عندك سؤال لا تفتح موضوع تفضل هنا بخدمتكم (المرحلة التاسعة 9 )

السلام عليكم

عندي استفسار واتمنى تفيدوني من خبرتكم .. انا ان شاءالله ناويه اقدم على الابتعاث (مرحلة ماجستير) ..متخرجة أدب إنجليزي السمستر اللي فات ..
سؤالي هو اقدم على اي تخصص من التخصصات الادارية المطروحة للماجستير؟ ( القانون، المحاسبة، المالية، التأمين، والتسويق)
اي تخصص تعتقدون انه اقرب لتخصصي في البكالوريس؟ مع العلم اني مخططة اغير التخصص اذا الله يسر لي وكتب لي الابتعاث .. بس ابغى اعرف اي تخصص اقرب وارجح لترشيح القبول ..

شوف يا أخ علي أنا راح أجاوبك على هذه النقطة فقط بخصوص القبول المشروط فهو مطلوب فقط لطلاب مرحلة البكالوريس اللي هم بالعربي طلاب الطب أما الماجستير و الدكتوراه فالمطلوب منهم هو قبول معهد اللغة

و ما يحتاج ترجع للسعودية عشان تعمل اختبار توفل أو آيلتس تعمل الاختبار هناك بالإضافة للاختبار الآخر اللي هو جيمات أو جي آر اي*

و هذه هي الطريقة الصحيحة و حاول من الآن أن تبحث عن معهد تابع لجامعة لأنه معهد أكاديمي راح يقويك باللغة عكس المعاهد التجارية العادية اللي تفكر فقط بالمادة و حاول تعمل لك لستة فيها 6 معاهد أقل شئ عشان تضمن نفسك لما تنزل قائمة المعاهد المعتمدة إن شاء الله بعد الحج

السلام عليكم ورحمه الله وبركاااته
انا ابغى اقدم في البعثه ان شاء الله برمضاااان بس
من شروط الابتعاث انو اكثر من خمس سنوات على صدور الوثيقه مايقبلوا وانا تاريخ تحرير وثيقتي شهر 6 سنه 1429
كمان العمر مايزيد عن 27 سنه وانا من مواليد 3/1/1407
علمووووني في امل انقبل ولا لا
الله يخليكم ردووووووا
تعبت وانا احسب

بخصوص السؤال الأول .. نعم بإمكانك دراسة اللغة ومن هناك تجيب القبول .. انا لي 5 شهور .. وبعد كم يوم اختباري للتوفل .. (طبعا اختبر توفل خلال فترة اللغة وحاول تجيب قبول نهائي بنهاية اللغة تبدا الدراسة) وبامكانك تروح للغة في معهد واول ماتوصل امريكا تجيب قبول مشروط .. وتختبر توفل او ايلتس عدة مرات لين تجيب الدرجة المطلوبة للقبول المشروط او تجيب قبول نهائي .. بين قوسين ( افضل شيء بالنسبة لي اني اروح مكان اتعلم فيه لغة صح وفي نفس الوقت اجيب قبول )

بعض الناس الله يهديهم يأخرون البعثة عشان مامعهم قبول جامعي وانا اقول انه معك فرصة للقبول خلال دراستك للغة ..

انت من يختار المعهد .. المرحلة السادسة وماقبل كانت الوزارة تختار .. لكن من المرحلة السابعة والثامنة صار الطالب يجيب .. وانا سألت الدكتور ماجد الحربي سابقًا قبل السفر فقال لي .. انه للمراحل القادمة كلها هم يجيبون القبول .. يريحون الوزارة ويريحون انفسهم ..

نعم بإمكانك الذهاب على تخصص تسويق وتحول من بلد الابتعاث الى تخصص اخر ..

الامر ياخذ وقت نعم .. لكن بيني وبينك لما تنتقل من تخصص اقل الى تخصص اعلى سهل بس العكس لا .. يعني للتوضيح لو بتحول من تسويق لهندسة سهل مرررة .. بس تحول من هندسة لتسويق لن يقبلوا اصلا .. لان الهندسة اهم ..

اشكرك حرف على ردك .. لكن اممم انت كتبت حتى لو اخذت الموافقه قبل يرجع ورجع ...وجت سفرتي ان الهدف الي رحت له رجع .. صح كلامك .. بس انا فكرت ممكن اقولهم امرين مدري اذا تتوقع تمشي...اقول ان اخوي بيصير مرافق..؟ والامر الثاني والي اخوي قاله لي انه بيقدم ماستر بيكمل في استراليا ..؟
وكمــان حرف تخيل معي لو نزل قرار بعثتي واخوي لسى هناك باقي له كم شهر ويرجع وسافرت .. تتوقع يكون عندهم خبر ...؟ انا والله مرره مشتته وضايعه وانا اختك بطني مرره تعورني من الخووف .. ...
نفسسي اكمل باميركا وربي بس مجبره اخوي هناك....

تساعدني بالرد بليز وكمان باقي الاعضاء الرائعين ...

أخ عبدالله انت ذكرت انه من تخصص اقل لتخصص عالي يوافقون بسرعة ،، السؤال كيف اعرف المقياس هل فيه جدول مثلا يعني من علوم طبيه او صيدله الى هندسة سهل او صعب ؟

ويعطيك العافية

بارك الله فيك

سيتم إغلاق جميع المواضيع التي تطرح بخصوص الاستفسارات وتحول برابط من قبل المشرفين والمشرفات لهذا الموضوع

نحن نسعى ان يكون الرقي افضل .

إنتظري شروط المرحلة التاسعة ربما يحدث فيها تغيير.

وعليكم السلام ورحمة الله وبركاته .. اختي حولي تاريخ ميلادك للميلادي .. لأنه العام الماضي حسبوا 27 سنه من التاريخ الميلادي ..

وكان لا يقبل من ولد قبل 3 اغسطس 1985 ، فالسنه هاذي بإذن الله انتي مقبوله ..!

بالتوفيق .

العفو اختي .. فيه طريقة ممكن تضمن لك البعد عن اللخبطة وان شاء تتيسر امورك .. وهي انك تقدمي على امريكا وتسجلي المرافق والدك .. ووقت ما اخوك سوا ترقية للبعثه ماستر تغيري الدولة والمرافق بالملتقيات ..

لكن السؤال هو كم باقي له ويسوي ترقية وكم باقي له على ما يخلص المرحله هاذي وبناء عليه تعرفي اللي لك واللي عليك ..؟

بالتوفيق ..