إيقاف المرحلة الخامسة لخريجي الثانوية مواقتنا

أتمنى أن لا يتم تطبيق هذا الإجراء ,

بسم الله الرحمن الرحيم

انا حابة ارد على اللي يقولوا البكالوريوس ما يطلعوا بعثات والجامعات السعودية اولى

الله يسعدكم لما تشوفوا المهزلة اللي فيها الجامعات السعودية؟؟

اغلب الطلاب والطالبات يبغوا يدرسوا في اقسام لها مستقبل هذا اول شي ومو كل انسان يبغى يدخل قسم خدمة اجتماع او تاريخ وجغرافيا خلاص اكتفت السعودية من المعلمين حتى عام 2100 من المعلمين والمعلمات

ولما تبغى تدخل طب او هندسة يقولوا ما يدخلها الا مية او مئتين طالب

واكبر مثال جامعة الملك عبد العزيز قبلت بنات واولاد كثار وتصل اعدادهم بالملايين وفي النهاية ما يدخلوا الكليات الصحية الا 500 من البنات و500 من الاولاد <<<< هذي الجامعات السعودية وبلا فخر وفي النهية عمرك كلو في الدراسة ولما تتخرج تلاقي الناس في القمر وتعليم الكتروني واحنا لسا نرجع ورا والله المستعان؟؟


وابغى اطلب طلب ولا وني زودتها اللي يعرف احد في شؤون الابتعاث يقولوا حسبي الله ونعم الوكيل عليكم اذا وقفتوها الملك ما يقصر وينزل ميزانية اما هما والبخل اللي فيهم انا بنسافر على حساب الدولة مو على حساب الموسى ولا الحربي


وشكرااا

يا شباب الخبر اقرب ان يكون صحصح انا كنت في الوزاره وسمعة من احد المقربين عند العطيه نفس الكلم
وانحنا حصلنا علي الظمان المالي والفيزا والقبول النهائى وطلبنا امر اركاب وعقدونا فيه
بخصوص الثانويه واخر ما قالو وقف البكالورس وحسبي عليهم بعد ما قلناهانت عقدوها ثانى
الكن الشباب الي معهم دبلوم عندهم تسهيلات
يا اخواني دعواتكم بان تسهل اموري واموركم وكل مسلم

ياهم لي رب كبير.. كفووو والله صدقتي بكل كلمة قلتيها..جامعاتنا سيئه وفااشله بكل ماللكلمة من معنى وانا جربتها ودخلت قسم ماااااابيه وطموحي شي اخر بس ماقدرت عليه وبالنهايه تركت الجامعه لاني عارفه لو اخذت الشهاده بتخصص مالي اي رغبه فيه ماراح اكون شخص منتج بالمجتمع..والبطاله بتكون حاضرة لي ولغيري...احنا خريجين الثانويه أكثر من غيرنا استعداااد للدراسه وطموحنا كبيير..هما سوو هالحركة علشان يقللون من الطلبه المبتعثين لانهم عارفين ان اللي ناوي يكمل ماستر او دكتوراه قله ولا يقارنون بطلبه البكالوريوس اللي هم اهم وجيل المستقبل اللي يكمل ماستر او دكتوراه هذا مخلص جامعه ومحدد هدفه بحياته لكن احنا خريجين الثانويه لا ندرس هنا ولا ندرس هنك سبحان الله تناقض عجيب يبون يرتقون بالتعليم وفي نفس الوقت طلبه كثير من البكالوريوس راح يجلسون لا جامعه هنا ولا هناك واللي مخلص جاامعه يروح يكمل هناك ...؟؟؟ شي غير منصف بس انشاالله اشاعه زي اي اشاعه غبيه يطلعونها واللي يدرسو بثالث ثانوي اهم شي لا يتأثرو زي ماتأثرت باشاعاتهم الغبيه لمن كنت بثالث ثانوي قبل سنه..

أناااااااا مع قرار الايقااااف لأموووووووووور

1- ان الجامعات السعودية لهاا القدرة على قبووول كل طلاب الثانوي والشاطر بيحصل أكيد أما اللي مو شاطر فكيف يقدر يشد حيله ويجتهد في الخارج وهو في بلده ما قدر((ترا الغربة صعبة))

2-القبول للدراسات العليا في السعووودية مرررررة صعب والتخصصااات جداا محصووورة اضف لذلك فإن مدة دراستك للماستر فقط لن تقل عن ثلاث سنوات على الأقل؟؟!!
3-دراسة الطالب للبكالوريوس بالخااارج جدا مكلفة ومدتهااا طويلة ((من 5 علأقل إلى ماله نهاايه))
أما الماستر فسنتين ونص بيتخرج بالراحة مع اللغة.
إذن طالب الماستر انتهى بنصف مدة طالب البكالوريوس .وكل مقعد لطالب بكالوريوس سيكون مقعدين لطلاب الماستر مثلا..

4- حاجة الوطن والبلد لخريجي الدراسات العليااا أكثر بكثير من البكالوريوس فمثلا الطواااقم الادارية لكوادر التعليم الجامعي الأكاديمي أكثر من 50&#37; أجانب وأكثر من 50% ليسووو سوا دكاتر كما افادت الاحصائيات..

5- بالنسبة لطالب البكالوريوس بإمكانه انهاااء دراسته في وطنة وبين أهله وهو بحاجة مماسة لذلك لا ينكرهااا إلا مكابر
وبسهوله سيتكمن من إكمال مسيرته التعليمية وبأي بلد وبأي تخصص يرغب به.

6- الكثير من خريجي البكالوريوس في الوطن يعانون من البطالة او من عدم الرضى الوظيفي لهم وبالتالي فتيسر اكمال الدراااسة سيعني لهم الكثير ويفتح لهم افقااا لتطوير الذاااات..

كما لا نسنى ان خريجي البكالوريوس يكون تصور المستقبل اوضح لهم وهم أكثر انضباطاا لأنهم على وشك الدخووول في سلك العمل بخلاف خريجي الثانوي فلا زال الدرب امامهم..

رساله لك ولمن يحمل نفس تفكيرك

أولا : يا نااااااااس اتركو الحسد ... الحسد هو الي دمرنا ... ياخوي انت مثل ما كنت تتمنى الطلعه والشهاده غيرك يتمناها

ولا يوم ضمنت انك رايح رايح .. جلست تزعجنا بالنت لا يروحون طلاب الثانوي و حنا شهادتنا بتصير مثل شهادة جامعات السعوديه ومدري كيف ... فكونا يرحم ابوكم من الحسد والنجاسه

ثانيا : أنتم لو انها حاصله لكم ايام البكالوريوس كان حرقتو المنتديات بكلامكم

ثالثا : الجميع يعرف وشهي جامعاتنا .. وحنا ما نعيبها .. ولكن لنا طموح كطلاب إننا نخلص الثانوي ونلتحق بالبعثه للدراسه في الخارج ونجيب شهادات أقوى وأحسن

رابعا : بالنسبه للي يقول إن أغلب الي يروحون هناك مرجوجين أو بالمصطلح المعروف : غير ناضجين ..أحب أقول : الدوله وضعت مراقبين لمثل هؤلاء وبعدين بتقنعني انت واياه ان دوله مثل دولتنا بتسهى عن مثل الشغله هذي ؟ ... الفاشل راح يرجع وراح يلحق بداله الناجح

خامسا : الجميع يعلم بأن مرحلة البكالوريوس هي المحك الحقيقي للحياه باذن الله ... يعني أنت يالي رايح للدراسات العليا منتب ميت جوع اذا قعدت لأنك حاصل على شهادة البكالوريوس ..أما بالنسبه للي يبي يدرس بكالوريوس فهو احق من طالب الدراسات العليا ؛ لأنه ما ضمن شي الى الحين بعك طالب الدراسات العليا ... والي بيقول طالب الدراسات العليا له طموح .. أقول طموح طالب البكالوريوس أقوى وأكبر

سادسا : المفروض والواجب فعله إن يتم إيقاف الحاق طلاب الدراسات العليا واقتصارها فقط على طلاب البكالوريوس ؛ لأنهم عرفو الوضع وأخذو اللغه وبتكون امورهم تمام التمام .. وبيكون وضعم أحسن من الي جاي ما يدري وش الطبخه يحوس باللغه ويالله يكمل دراساته .

وأعيد وأقول اتركو الحسد الله يرضى عليكم

قرار صائب إيقاف مرحلة الباكالوريوس وممكن المرحلة الخامسة مافي السنة هاذي لني سامعة انه مافي مرحلة خامسة

يقولو في واحد سمع مات...اكيد في مرحلة خامسة اعلنوها في الاخبار ثاني شي هما ما نزلو قرار ايقاف البكالوريوس بس بيدرسو الموضوع يعني لسا ما نزلو قرار وانشالله ما ينزلو كفاية حسد خلاص مو عشان طلعتو بعثات خلاص تجو تكتبو قرار صائب طيب ايش السبب انو قرار صائب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شباب بنات قولوا حسبي الله ونعم الوكيل

وباذن الله ما تتوقف؟؟
وشكرا ياقلبي يالدلع العالمي

وصح لسانك ياااS.3.D

وربنا يقدم اللي فيه الخير ويااناس بطلوا حسد نحنا حنسافر على حساب الدولة مو على حسابكم ارحمونا وردوا ردود عدلة لو سمحتوا


وشكرا