مبتعث جديد New Member
غير معرف
mo_zyeen
, تخصصى داج
, بجامعة جدن وي
- غير معرف , الدمام
- غير معرف
- Jun 2006
المزيدl August 31st, 2008, 07:45 AM
August 31st, 2008, 07:45 AM
معاناتي مع المنحه السلام عليكم ورحمة الله وبركاته اعرض مشكلتي بالمنتدى الرائع ..واتمنى ان تصل معاناتي للمسؤولين طبعا انا تعبت لين ماخلصت الثانويه بالتعب وطلعت العين وجبت ثانويه شرعي 79.66 جيد -----شوف كم باقي على جيد جدا الحكم لك(الشروط لازم جيد جدا) القدرات 80 القدرات المهم رحت الى جامعة الامير محمد بن فهد الاهليه الي في الخبر المهم عطيتهم اوراقي ودفعت رسم التسجيل 500 ريال والحمدالله سو لي اختبارات القبول ونجحت والحمدالله بالقبول ..المشكله ان الجامعه رسومها 45 الف ريال سعودي وانا ابي ادرس فيها لكن المشكله ظروفي ماتسمح لاني انا ظروفي الماديه بسيطه المهم ضاقت فيني الدنيا ورحت دبرت فلوس وسافرت من الشرقيه الى الرياض الى مقر وزارة التعليم العالي وبعد تعب السفر وصلت الى المبنى القديم لوزارة التعليم العالي وجلست ابحث على المسؤول عن المنح لعلى يفيدني ويضمني على البرنامج المنح وتتكفل الوزاره بدفع الرسوم لي للجامعه. المهم جلست اطرق كل باب في الوزاره وكل واحد يسألني ولا عنده خبر وكل واحد يقول لي كلام غير لا تتعب نفسك وربي والله شاهد هذا الي قال لي كم شخص بالوزاره . لم افقد الامل وجلست اطرق ابواب الوزاره الى ان وصلت الى الشؤون التعليم الاهلي والمدير فيها الدكتور العوهلي الله يحفظه..سألت عنه قالوا اجازه والي في مكتبه شرحت لهم وضعي قالوا مايقبلونك للمحنه . ذهبت الى قسم الاتصالات الاداريه وكتبت معروض الى معالي الوزير \الدكتور خالد العنقري الله يحفظه ويرعاه رجل من رجال العلم والمعرفه طلب منحي منحه وشرحت له شغفي للعلم والدراسه وطموحي بالمواصله في مسيرة العلم وارفقت له كل صور شهاداتي وقبولي بجامعة الامير محمد بن فهد الاهليه ورقم قيد المعامله 20595 بتاريخ 16-8-1429 سميت بالرحمن وطلعت من عندهم على امل انهم انهم يساعدوني ورجعت الى الشرقيه في نفس اليوم . بعد يومين اتصلت قال لي الموظف المعامله تحولت من مكتب الوزير الى الشؤون التعليميه وعطاني تحويلاتهم كلها واتصل واتصل واتصل وربي تقريبا اربع ساعات ومحاولات رد علي واحد فيه النوم وماله خلق قال لي اتصل على التحويله الفلانيه المهم اتصلت وقال لي الموظف للاسف معاملتك كتب عليها الدكتور حفظت يعني رفضت. وقال لي الموظف والله العظيم وبذمتي قال لي ياخوي شلون تقدم طلب وماعندك واسطه لازم تشوف واسطه واسطه واسطه واسطه وين اروح واسطه وش اسوي بعمري للاسف ماعندي احد وفوضت امري الى الله سبحانه اعلم بالحال وصلى الله وسلم وبارك على نبيه محمد وعلى آله الطيبين الواسطة رب العالمين ،
والله كريم ..
.
Good luck August 31st, 2008, 08:23 AM
7 " الله يعينك ويوفقك
الواسطة صارت كل شي
بس خلي ايمانك بالله كبير واستعين بالدعاء واكثر من الاستغفار
وترى رب العباد هو واسطتك وما بعدها واسطه
tegen August 31st, 2008, 08:58 AM
7 " بالفعل اخي الكريم نسبة حفظ المعاملات في الوزارة تصل الى 93%
والواسطة هو رب العالمين
ولا باس في وجود معرفة قد يسخرها الله لك لتكون واسطتك بعد الله
وفقك الله
the poor August 31st, 2008, 09:55 AM
7 " حاول مرة اخرى احد الاعضاء في المنتدى سوى زي كذا ورفضت في المرة الاولى وحاول مرة ثانية وقبلت طلبه وهو الان مبتعث في امريكا
atefa6 August 31st, 2008, 09:59 AM
7 " اخوووووي الله يوفقك
انا عندي بس سوال واتمنى انك ماتفهمني غلط
كيف شغوف بالعلم وانت جايب 79.66 وياريت علمي ولكن شرعي
انا مدري عن وضعك بالضبط عشان ما اظلمك
لكن انا اظن انه في ناس جايبه فوق 90 وهم اولى منك فيها
والله يوفقك ياخوي
القيصر2 August 31st, 2008, 10:23 AM
7 " القيصر ياعزيزي
معدل ثنوي ماهو حجة ، فيه مدارس درجاتهم فووق والتزويد على بلااااااش وفيه مدارس عسرة في التعليم والمساعدة وكل شي
قد يكون شخص بهالمعدل في مدرسة احسن الف مرة من شخص في ال 90 في مدرسة ثانية لانه محصلهم بلاش
نجمي90 August 31st, 2008, 02:43 PM
7 " ان شاء الله ادعيلك ان الله يفرج عليك,,,,,على اساس ان دعوة المسلم لاخية المسلم في ظهر الغيب مستجابة ,,,,,,,,,,,,وتوكل على الله وبالتوفيق
Shining August 31st, 2008, 05:55 PM
7 " 
LinkBack URL
About LinkBacks
August 31st, 2008, 07:45 AM
معاناتي مع المنحهالسلام عليكم ورحمة الله وبركاته
اعرض مشكلتي بالمنتدى الرائع ..واتمنى ان تصل معاناتي للمسؤولين
طبعا انا تعبت لين ماخلصت الثانويه بالتعب وطلعت العين وجبت
ثانويه شرعي 79.66 جيد -----شوف كم باقي على جيد جدا الحكم لك(الشروط لازم جيد جدا)
القدرات 80 القدرات
المهم رحت الى جامعة الامير محمد بن فهد الاهليه الي في الخبر
المهم عطيتهم اوراقي ودفعت رسم التسجيل 500 ريال والحمدالله سو لي اختبارات القبول ونجحت والحمدالله بالقبول ..المشكله ان الجامعه رسومها 45 الف ريال سعودي
وانا ابي ادرس فيها لكن المشكله ظروفي ماتسمح لاني انا ظروفي الماديه بسيطه
المهم ضاقت فيني الدنيا ورحت دبرت فلوس وسافرت من الشرقيه الى الرياض الى مقر وزارة التعليم العالي وبعد تعب السفر وصلت الى المبنى القديم لوزارة التعليم العالي وجلست ابحث على المسؤول عن المنح لعلى يفيدني ويضمني على البرنامج المنح وتتكفل الوزاره بدفع الرسوم لي للجامعه.
المهم جلست اطرق كل باب في الوزاره وكل واحد يسألني ولا عنده خبر وكل واحد يقول لي كلام غير لا تتعب نفسك وربي والله شاهد هذا الي قال لي كم شخص بالوزاره .
لم افقد الامل وجلست اطرق ابواب الوزاره الى ان وصلت الى الشؤون التعليم الاهلي
والمدير فيها الدكتور العوهلي الله يحفظه..سألت عنه قالوا اجازه والي في مكتبه شرحت لهم وضعي قالوا مايقبلونك للمحنه .
ذهبت الى قسم الاتصالات الاداريه وكتبت معروض الى معالي الوزير \الدكتور خالد العنقري الله يحفظه ويرعاه رجل من رجال العلم والمعرفه
طلب منحي منحه وشرحت له شغفي للعلم والدراسه وطموحي بالمواصله في مسيرة العلم وارفقت له كل صور شهاداتي وقبولي بجامعة الامير محمد بن فهد الاهليه
ورقم قيد المعامله 20595 بتاريخ 16-8-1429
سميت بالرحمن وطلعت من عندهم على امل انهم انهم يساعدوني
ورجعت الى الشرقيه في نفس اليوم .
بعد يومين اتصلت قال لي الموظف المعامله تحولت من مكتب الوزير الى الشؤون التعليميه وعطاني تحويلاتهم كلها واتصل واتصل واتصل وربي تقريبا اربع ساعات ومحاولات رد علي واحد فيه النوم وماله خلق قال لي اتصل على التحويله الفلانيه المهم اتصلت وقال لي الموظف
للاسف معاملتك كتب عليها الدكتور حفظت يعني رفضت.
وقال لي الموظف والله العظيم وبذمتي قال لي ياخوي شلون تقدم طلب وماعندك واسطه لازم تشوف واسطه
واسطه واسطه واسطه وين اروح واسطه وش اسوي بعمري للاسف ماعندي احد وفوضت امري الى الله سبحانه اعلم بالحال
وصلى الله وسلم وبارك على نبيه محمد وعلى آله الطيبين