هنا استفساراتكم عن طريقة التسجيل والإجراءات والمتطلبات (المرحلة التاسعة)

اذكروا الله والله ادري ان وضعنا صعب و بتلاقي له حل . اذا قال لنا الدكتور ماجد خلاص مافي ابتعاث وقتها بنوقف . و ترى التوصيات م راح تنفع حتى لو جمعتوها الحين او اخر السنه لان اي جامعه بتقول نبي توصيات و ابعد فترة لها انها تكون قبل 6 شهور فقط . التوصيات تنفع لو ناخذها من اللي بيدرسونا في المعهد اذا كان تابع لجامعه لانهم بيكونون دكاتره من نفس الجامعه . فاهمين عليّ ؟
ما علينا في التوصيات المهم تساعدوني و باذن الله اجيب لكم خبر يفرحكم و يفرحني قبلكم

لازم تشوفون لكم حل تقابلون دكتور ماجد الحربي وخاصة هو انجليزي مثلكم
لكن أنا أوفر عليكم الجميع مقبول قبول نهائي المهم العمر والمعدل

ألف مبروك القبول النهائي وافرحوا بالعيد وآجر رمضان الله يوفقكم لكل خير

اختنا .. ما يفترض فعله من البدايه هو كتابة استفسارك هنا ..

وعلى أي حال موضوعك موجود بالصفحه هاذي والاخوان ما قصروا جابوا عليك ..!

بالتوفيق ان شاء الله ..!

الله يسمع منك يا استاذ مراحل ^^

الي ماراح ينقبل هالسنه عنده كم خيار ١- يدرس ع حسابه ويلتحق بالبعثه ٢- يكمل ماستر بالسعوديه ٣- يحصل ع وظيفه سواء حكوميه او قطاع خاص ٤- يقدم ع وظيفة معيد.. برنامج الملك عبدالله موب نهايه المطاف.. بذكرلكم قصه صديق لي..تخرج لغه انجليزيه من كلية المعلمين وانقبل ببرنامج الملك عبدالله واختار ماليزيا جلس فيها ٣ شهور وتعب وسوى انهاء بعثه ورجع للسعوديه وتوظف معلم وبعده فتره تركها وتوظف معيد بالجامعه والان مبتعث من الجامعه وع وشك يتخرج ماستر لغويات... الحياه فرص وتجارب..

اخوي مراحل الابتعاث حنا مومنين و باذن الله مقبولين .
فترة التسجيل ما يقارب 14 يوم صح ولا لا ؟
طيب حنا من قبل التسجيل حتى يعني قبلها بشهر قلنا بنراسله و كل شيء جاهز و جيت انت و قلت لا ترسلون ولا شيء مقبولين باذن الله حتى اذكر ردك والله و قلت فيه لبنت ما اذكر اسمها قلت بالحرف الواحد ( يا بنتي ما يحتاج خطابات ولا شيء كلكم مقبولين ) هالكلام ريحنا كثير والله و تفائلنا خير . بس تجي الحين و باقي على التسجيل 8 ايام او اقل و تقول لازم تشوفون لكم حل . ترى هالشيء يزيد من توترنا و خوفنا ما يساعدنا و انا ادري ان قصدك تساعدنا بس مو كذا والله الوقت ضاق فينا و نبي نامن مستقبلنا و حنا رافضين فرص هنا في السعوديه لجل نكمل الماستر برا .

1 _ مو كل شخص يقدر و انا اولهم ما اقدر اني اوفر مصروف 6 او 4 شهور و يا التحق او لا !
2 _ اذا انا ما استفدت في البكالوريوس بستفيد في الماستر ؟ كلنا نعرف حال تعليمنا
3 _ كلنا نبي وضائف مرموقه و لا تنسى قول الله تعالى ( يرفع الله الذين امنوا و اوتوا العلم درجات ) يعني كل واحد يتعب و ياخذ علمه و ينتفع دنيا و اخره
4 _ و جامعاتنا تبي معيدين اصلا بدون خبره ولا درجات مرتفعه في التوفل ؟

برنامج الملك موب نهاية الطريق بس هو طريق و مو زين نفوت فرصنا و حنا نقدر نقدم شيء

ياليت تجاوبوني على استفساري اذا تكرمتووو

اهم شي مانستسلم ونتعيجز ونسوي اللي علينا ونتوكل على الله .
نزعجهم بالاتصالات والفاكسات و واحد يروح واتوقع لو احد راح بالنيابه عن خريجين اللغه
بيكفي عن الف فاكس و خطاب

الوثيقة يبونها بيوم التدقيق .. والتدقيق يبدأ من 1 - 11 ..

بالتوفيق ..