عندك سؤال لا تفتح موضوع تفضل هنا بخدمتكم (المرحلة التاسعة 9 )

أنا عارفة أن سنة اللغة مرة مفيدة وراح تكسبني خبرات و مهارات وراح أكون أفضل بس المشكلة اني متخرجة السنة اللي راحت يعني لو درست سنة لغة راح أضيع علي بعد سنة وانا ما ابغى اضيع أكثر من اللي ضاع!
طيب كيف أعرف اني استوفيت الدرجة المطلوبة أو لا ؟
و مشكورة على الرد جزاك الله ألف خير

شكرااا اخوي الخاص عندي لسا ما تفعل مدري اش فية ياريت تستفسر لي وجزاك الله خير وما ادري اذا كان يفرق طلعت نتيجة الاختبار الكفايات الانجليزي جبت 61 وكاتبين بالتوفل تطلع لك 426

وعليكم السلام ورحمة الله وبركاته .. الله يعافيك حياك الله ..

أولا اهنيك انك قرأتي الموضوع من اوله حتى اخره وهذا لاحظته انا .. فبارك الله فيك ..

ثاني شيء مقبول طبعا ..

الله يعافيك وبالتوفيق ..!

محرمي هو اخي وهو مبتعث لاستراليا
ما هي الاجرائات بالنسبه للمحرم
اثناء التقديم في رمضان هل اضع في خانة المحرم اسم اخي و اثناء المطابقة اقدم لهم الاثبات بانه هناك ؟
او اضع اسم شخص اخر ؟
بالنسبه للدول اختار مثلا امريكا و ثم اغير لاستراليا بعد القبول ؟؟

اتمنى الرد على استفسري

بسم الله الرحمن الر حيم
السلام عليكم انا اسمي عبدالعزيز من الرياض الحمدللة خلصت الثانوية
بمعدل 95.57 القدرات واحد وثمانين التحصيلي 65 الكفايات انجليزي 61 وكاتبين اهنا مكافئة بالتوفل 429
انا ابي اقدم علي البعثات وقالوا لازم تبدا تضبط امورك من الحين هل تتوقعون تقبلني الوزارة على طول او لا لان التحصيلي عندي تعبان وانا انشاء الله طالع طالع اطلع على حسابي بعدين احول
ما اعرف اش النظام وسمعت عن الموقع وقالوا بساعدونك وانا ناوي ادرس قانون او اقتصاد وعلوم سياسية المشكله في جامعات قوية ابي ادخلها ما ابي اروح هناك جامعات ابو كلب
قلت كيف القبول سالت واحد مبتعث في كنداا قال في طريقتين الاولى تختبر ايلتس وتدخل الجامعة وكل جامعة ولها نسبة طالبينة او تدرس في معهد الجامعه ومتى ما خلصت تدخل الجامعة على طول
حتى لو كانت قوية
مثل جامعة كولمبيا في نيويورك او جورج واشنطن الي يقدر يعرف يجيبلي شروط الجامعتين مايقصر لاني دورت ودورت ما عرفت
فا يليت تساعدوني في اسرع وقت واتمنى لكم التوفيق

............وين الردوود

الله يعطيكم العافية على روح التعاون الموجودة والله يوفق الجميع يارب بس استفسار بسيط لو انا اخترت معهد لغة تابع لجامعه ولكن الجامعه غير عن الجامعه اللي ابغاها هل يؤثر ذلك او لا؟؟؟ يعني ادرس سنة في معهد اللغة في ولاية اخرى مختلفه عن الولاية اللي فيها الجامعه التي اريد الدراسة فيها هل يؤثر ذلك؟؟؟

_



الأستاذ ( حرف ) الله يوفقك ويسسسعدك دنيا وآخرة والله لا يرد لك دعوة وعسى ربي يحقق كل أمنياتك وربي يحفظك ويحفظ لك كل عزيز وغالي عليك .
الله يفرجها عليك زي ما تفرجها علينا ومعطينا كل وقتك الله يوفقك الله يوفقك الله يوفقك ..

الله يعطيك العآفيه ،
لا ارامكو غاسل يدي منهم .. انا بكمل ماستر وانا ناوي على ترك الوظيفه ، لكن كيف اتركها الحين والقبول النهائي للبعثه في ذو الحجه
يعني لسى بدري ، ليش ماتكون ترك الوظيفه قبل اصدار قرار الابتعاث
طيب الحين لو كنت على رآس العمل هل راح يؤثر على قبولي في مرحلة التدقيق ؟

شكراً