(( لكم من هوٍ مستوفي الشروط ولم يقبل )) أكرر مستوفي الشروط

مساء الخير والرضا

مسآء الورٍد

مسائكم زي ذا اللى اتنقع فيه ليل نهار

اول شي ردودكم خلتني وش اقول بس
أحب المنتدى ذا بشكل مو طبيعي

مدخـل ..
ماهوٍ وجه الشبه بين وزاره التعليم العآلي و 902 ؟؟
أعتقد تعرفون الجوآب ولا لآ

أخت عزيزه علي قلبي طلبت مني اشوف وضعها
مثلي مستوفيه لجميع الشروط ولم تقبل وحتى مب كاتبين لها لم يتم ترشيحك
وأصرت اني أتصل بالوزاره ليش مدري

جهزت روحي وجبت اربع أكواب كابتشينو ولعت الأنوار ورسمت مخطط لأرقام
وزاره التعليم العالي حسب استراتيجيه بحته << أخلص

أجريت الإتصال
ومن أووووول مرره مسك معاي الخط
وربي بغيت اقفل واتصل من جديد قلت يمكن يمزحون او الرقم غلط

أنا : والله لكم وحشه
الموظف : أنت اكثر اي اس سول
انا : كيف عرفت نكي
الموظف : من كثر ماتتصل فديتك ابلشت اعمارنا

امزح

هذآ الاتصال الصحيحي

انا: صباح الخير اخوي
الموظف : هلابك
انا : اخوي محتاج اعرف رقم الترشيح ؟؟ << داري بتقولون يستهبل ابو الشباب بس تابعو معي
الموظف : ؟؟؟؟
انا : حاله الطلب ماتفتح معي وايميلي اضنه انسرق << بشكل مبهم
الموظف : ليش طيب
انا : بتابع حاله الطلب لانه مو كاتبين لم يتم ترشيحك
الموظف : طيب انت مستوفي الشروط كامله
انا : ايه والكامل وجه الله
الموظف : المرحله ؟
انا : ماجستير
الموظف : خلاص قدم اعترااض وان شاء الله راح تنقبل
انا : طيب ذكرتو انتم ماطبعتو نماذج الاعتراض
الموظف : موجوده عندنا

كل اللى فوق ماهمني انا اللى همني سؤالي التالي

انا : طيب اخوي انا ابي اعرف بالظبط ليش اغلب المتقدمين مستوفين الشروط ولم يتم قبولهم
هل فعلا هناك خلل بالسستم او حاجه زي كذا
الموظف : ايوه اهم شي يكون مستوفي الشروط
لاحظو كم مره قال مستوفي الشروط << الشروط اللى ذبحتنا
انا : واللى بعيد عن الرياض يقدر يرسل أحد << الله يسامح ابوي ماستوطن الرياض ولا ماكان تعبت
الموظف : مافي مشكله ان شاء الله
انا : الله يعطيك العافيه
الموظف : هلا بك

حرف حرف كلمه كلمه المكالمه كانت مسجله

بالأخير اتمنى من الله عز وجل ومن ثم كل واحد مستوفي الشروط يقدم اعترااض ومايترك حقه ابدا

بالنسبه لي انا مسافر الرياض ان شاء الله الاسبوع القادم

امانه معكم لاتاخذون كلامي على انه فعلا صحيح انتم عارفين موظفي الوزاره

اتمنى وضعت ولو نافذه امل بسيطه لاخواني اللى مثل حالتي فديتكم

تحياتي
E's-soul

مخرج ..
انا : صباح الخير جدتي
جدتي : والله ان صقعتك بالخشبه هذي لاعلمك ( قصدها العكاز )
انا : افا وش عندها الساطيه
جدتي : وش عندك عند البليه الاسود ذا منت بلاقي غيره ( قصدها باراك اوباما البعثه على امريكا ) سياسيه بحته يالبى قلبها