ماذا يعني هذا الكلام ؟؟؟(( جلسة 169))

الله يوفقك ويسهل امورك

هههههههههههههههههههههههههههههههههههههههههه

والله عليهم حركات ياخي

انا زيك 196 اسئل الموسى المحترم هو الي كرشنا الله يطول بعمره من زمان اصلن وهو يلف على المبتعثين ياخي احيانا احس انه يدفع للطلاب من فلوسه الله يحييه لاكن وين بيروح من دعاوي الناس مساكين والله في شباب فاصلين من وضايفهم ومتسلفين فلوس عشان يجون
ونص الشباب رجعو مساكين حسبي الله على الضالم الي كان ورا الموضوع ان كانه الموسي ولا غيره اصلن المفروض ان هذي الجلسه تكون الأخيره وكل الناس عندهم خبر بكيذا وبعدها يرجع النضام القديم لاكن وش تقول خلها على ربك بس

لا ومن زين الطبايع مافي اسلوب زي الناس يوصلون لك الصدمه اخف شوي لاكن معصي ما ارجع الله لا يحدني عليهم وعلى فلوسهم
الله يرفعني عن خلقه والله ييسر اموري وامور كل الطلاب الي انصدمو مساكين انا انسان بكمل على حسابي وبدخل الجامعه بعد كم شهر
الحمد لله خلصت التوفل على حسابي وبخلص الـ 30 ساعه حقتهم وبجيب انشالله معدل يرفع راسي وراس ابوي انا الموضوع قلب تحدي براسي وحتى لو جبت الـ 30 ساعه والله ما راح ارفعلهم شي ولا راح اطلب منهم شي واعلمهم كيف الي بيدرس صح قسم بالله تنقهر لما تشوف مبتعثين كل حياتهم دشره وتمشي لهم مكافئات وساحبين على الدوامات والي جايبين بعثاتهم بواسطات اووووه عاد ذولي حدث ولا حرج في واحد من الشباب مشالله عليه رافع اوراقه بعدي بشهر وما جلس كم يوم الا وقرار ابتعاثه معاه وانا الي صدق ناوي دراسه يسحبون علي درجاتي في المعهد كلها فوق ال90 وعمري ما غبت يوم وخلصت اللغه في 4 شهور يجون وبكل بساطه يقولون ضف وجهك مالك مكان ليييه وزاره ابوك هي ما اقول الا الله يديمك عز يابو متعب فوق روسنا ويا جعل السملق الي ماسكين الوزاره ربي يبلاهم بعيالهم يارب ان كانهم انغرو بمناصبهم وش ذنب المساكين الي تركو الي وراهم والي دونهم وحاطين املهم على ذا البعثه والله كل ما شفت واحد فيهم قاص له تذكره وراجع ان قلبي ينحرق عليهم ما اقول الله الله يستر عليهم كلهم ويوفقهم ياجعلها خيره لهم

بس اذا كنت قادر انك تكمل تدرس على حسابك لا تترد يوم واحد انك تكمل وانشالله ربي بيعوضك خير بدالها

أخوي الغالي
والله انا مثلك ومقهوووووووووور ولا عاد عندي الي اقدر ادفعه للمعهد
بس انشاء الله لا أقلبها مثلك تحدي أنا الحين قاعد أدور على شغل الله لا يشكر لهم فضل وبشد حيلي على نفسي وبذاكر واشتري كتب واقرى ولا ني موفر طريقة بس القهر ان معهد ماعاد أقدر أروح له ولو تخبر لي معهد رخيص حتى لو مو معتمد لأني بكمل الله لا يشكر لهم فضل
واذا تقدر تساعدني بمعهد رخيص تكون مشكور ورجعه بسواد الوجه ما أرجع لأن ماعندي شي بالسعودية اارجع له
لا أهل ولا غيره
الشايب والعجوز وعايشين برى السعودية
والله لو توصل اتزوج كندية لا اسويها وبالي مايردهم هم ووزارتهم
والله يديم ابو متعب ويطول عمره يارب