موظف بارامكوا ومحتاج مساعدتكم.؟

امممممممممم البعثه حقت المللك على شهر 7 يعني في ذاك الوقت قريباا ثانياا ايش قصدك بي عمرك يكون عااق بنسبه لعمرك للماستر مرره حلووه واصلاا عمرك في كل لاحوال كويس مافي مشكله واذ معدلك عالي ومعك توفل وماشاء الله عنددك مهارات فا ان شاء الله انت السنه الجايه ضمن البعثه الخامسه ولاخيرة والله يوفقك

سلطان يارفيق العمل,

اتوقع دامك جبت طاري القدرات فأنت تحمل الثانويه وليس البكالوريوس

بالنسبه لحملة البكالوريوس اقدر اقول انك في السليم , بس الثانويه ماعندي علم ,

واتوقع انهم يشرطون انك خريج هالسنه , فليش ماتختصر الوقت دامك جبت درجة توفل حلوه وتقدم على جامعه وتكمل اجراءاتك من هنا , وعقبها تنظم للبعثه من هناك واتوقع سهله وغيرك كثير سواها


والله يوفقك , بس نصيحه استشير الوالدين واطلب دعاهم , ترى والله مايمشي امورنا الا دعاهم الله يكتب لهم الاجرين ويمتعهم بالصحه ويرحمهم وين ماكانوا.


دعواتي لك

زي ما تفضلت اخوي انا ثانوي ولست بجامعي. وانا ابغى اكمل بكالوريس في مجال عملي الا وهو الالات دقيقة .
خمس سنوات في الشركة واحاول اطلع على الابتعاث ومو راضين مع انه كل شروط ارامكوا تنطبق علي.
على العموم بالنسبة لموضوع تخليص الاوراق من هنا, والالتحاق بالبعثة انا متخوف بصراحة. لاني قاعد اجازف بوظيفتي ومستقبلي . وما ابغى اسوي خطوة ما اعرف نتائجها.
وحبيت اسألك اخوي لما قلت زميل العمل. انا قاعد اقرأ في بيناتك واشوف انك مبتعث على بريطانيا. ما ادري طلعت والا باقي. وكيف سويت مع ارامكوا؟
وشاكر لكم اجتهادكم.


وانشالله القى ردود على باقي الاسئلة

هلا اخوي ,

والله انا قاعد انتظر بداية برنامج الماستر هناك , يعني ان شاء الله على شهر سبتمبر او قبله اطلع,

والشركه للأسف حاله اسوأ من حال شركات القطاع الخاص , حتى الي يتخرج ب1.5 من الجامعه يقبلونه , عشان كذا يساوون بالجميع ويحرمونك التطوير اذا مافيه (بق واو) , فالله لايعوق بشر , الاستقاله مجهزها بالدرج


استخير وتوكل على الله

كل التوفيق أخوي. وانشالله اذا قبلت الاستقاله أول شي راح أسويه
دعواتكم.
واتمنى القى جواب كافي لاسئلتي