ديوانية المرحلة التاسعه ( 9 )

كيفكم طيبووون.....
امس دخلت على ذا الموضوع وجاتني نكسه ..
بس قمت صليت وتعوذت من ابليس ..
وقلت يارب ياحبيبي طلبتك انك توفقني انا واخواتي واخواني المبتعثين يارب القبول النهائي ولا ضيعلنا تعب
وجعل الامر لنا خير وان كان فيه شر انتزعه منه لاننا يارب نفسنا نبتعث اجبر كسرنا ياجبار الخواطر وجعلنا من المقبولين في الدنيا والاخره .. امين
المهم بعد ما صليت ارتحت نفسيا ..
الموضوع اذا كان فيه ضيقه لا تشكيه لعبد هو بنفسه ماعنده علم
وشكي موضوعك لله هو الي امره بين الكاف والنون
يالله اسألك ابتسامه تشق وجيهكم ^____________________^

اقولكم هرجه للتغيير الجو ^_^
لمن رحت ادقق جلست انتظر وكانت جالسه جنبي وحده من الامهات ... تقولي وش تخصصك قلتلها خدمه اجتماعيه قالت ما شاء الله وجلست تدعيلي ^^
وتقولي وش اخرك طيب قلتلها انا من مكه وضيعنا الفندق قالت انا كمان من مكه
قلتلها بنتك وش تخصصها قالت احياء ونبغاها تبتعث امريكا .. والله امريكا شي شي ..
شافتني عبست ؟ قالت وش فيها امريكا حلا حلا .. وانا كاتمه ما ابغى اقولها انطباعي يعني بخليه لنفسي ليش اجبلها اكتئاب ههه
صراحه انا اخاف من امريكا مع اني متابعه ممتازه للمصارعه wwe متعصبه وعيدكم مبارك هههه
فقالت ليش انتي وش اخترتي قلتلها كوريا .. قالت ايييييييش ليش يابنتي وش يوديك هناك
قلتلها يا خاله والله يمدحونها .. قالت والله انا امدحلك امريكا .. انا هنا ضحكت قلتلها والله ياخاله انا امدحلك كوريا ..
جات الي جنبها برضو ام وحده من المبتعثات .. قالت كوريا مافيها حلى قمت ادافع قلت ياخاله الله يسعدك هذي الدوله الي بسافر وادرس فيها ادعولي
ويحاولو يقنعوني بأمريكا .. واختي جنبي تساعدهم مع انها تحب كوريا مدري فجئه كلهم ضدي ..ههههههه
دخلنا في الحماس والنقاش الين اسمع الموظفه تقول وينها صاحبه الرقم (موفاكرته) لمن قمت قالت يابنتي وينك من اول انادي ...!!
طالعت في الامهات وقلتلهم الله يسامحكم وسوستوني وضيعتو رقمي .. جلسو يضحكو وقالو روحي يابنتي الله يوفقك
مقبولين كلكم بإذن الله
انا حسيت انه يوم جميل من قبل حتى لا اطلع من مكه
كل شي ميسر وحلو
سبحان الله هذا التيسير من وين جاي ..؟ الا من ملك الملوك
تأملو فحالكم شوي وقولو الحمدلله على كل حال وتوكلو على الله ^^

يارب ياكريم مدري شنو موضوعكم اخواتي بس اسال الله لكم القبول في المكان الطيب
شكرا الاخ حرف ع الرد
بس نطمن زمان مادخلت وانشغلت بالعمل قلت يمكن في شئ جديد مانعرفه
الله يسهل اموركم

حبيبي يا ابو طالب .. الله يديم خيرك .. ويبارك بعمرك ..

موجودين ان شاء الله .. وما نقدر نستغنى عن هذه العائلة الرائعة بوجودك و بقية الأخوان ..

دمت بخير ..

اخت حرووف اقنعني كلامك جداً .. دام هذا ديدنهم التضارب بالتصريحات من زمان اذن مانشره عليهم ،
انا وضعي مثل المثال اللي ذكرتيه ، انا متفائلة وبإذن الله نحصل خير ، شكراً حبيبتي ..

السلام عليكم
أحبتي
موعدي في التقدقيق هو يوم الأحد القادم الموافق: 11/16 وهذا اليوم إجازة وفق الأمر المالكي ، فهل سوف يتم تأجيل الموعد أم أن موعد ا لتقدقيق باقي على ما هو عليه

نفس موعدي لكن انا 4 ونص ما ادري نحضر ولا لا؟؟؟ اتوقع والله اعلم ماراح يغيرون شي او ممكن يكون في موقع الوزارة الخبر لو كان في تاجيل!!

مع انو بالاساس كل الدوائر الحكومية تقفل .. بس اذا م عرفتن خبر اكيدد روحوا احتياط ...

شكرا لك اخي على اهتمامك وشي جدا جدا جميل منك انك تبث روح الامل فينا ...اشكرك لاهتمامك وان شاء الله نبشرك كلنا بالقبول النهائي...

الف مبرررررروك بنات طلعت النتيجه في الموقع (تم التدقيق)


الف مبروك القبول كلوووووووش

Sent from my C6602 using مبتعث mobile app