تجمع طلاب الدكتوراه - المرحلة التاسعة ( 9 )

\سؤال
هل لازم احدد الجامعة والتوصيات من الان
او بعد ما انهي كوس اللغة ؟

في أمريكا للدكتوراه فيه نوعين:
Personal statement
Statement of purpose
بعض الجامعات تطلب واحد .. بعض الجامعات تطلب الاثنين وبعض الجامعات تطلب نماذج من أبحاث سابقة أيضاً .. بخصوص انك تقدمين نفس ال essay ممكن لكن لازم تقرأين المتطلبات زين لأنه فيه جامعات تحدد النقاط المطلوب الحديث عنها في ال essay

هو يعتمد على طبيعة التخصص اللي بالجامعة
بعطيك مثال :
اذا كان تخصصي فيزياء وبدأت أبحث بالجامعات
رح الاقي بعض الجامعات عندهم تخصصات متشابهة مثل فيزياء الالكترونيات ، هدول كلهم تقدري ترسلي لهم مقترح بحثي واحد .
طيب فرضا لقيت جامعة ثانية برضو عجبتني لكن ماعندهم نفس التخصص السابق ولكن عندهم فيزياء النانو وعجبني مشروعهم وودي اقدم عندهم . رح اضطر اكتب مقترح بحثي جديد عن النانو لان ما ينفع ارسل لهم عن الالكترونيات وهم جالسين يشتغلوا نانو. على طول بيقولوا عني وحدة مضيعة ومو فاهمة اي حاجة في الفيزياء ..

عموما هو امر راجع لك
اذا قدرتي تلاقي اكتر من جامعة عندهم نفس التخصص فخير وبركة وحظك طيب ومنتي مضطرة تكتبي اكتر من مشروع بحثي ..

بالتوفيق يارب

مو شرط
تقدري ترجعي للدكاترة اللي درسوك بالبكالريوس كمان
حاولي توزعي التوصيات على الدكاترة ولا تركزي على واحد او اثنين خاصة اذا كنتي مقدمة على اكتر من جامعتين.
انا اعطيت توصيات الجامعات اللي مرة كنت ابغاها للدكاترة المهمين واللي درسوني بالماستر.
اما الجامعات الاخرى واللي قدمت عليها احتياط عشان اضمن اي قبول فسلمتها للدكاترة حقون البكالريوس

من الان افضل
لان الجامعة رح ترسل لك قبول مشروط ومن ضمن الشروط درجة الايلتس او التوفل
فانت بيصير قدامك هدف انك توصلي لدرجة معينة عشان تقدري تسجلي بالجامعة اللي تبغيها
اضافة الى ان التقديم ياخد وقت ومعظم الجامعات تبدء الدراسة بسبتمبر فالافضل تجهزي امورك من قبل عشان لا تنضغطي ولا سمح الله تضيع عليك السنة.

بالتوفيق يارب

كلامك100%
وبما ان الموضوع هذا خاص بمرحلة الدكتوراة فالغالبية العظمى من الجامعات تطلب الاثنين
خاصة بريطانيا كل الجامعات اللي مرت علي تطلب مقترح بحثي research proposal مع ملخص لبحث الماجستير.

بالنسبة Personal Statement و Academic Statement of Purpose حتكلم شويا بإيجاز إضافة لكلام الاخوان الي ماقصرو ..

كنصايح عامه حركز على حاجتين .. الاولى هي أهمية التواصل مع الجرادويت ادفايزر في الجامعات الي حاب تقدم عليها علشان لو أنو المتطلبات مش واضحة تطلب توضيحها وتتأكد من أنها حسب دايريكشنز الجامعة .. الثانية وهي مرتبطة بالاولى نوعاً ما وهي انو الجامعات تختلف في متطلباتها مابين الاثنين وبالتالي لازم ماتكون الستيتمنز حقتك جينريك ولازم تتأكد أنها حتكون فعالة مع كل لجان القبول لكل جامعة تقدم عليها.. نجي لتوضيح الفرق بينهم بشئ من العمومية علشان توضح عناصر كل وحده منهم وتكونو فكرة عامة

Academic Statement of Purpose تكون عادة عن الريسيرش باكجرواند إن كان عندك للماستر أو اي نشاط بحثي خارجي او ورقة عمل وغيروو .. برضك توضح فيها اهدافك العملية (الوظيفية) وبكل أهمية تبين لهم أنو كيف الجامعة الفلانيه الي مقدم عليها والبرنامج الي حتدخله تساعدك أنو توصل لأهدافك الاكاديمية والوظيفية ..


بينما الـ Personal Statement والي عادة ماتتجاوز ال700 كلمة او سوو حتشرح فيها عن الباكجراوند الشخصي بعناصره الثقافية والجغرافية (اقصد تأثرك بمحيطك) والتعليمي و أي فرصة ممكن تستعرض فيها التحديات الي واجهتكم او كانت دوافع لك أنك تنجز وتتقدم للدراسة في الجامعة المعينة الي حتقدم عليها ..

السلام عليكم

ماهو المقصود بمقترح البحث تقصدون مقترح بحث لبرنامج الدكتوراه ؟؟ اقدمه عند التقديم بااحضار قبول الدكتوراه
المفروض بعد دراسة سمسترين بالقليل اقدم مقترح البحث
لبحث الدكتوراه أكون استوعبت فكرة البحث بعد دراسة
بعض المواد ! ممكن اقدم ملخص لرسالة الماجستير لكن مقترح بحث لازم احتاج دراسة بعض مواد الدكتوراه ثم اتخاذ القرار!
او تقصدون مقترح البحث الذي قدمته في رسالة الماجستير ؟

ممكن توضيح ؟


( تمت المشاركة باستخدام تطبيق مبتعث )

مقترح البحث او ال research proposal اللي اتكلمت عنه هذا تطلبه بعض الجامعات عند التقديم على مرحلة الدكتوراة
وهذا تختاري فكرة جديدة او مشكلة معينة تبغي تحليها في مجال تخصصك
وبكل جامعة بتلاقيهم كاتبين لك الطريقة وعدد الكلمات المطلوبة.
طبعا لازم تقدمي مقترح بحثي مناسب للقسم اللي بتقدمي عليه كما أسلفت. .

إذا رحت لقسم (الجامعات الموصى بها) أدور غي الجامعات والتخصصات ثم بعد ذلك أذهب إلى مواقع هذه الجامعات دائما أجد إختلاف في أغلب الحالات. هل هناك طريقة أخرى؟

مثلا لمرحلة الدكتوراة في جامعة ستانفورد في كلية إدارة الأعمال:

موقع الوزارة يوصي بتخصص PhD Business Administration, Economics
موقع الجامعة ما عندهم إلا تخصص PhD Economic Analysis and Policy في كلية إدارة الأعمال

هل هذا مثل هذا؟ أو لازم تتشابه التخصصات حرفيا؟ أو أنا ممكن أقوم شخصيا بسرد تضارب تخصصات الدكتوراه في موقع الوزارة مع مواقع الجامعات وأرسلها لأحد هناك يعالجون هالموضوع!