تجمع طلاب الدكتوراه - المرحلة التاسعة ( 9 )

صباح الخير ,,

ماوصلني الضمان المالي الوضع طبيعي والا ابدا اقلق ؟؟

ارسلو لي الضمان المالي اليوم وفي خطآء اسببيلينق باسم العايله !! اكيد ماينفع شسوي من اكلم الحين 😔


( تمت المشاركة باستخدام تطبيق مبتعث )

غيرك كان اشطر عزيزتي
زيه زي ضمانات العام الماضي.. لاتعتبري فيها وانا اخوك هذا فقط ضمان مالي للقبولات والزبده كلها وقت توصلي هناك.. جي ار اي او اي اختبار ثاني لتخصصك لمده اقصاها 6 اشهر


يعطيكم العافية .. الموضوع خاص بطلاب الماستر والدكتوراة خريجي الدول الناطقة بالانجلش سواء كانو مبتعين سابقين ضمن برنامج الملك عبدالله او اي برنامج ثاني

المعروف أن لطلاب البرنامج استحقاق سنة الى سنة ونص لدراسة اللغة , ولكن الوضع حيكون مختلف للطلاب الي اوردي اللغة الانجليزية عندهم ومايحتاجوا لإثبات اجتياز شرط اللغة شي لأنو اغلب ان لم يكن جميع الجامعات تلغي عليكم شرط اللغة كون الدجري السابق كان في برنامج اكاديمي يدرس باللغة الانجليزية.. السيناريو الوحيد المسموح فيه هو انكم تطلعو بقبول نهائي للماستر او الدكتوراة وهذا كان متبع خلال السنوات الماضية من عمر البرنامج ولكن التغيير الي حصل في اخر مرحلتين تقريباً كان السماح لنا بالسفر بقرار ابتعاث يكون ( تحضير+دكتوراه) (تحضير+ماجستير). هذا تماماً ماحصل لطلاب المرحلة الثامنة وانا كنت واحد منهم ومتابع اخبار الزملاء الي طلعوا لأمريكا بالتحديد.. حتى مع ان الضمان المالي الي حيتصدر لكم (لو كان زي العام الماضي) حيكون مكتوب فيه ESL ودكتوراه او ماستر ولكن هذا مايغني ولايسمن لأنو العبرة بقرار الابتعاث.

الامر المهم في الموضوع كلو أنو لكم فقط ست اشهر للتحضير وبعدها الملحقية حتوقف الصرف وتطلب منكم تأجيل البعثة كحد ادنى 4 اشهر وحد اقصى سنة.. مع ان الدكتور ماجد الحربي وشخصياً أخذت منو كلام انو لنا سنة دراسية كاملة ممكن نعمل فيها الي نبغى في امور تساعدنا في قبول الدكتوراه ولكن للاسف الواقع مختلف لأنو راس مالنا ست اشهر غير قابلة للتمديد (الالالالالالالالالالالالالالا بحظ وواسطة) لأنو بلغت بوجود طلاب بنفس وضعنا كانو خريجي دول انجلش ولكن اخذو اكثر من ستة اشهر..

سبق وفي مشاركات في مواضيع ثانية ذكرت ان النتيجة الي توصلنا لها طلاب مرحلة ثامنة كانت : ان معاهد كابلن وبحكم أنها تعطيك اي توني (الكلام عن امريكا) لمدة ستة اشهر لو سجلت بكورسات تحضير الجي ار اي او الجيمات ولأنها الوحيدة (حسب نتائج بحثنا) الي تسمح لك بإعادة الكورس الي هو اساساً 3 اشهر .. وبالتالي 3 اشهر كورس مدفوع + كورس تعيدة بضمان كابلن للرضا = 6 اشهر.. احد الاخوان ذكر أن فيه معاهد ثانية تابعة لجامعات تعطيك اي توني ولكن مااعرف عن موضوع ضمان اعادة الكورس موجود عندهم او لا .. بالمناسبة كابلن لما يضمن لك أنو تقدر تعيد الكورس بدون ماتدفع التكاليف فهذا حيكون تحت شروط من اهمها المواظبة في حضور الكلاسات وعمل الاساينمنت الاونلاين وغيرها ( راجعو مواقع كابلن).. وعلى اي حال من الاحوال الملحقية حتستمر بالصرف عليك طوال الست اشهر ولـــــــــــــــــــــــــــكن مع ارسال تقرير شهري يصدر من كابلن موجه لهم وبغير هذا التقرير حيوقفو الصرف.

ميزة كابلن برضك هي مواقع المعهد في مدن امريكية كثيرة موزعة في الاغلب مابين الشرق والغرب الامريكي وهذا يعطيك خيارات اكثر لما تحدد المدن ..بقي التذكير أنو مش كل كابلن عندو برامج تحضير الاختبارات سوو حيكون لازم منك لما تبحث تدخل وتشوف البرامج وماتكتفي بتحديد المدينة .. طبعاُ مواعيد بداية كورس الجي ار اي حتكون محددة 3 مرات في السنة (فبراير - ماي - اكتوبر) وشهور مختلفة للجيمات وبالتالي اعملو حسابكم من هالناحية

طبعاً كل الكلام الي قلناه عن وضع الطلاب خريجي الدول الناطقة بالانجلش حيكون خاص بالمتقدم والمبتعث الاساس, ولكن لو كان هذا الشخص (خريج جامعات الانجلش) حيطلع كمرافق او مرافقة يحتاج يتأكد لو يسمح له بدراسة اللغة او اي شي ثاني بصفته مرافق .. هذا السيناريو ماشفتو سابقاُ بس حبيت اشير له

بالتوفيق للجميع


المصدر: http://www.mbt3th.us/vb/forum172/thr...#ixzz2kvRKlqAy
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook

يعطيك العافيه اخوي عبدالرؤف....حقيقتا رد كامل من الى
جزاك الله خير!

هل حاملى شهادة من بريطانيا راح يحصلو على لغة؟
الملتقلى قالو لا
لكن الضمان المالى الى جانى مكتوب دكتوراة و ELS
هل راح اخذ لغة ام دى كتابة موجودة فى كل الضمنات؟.