شرح || شرح طريقة التسجيل في برنامج خادم الحرمين للإبتعاث - المرحلة التاسعة 9 ||

وعليكم السلام ورحمة الله وبركاته .. حياك الله ..

1- طبعا اختنا تقدري تغيري بعد ما توصلي بلد الابتعاث .. اختيارك هذا مجرد شيء تطلعين عليه ..

2- لازم تكون بياناتك متطابقة اختنا .. واذا ما عندك احد او ما تقدري بالوقت الحالي ، ضعي علامة على لا املك جواز سفر حاليا ..

وضعي اسمك مطابق للوثيقة واستخرجي جواز بناء على الوثيقة ..

بالتوفيق ..

يا اخوان .. ما في تخصص هندسه بالمرحله التاسعه ,!!! يمديني اغير تخصصي لهندسه بعد ما ابتعث ولا كيف .! .............. ارجو الافادة

فيه ناس حولوا الى هندسة بعد وصولهم .. ولكن بعد ما جابوا قبول ..

بالتوفيق ..

السلام عليكم ورحمة اللة وبركاتة .. يعطيكم العافية وكل رمضان وأنتم بخير وصحة وسلامة

هذا موضوع مُجدد خاص بالمرحلة 8 عن التسجيل الالكتروني والي للاسف ماتنبهت لوجودة الا اليوم ..لكن زي مايقولو "العوض ولا القطيعة" .. ويمكن يكون سبب بعد الله في ( راحة بال) بعض خلق الله

في هذا الموضوع اغلب اللي لازم تعرفوه عن بداية التسجيل الالكتروني الي بدأ اول الشهر وينتهي بعد 4 ايام .. حتكون المعلومات على شكل نقاط سريعه لتسهيل وصول الفكرة واختصار الوقت عليكم .. النقاط حتكون واضحه علشان مايكون فيه لبس في الموضوع وح تكون مقسمة حسب اجزاء الطلب , معلومات شخصية واساسية ,, معلومات البعثة ,, معلوماتك الدراسية .. بيانات الاتصال

نموذج تقديم الطلب الالكتروني ايش هو ؟؟ ..

مرحلة التقديم الالكتروني الممتدة من اول رمضان لحد 14 الشهر حتكون فقط وفقط لجمع وحصر معلومات المتقدمين للتأكد من استيفاء الشروط ولاتتعلق بأي شي ثاني وبالتالي لازم تحطو ببالكم أنو اي موضوع ثاني زي التوصيات وتغيير التخصص وووو من الامور الثانية وقتها مو هذي المرحلة .. يعني ع بلاطه التسجيل مرحلة أدخال معلوماتك وفقط .

- وقت التقديم مخصص له اسبوعين كاملين ولايـــــــــــــــوجد اي فرق بين الي يقدم الساعه 12 الليلة او الي يقدم الساعه 11 و55 ليلة 14 رمضان.. مافيه اي افضليه للطلاب الي يسجلو مبكر لأنو وزي ماقلنا هذي فقط وفقط مرحلة جمع معلوماتكم.. وكل الي ارجوه أنكم لاتستعجلو على رزقكم الليله او خلال الثلاث الايام الاولى لأنو الي حيصير لأنو حتكون فيه مشاكل نقنية متوقعه بسبب الضغط وهذا بالنتيجة حيسبب مشاكل لكم من قبيل عدم استطاعة اكمال الطلب الالكتروني وتبدأ بعدها الوسوسه وووو.. عندكم اسبوعين واساساً التسجيل ماياخذ أكثر من 10 دقايق

- اهــــــــــــــــــم المعلومات الي لازم تكون صحيحة هي المتعلقة في المعدل وسنة التخرج وتاريخ الميلاد لأنها هي المتعلقة مباشرة بشروط الابتعاث وبالتالي أي خطأ فيهم حتتسبب في مشاكل (وإن سيكون حلها سهل) ولكن ديرو بالكم وقت ادخال المعلومات .. هذا مو معناته أن باقي المعلومات مايهم أنها تنكنب بالشكل الصحيح ولكن ماذكرناه بخصوص الميلاد والتخرج والمعدل اكثر حساسية

- بمجرد ماتواجهو مشاكل تقنية في تعبئة الابلكيشن لاتنزعجو .. لأنو ومادامكم مااكملتو الابلكيشن وماارسلو لكم رقم الطلب والرقم السري والتأكيد فهذا معناتو ماارسل طلبكم لقاعدة بيانات الوزارة لسا وكل الي عليكم انكم تقفلو المتصفح وتحاولو وقت ثاني.

- عملية التسجيل سهلة جداً وماتحتاج منكم الا معلومات رئيسية وبالتالي يمكن انكم تعملوها في غضون ال 336 ساعه (14يوم) ابتداء من الساعه 12 منتصف الليلة .. برضوووو المعلومات المدخلة فيكم تغيروها سواء الشخصية او الدراسية او المتعلقة بالبعثة من بلد وتخصص وووو .. فلا تشيلو هم وتوسوسو وانتو تدخلوا المعلومات .. حيكون فيه فرصة تعديل لحد موعد الانتهاء من التقديم يوم 14 رمضان .. وحتى بعد الانتهاء فيكم تغيرو في فترة التدقيق

- المعلومات الشخصية سهله بحكم انها تتعلق فيكم مباشره ومااتوقع احد يجيب العيد فيها ..بس برضك فيه كم معلومة نحب نوضحها : الاسم باللغه العربية والانجليزية لازم يطابق لجواز سفرك وإن كان فيه اختلاف مابين الاسماء في الوثائق والجواز فرجحو كفة الجواز لأنو كل مايتعلق ببعثتكم بعدين حيكون بناء ع الجواز .. من طرفها الوزارة ماحدقق كثير في الاختلاف حالياً بس لازم تعملو الي عليكم وتعدلو الاسماء وتطابقوها بين الوثائق والجواز

- اياً كان شكل الاسم في جواز سفرك فهو المطلوب منكم انكم تدخلوه في الطلب الالكتروني .. الي اسم الجد مثلاً بس حاطينه اول حرف حطوه زي ماهو بس اول حرف .. لاتدققو في الحروف الكبيره والصغيره ويجيكم وسواسها ..

- تاريخ الميلاد مهم يكون صحيح لأنو واحد من الشروط الي مايتنازلو عنها .. احرص على كتابتة بالشكل الصحيح ..

- لو انك اكبر من التاريخ المطلوب ومتردد في كتابتة وحاب تحط تاريخ يخليك مؤهل فأتمنى تعمل حساب فترة التدقيق وقبلها أنو اساساً قاعدة الوزارة مرتبطة بالمركز الوطني للمعلومات وبالتالي قفطتك بقرش .. لوووووووو الفرق جداً بسيط فبإمكانك تقديم اعتراض بعد الانتهاء من التسجيل واستبعادك بسبب العمر .. المهم أحرصو على ادخاله بالشكل الصحيح.

- العنوان االبريدي تعبئته هي تحصيل حاصل ومافرق عند الوزارة تحط بريدكم ولابريد الفوال او الحلاق الي جنبكم فلالالالا تتعبو حالكم وتنزلو مواضيع تسألو هل احط بريد بيتنا ولابريد دوام الوالد او بيت اخوي في الديره .. خانة البريد هي جايه جايه مع الابلكيشن لأن تصميم ومعايير االطلب هيا كدا .. عندك بريد كان بها ماعندك حط اقرب شي تعرفه .. ماعندك مررره حط من راسك بس المهم لاتشغل بالك معاه

- جواز سفرك حتى وأن بيخلص بعد تسجيلك بيوم فماعندك مشكلة .. زي ماقلنا هذي فترة جمع معلومات واهمها ( سجلك المدني - عمرك-معدلك-سنة تخرجك) وغيرها من الامور لاحق عليها في التدقيق .. لو صار وغيرت جوازك بعد التسجيل فماعندك مشكلة .. روح التدقيق بالجواز الجديد ووقتها حتكون امورك في السليم.

- الناس الي بتتزوج الفترة الجاية او الحامل منكم والله بيرزقها مولود الفترة الجايه او الشخص الي بيطلق او او او ولازم تعبي خانة المرافقين نحب نقول .. انو ايش هيا حالتك وقت التسجيل اكتبها زي ماانت .. مترزج وزوجتك حامل ومنتظرين بيبي في الشهرين الجايين اكتب لنو مرافقتك زوجتك بس وعلى هذا فـ قس .. السبب يااعزائي انو شغلت المرافقين حتكون اهميتها فقط وفقط وفقط وقت اصدار امر الاركاب في اخــــــــــــــــر مرحلة من مراحل البرنامج .. وقبل كذا نعيد ونزيد أنو لاتوسوسو كثير فيها..

- رقم السجل المدني الخاص بالطالبات فهو موجود في بطاقات الهوية الوطنية للي عندها هوية وطنية او موجود في كروت العايلة للمتزوجات منكم او لسا في كرت عيلة الوالد .. رقمكم اصلاً هوا هوا ماحيتغير هنا او هناك .. كأنو رقم شاصي سيارة مايتغير من يوم ماتنخلقو الى ماتودعو بعد عمر طويل ..وبالتالي الاسئلة المتعلقة فيه جوابها واحد انو الرقم هو هو سواء عندك بطاقة ولا لا

- عنوانكم وبحكم انو الوضع مو زي برا .. فيكم تكتبوه بأي صيغه تحبو لأنو زيو زي العنوان البريدي مايقدم ولايأخر .. المهم هو اختياركم لمركز التدقيق القريب منكم في الخانه الخاصة بكذا ولو حابين تغيرو مركز التدقيق غير القريب منكم بسبب ظروف سفر وقت التدقيق فأكيد بإمكانكم .. بس احرصو انو تتأكدو وقتها حتكونو هناك .. لآن بمجرد مايخلص التسجيل حتتحدد مراكز التدقيق وتوصلكم رسايل تطلب التوجه للمركز الي اخترتوه.. ستل بإمكانكم تغيرو بس حتشغلو حالكم وقتها



معلومات الدراسة :: معلومات الدراسة واضح المطلوب منها .. المهم تحرص على ادخال المعلومات الصحيحة من معدل وسنة تخرج علشان تتلاشى القلق .. كل الجامعات داخل السعودية موجودة بالاضافة لخيار تحديد الجامعة في حال مو موجوده في القائمة .. لو اسم جامعتك المحلية او الاجنبيه مو موجود اختار اخرى وحدده كتابةً .. لو معدلك اقل من المعدل المطلوب بقلييييييييل جداً ف ستل واجب عليك أنك تدخل المعدل الحقيقي وتقدم بعدين اعتراض في فترة الاعتراضات وان شاء الله حيقبل اعتراضك ..

- سنة التخرج مهم جداً تكون متوافقة مع شروط الابتعاث المحددة وإن كان وادخلتو معلومات مغلوطة فوقت التدقيق حيكون سهل جداً يتأكدو وبالتالي ريحو حالكم أن كان وتاريخ تخرجكم يزيد عن الفترة المحددة للدرجات العلمية

- معلومات البعثة .. هي المعلومات الخاصة بالتخصص ودولة الابتعاث المرغوبة .. طبعاُ التخصص وزي مو الكثير يسأل انو تخصصاتهم مو موجوده في القائمة فكل الي عليك تسوية انك تحط الرغبة وبعدين الوزارة بتحول تخصصك بدون التأثير على حق حصولك في البعثة ,,

مثلاً :: طالب خريج علوم اجتماعية ولما سجل اختار انو يدرس قانون .. في هذي الحالة الوزارة حتجبر الطالب على تغيير التخصص الى (اغلب الظن تسويق) وما حتكنسل طلب البعثة بسبب اختباره للقانون ..

- بالنسبة لرغبات الدول فالمعروف ومن متابعتي للبرنامج من 2005 فالرغبة الاولى تتلبى بنسبة 90 بالمئه إن ماكان اكثر وبالتالي لاتوسوسو كثير في الدول .. وخصوصاً لما تكون رغبتكم الاولى امريكا

- بالنسبة للاشخاص الي حابين يتكتكو على موضوع الرغبات وانو ايش احسن دولة لدراسة التخصص الفلاني والعلاني فياريت يعيدو نظر في اولوياتهم خصوصاً الي طالع ماستر لغير تخصصة في البكالريوس .. وبرضو موضوع الدراسة بالانجلش ومحدودة الدول (امريكا كندا ايرلندا) .. نصيحة توجهو لأمريكا

_ الي يسأل عن التخصصات الدقيقة وكيف يمكن يحددها من القائمة فهذا موضوع بكير علية .. اذا حاب او حابة تدرس فيزياء نووية مثلاً فكل الي عليك الان اختياره هو الفيزياء .. وموضوع التخصص الدقيق يتم البت فيه مع الملحقية لما الله يسهل عليكم وتسافرو وتدرسو لغة وتدورو ع القبولاات الجامعية

- اختارو التخصصات الي ترغبو فيها والمهم أنكم تعملو حساب ظروف القبولات بعدين ..بعض التخصصات تجذبك اسمائها زي النانو او التجارة الالكترونية والي حاب انوه عليه انو هذي تخصصات حتتمشكل في الحصول على قبول لها خصوصاً في دول زي كندا وايرلندا .. الي طالع لأمريكا وكندا لدراسة واحد من تخصصات البزنس يختار التسويق وبعدين حتعرفو اكثر عن موضوع الدراسة هناك .. المهم الان هو اختيار التخصص (المرن) .

- زي ماقلنا الان هو انو التسجيل الالكتروني فقط مرحلة لجمع المعلومات .. احرصو على ادخالها بشكل صحيح .. وبالنسبة للتخصصات فراجعو كل المواضيع السابقة المثبتة في ملتقى البرنامج السابع لأن العام زي السنه .. كل شي زي ماهو

السلام عليكم ورحمة الله وبركاته

احتاج مساعدة حرف وبنيه وبقية الاعضاء في الحصول على ايميل احد مستشاري الابتعاث او احد في الوزارة للرد على استفسار لدي وهو كالتالي ...

انا متخرج ماجستير ادارة اعمال عام من داخل المملكة من جامعة معتمدة وقدمت على برنامج الابتعاث للدكتوراه للمرحلة التاسعة في خانة التخصص السابق لم اجد
ادارة اعمال فقمت باختيار اخرى والتخصص المطلوب اخترت مالية بحسب امتداد التخصص ولكن رغبتي بالتسويق فهل استطيع اختيار تخصص تسويق مع العلم انه بحسب ورقه وزعها احد الزملاء تفيد
ان ادارة اعمال امتدادها مالية مع ان التسويق هو امتداد طبيعي لادارة الاعمال ولكن حسب هذه الورقه ان التسويق هو امتداد لتخصصات اخرى فقمت باتباع امتداد التخصص حتى يتم قبولي وبعدها اغير تسويق هل اجرائي صحيح ... وجزاكم الله خيرا

الله يعطيك العافيه استاذ حرف وماقصرت على التوضيح والشرح وجزاك الله الف خير

صباح الخير ارجووو الرد على استفساري ضروووري الله يجزاكم خير
سبق اني طرحت هالسؤال بس دحين عليه تعديل عشان كذا كتبته مرة ثانية

اولا ... انا درست سنة تحضيري في جامعة الملك عبدالعزيز بجدة من قبل سنة وسيبت الجامعة بدون مااسحب ملفي يعني اسمي موجود عندهم الان بس ختم الجامعه مو موجود على الشهادة لاني عدلت اسمي في الشهادة وجاتني بدون الختم
فهل ضرووري اروح اسوي سحب ملف ولا خلاص مو لازم لان ختم الجامعه مو موجود على الشهادة يعني ماراح يعرفون ان اسمي موجود في الجامعه اصلا صح ولا؟؟؟

ثانيا ... استمارة التسجيل الخاصة بالبكالوريوس مو راضية تنطبعلي في ورقة وحدة كل مااطبعها تجيني في ورقتين مع العلم اني جربت اللي قلتوه وحملت برنامج الفوكسيت ريدر بس برضه نفس المشكلة يعني ضروري في ورقة وحدة

وتشكرااات كثيراات والله يوفق الجميع
بانتظاركم

بالنسبة لمشكلة سحب الملف من الجامعة نسيت اقولكم انو جاني سؤال هل درست سنة تحضيرية وحطيت صح وكتبت انها كانت في جامعة الملك عبدالعزيز والمعدل فهل امسحها واطنش يعني كأني مادرست فيها لان الختم مو موجود ع الشهادة

طولت عليكم بس احاول اني اذكر كل التفاصيل عشان تفهمون الوضع مزبووط

انتي بكل الحالات اختنا لازم يكون معك اخلاء طرف عشان تكوني ضامنه نفسك .. بغض النظر عن الختم .. لأن اسمك عند الجامعة ..

سجلي انك درستي سنه تحضيرية .. لأنها تفيدك بقبول الطب .. ولكن يطلبون منك نسخه من السجل الاكاديمي يثبت انك درستي التحضيرية ..

بالتوفيق ..

عندي مشكله بس يارب يارب سهله
انا مخلصه ماستر تمام بس باقي لي المناقشه ، والمناقشه بتكون بشوال وان شالله اخذ وثيقتي بعدها مباشره باذن الله او على الاقل الافاده في أسوأ الأحوال
السؤال هو لخبيرين ال GPA انا معدلي حاليا 3.14 من 4 ولله الحمد وبدون المناقشه
هل بعد المناقشه عادة يرتفع المعدل او يبقى زي ماهو او هل ممكن تأثر نتيجة المناقشة سلبا على المعدل ؟
منجد بديت اوسوس ):