جبت لكم الخبر اليقين ......كلمت الدكتور عبدالله الموسى اليوم

September 15th, 2008, 04:31 PM

تخيل وتوقع كل شئ من هذي الوزارة

لأن ما سيحدث سيكون أكثر ألما


كلنا مصدومين من اللي حصل اليوم من أعلان الترشيح النهائي ثم سحبه بكل استهتار

وعدم مراعاة لأبسط قواعد المهنية ؛ حتى تنويه بعد اللي حصل

ما نبي اعتذار لا سمح الله

ولكن اقل شي تنويه بالحصل وليش وايش معناه وما سيترتب على ذلك

ولكن ابتسم فانت تتعامل مع وزارة التعليم العالي


بصراحة كان صدمة فوق الخيال

وما قدرت اصبر وقلت لازم اروح مبنى ادراة الابتعاث بنفسي

لعل وعسى اعرف ايش صاير مع الاخوان هناك

طلعت بعد صلاة الظهر تقريبا

و اتجهت اول ما دخلت الى قسم الاستفسارات

قالوا لي ما عندنا شي روح لصالة الاستقبال

رحت صالة الاستقبال اخذت رقم بعدين كلمت الموظفين هناك

استغربوا من الموضوع وقالوا جدا غريبة ما نعرف اي شي من اللي تقول

ثم شيكوا في الكمبيوتر وقالوا لي ما في شي في الموقع

قلت لهم ادري كان موجود ثم رفع وما نعرف ليش

قالوا حتى احنا ما عندنا علم

خليتهم ورحت لمكتب مدير الابتعاث الدكتور ماجد الحربي

قال لي سكرتيره ما في شي وكله رايح يبان في حينه في الصحف

تركته هو بعد ودخلت على الدكتور محفوظ الزهراني

قال لي ما في شي و الأسماء رايح يكون الاعلان عنها في شوال


طلعت بعد كذا لمكتب الدكتو عبدالله الموسى كان جالس يكلم طلاب في غرفة الاجتماعات

بس ما قدرت ادخل عليه

كلمته سكرتيره قال لي هذي غلط من قسم الحاسب الألي

كانوا بس يبون يسون تشييك للنظام

والطلاب ما صدقو على طوال دخلوا وبعدين ترى الاسماء ماراح تظهر الا بعد العيد

في شوال يعني ترى باقي لازم نخاطب جهات حكومية كثيرة



جلست بعد كذا احاول اترقب للدكتور عبد الله الموسى

اول ما طلع من الاجتماع قلت له متى رايح يكون اعلان الاسماء للمرحلة الرابعة

قال في شهر شوال


قلت للدكتور عبدالله الموسى لكن في ترشيح نهائي طلع لبارحة على موقع الوزارة نفسه

قال هذا خطأ يسأل قسم الحاسب الألي عنه


انتهى

• نشر عبر تويتر
• نشر عبر فيسبوك
• نشر عبر جوجل