهم فيهم الخير والبركة . اذا طلبوا منك الشباب اللي على الشباك تقديم طلب خطي والانتظار على الجوال يجيك الرد قولهم انا جاي من مكة وماني من اهل الرياض . يعني حاول انك تخلص مواضيعك في يوم واحد . ملاحظة لا تحاول أخذ رقم والانتظار في الدووور حاول اول ماتدخل الصالة تتوجة للشباك مباشرة واذا قالك السيكورتي وين رايح يا اخ قولة لا بس عندي اوراق بسلمها للشباب على الشباك وماشي . لأني أخاف عليك الانتظار الطويل وموضوعك ماهو بيد الشباب اللي على الشباك . للمررة المليون حاول باي حال من الاحوال مقابلة الاشخاص اللي قلتلك عنهم . ستجد السيكورتية في كل باب يمنعونك حاول انك تعمل فهلوة عليهم حتى تدخل .قولهم انا طالبني الدكتور محفوظ او اي سبب يجعلك تدخل .

وبالتوفيق يالغالي .

مجنونها ( لاتكون ليلى بس)
للمره الثانيه أقلك يسلم راسك ومشكور على مرورك السريع والله يعطيك العافيه
مثل ماقلت إن شاء الله رايح الرياض الاسبوع الجاي بس حاب أني أسألك أخوي مجنونها
من رايك أني أجيب معاي أوراق تدعم أعتذاري مثل تقرير عن مرض الوالده وإلا بدون أوراق ،،
وشو رايك،،

أبوهياف , أنا مشكلتى نفس مشكلتك بالظبط بس تتختلف التواريخ
الدراسة راح تبدا في 1/9/2008 ولسا ما طلعت الفيزا والسمستر الثاني راح يبدا في 1/12/2008
بس ولد عمي بكندا يدرس وراح للملحقية وبلغهم عن مشكلتى , قالولة لازم يجي يفتح ملف ويكمل الأوراق ويجيب قبول للسمستر الثاني من نفس الجامعة وبعدها برجع للرياض ويجي قبل بداية الدراسة بأسبوع.
والله يعين ...

تحياتي لك....

طيب يا جماعة الخير

الي قرار ابتعاثه صدر قبل سنتين لكنه ما اخذه

تتوقعو لو راح الوزارة بيلقاه