هنا استفساراتكم عن طريقة التسجيل والإجراءات والمتطلبات (المرحلة التاسعة)

مب معقولة هالتجاهل !!!

مرتين مدري ثلاث أكرر سؤالي ومحد يعبرني !!

للمعلومية ترا ماجابنا لهالمنتدى الا سمعته وانه من أروع المنتديات بخصوص المبتعثين

هذا هو سؤالي



يا اخوان انا بطلع مع زوجتي كـ مرافق , لكن ناوي أكمل دراستي , انا معي دبلوم شبكات متخرج عام 2008 أو 2009 , ووثيقة تخرج الدبلوم عندي الأصل لكن السجل الأكاديمي واللي فيها عدد الساعات للأسف الأصل ضاعت واللي عندي مجرد صورة ,,

انا تخرجت من معهد كان يتبع لكلية التقنية , حتى الاختبار النهائي اذكره اختبرناه بالتقنيه ..

المهم انا مريت معهدي السابق ولقيته فاتح وعلمتهم اني أبي سجل أكاديمي أصل لان حقي ضاع وقالولي راجع الوزارة !! وبعدين طلع ختم من عنده وختم على الصورة اللي معي للسجل الاكاديمي والختم مكتوب عليه ( ختم طبق الأصل ) !!! وش السالفة ؟؟

وايضا انا نسبتي بالتخرج 65% وعدد ساعات المواد كانت حول 65 ساعة وفيها منها اللي جبت فيه تقدير جيد أو جيد جدا أو مقبول وفيه راسب ...


كيف طريقة المعادلة ؟؟
+
بنيه خوفتينا ليه تقولين بأحد ردودك ( الله يستر من امتداد التخصص ) !! انا زوجتي خريجة بكالوريس انجليزي ونصحتيني انتي نقدم تسويق

توضيح لنقطه الوثيقة والسجل الاكاديمي اخواني ..

1- إذا كان السجل أو الوثيقة باللغه الانجليزية فقط وصادر من الجامعة مباشرة .. مقبول ..!

2- إذا كان السجل الاكاديمي أو الوثيقة صادرة من الجامعة باللغتين العربي والانجليزي .. مقبول ..!

3- إذا كان السجل الاكاديمي أو الوثيقة صادرة باللغة العربية فقط فهذا غير مقبول ..! لأنه انت كطالب دراسات عليا بجامعات اجنبه يجب أنهم يعرفون ان الوثيقه والسجل لك وانهم يعرفون تفاصيل المواد ..

- لذلك إما ترجمتها من الجامعة أو ترجمتها من مكتب ترجمة معتمد على أن لا يتم تدبيس الاوراق ..!

- ختم وزارة الخارجية هي للشهادة الصادرة من خارج المملكة ..

بالتوفيق ..

اولا حياك الله .. وهد اعصابك وانا اخوك .. حنا لا نتعمد اهمال اي سؤال ..

بالنسبة للدبلوم سواء عادي او عالي .. ما لهم قبول في البرنامج .. ولكن بما انك مرافق فهذا راح يسمح لك بالدراسة ..

الدبلوم يعادل بساعات معينه تدرسها .. تحدد هذه الساعات الجامعة اللي راح تدرسك عشان تحصل على البكالوريوس .. ولكن اعتقد انك بحاجه لجامعة قبولها بسيط جدا لأن نسبتك منخفضة ..

بالنسبة لرد اختنا بينه .. فعذرا راح ارد نيابه عنها .. امتداد التخصص كلنا نصحنا اللي مالهم تخصصات مباشره في البرنامج يسجلون تحت التسويق ..

وان شاء الله الامور تمشي تمام هذا ما نتمناه .. وباقي على التسجيل يومين ويبين ان شاء الله كل شيء ..

بالتوفيق ..

السلام عليكم ،، يا لربع بخصوص الابتعاث ببرنامج الملك عبداللة إذا قبلوني هم يختارون المدينة و الولاية ولا أنا على حسب رغبتي

وعليكم السلام ورحمة الله وبركاته ..

الدولة والولاية والمدينة تحددها انت عن طريق المعهد اللي تختاره ..

موفق ان شاء الله ..

السلام عليكم...
# هل اقدر اختار تخصص صيدلة ومن ثم التحويل الى هندسة؟؟
#لغتي قوية ولله الحمد . هل يعفوني من دراسة اللغة والدراسة مباشرة في الجامعة؟؟
#ما هي اسس القبول في الجامعات الامريكية...؟

اخوي فهيد.. عادي يمديك تغير التخصص من علوم طبيه لهندسه..او من صيدله لهندسه..بالنسبه لمتطلبات القبول تختلف ع حسب الجامعه..راجع متطلبات الجامعه مبدئيا تحتاج ايلتس او توفل بدرجه عاليه لتحقق شرط اللغه

السلام عليكم ورحمة الله وبركاته
انا عندي نقطه محيرتني بصراحه انا وزوجي نبي نأخذ بعثه وكلنا مستوفين الشروط الافضل (ماديا) يقدم كل واحد بعثه منفصله والمرافق يكون غير زوجي؟ او يكون المرافق زوجي ؟
لاني سمعت فيه زياده لكن مافهمتها
وشكرا مقدما لكم

وعليكم السلام ورحمة الله وبركاته ..

ايه اختي بيكون زوجك مبتعث ومرافق بنفس الوقت .. والفيزا لكم انتم الاثنين F1 ..

بالتوفيق ..

الله يسعدك اخوي حرف على التجاوب السريع

يعني افهم من كلامك انه يصرف لي مكافاة مبتعثه وزوجي مكافاة مبتعث + مكافاة مرافق؟
وشكرا لك