ديوانية المرحلة التاسعه ( 9 )

يمكن ألتبس على محفوظ الأمر
وهو كان يقصد الادبي طلاب مرحلة الثانوي
على العموم هيه كم من يوم وتظهر النتائج وإن شاء الله خير
وثقوا بالله وأعلموا أن الله مايختار للعبد إلا كل مافيه خير وصلاح


( تمت المشاركة باستخدام تطبيق مبتعث )

احس النفس طابت من هالبعثة ..
يا ليت الدكتور مراحل يعقب على تصريحات المتناقضة للزهراني ..


الله يكون بالعون ..

كنت مقرر اروح للوزارة اسأل عن الموعد لان ما عاد فيني حيل اصبر ..
لكن دام أخوي الطامح قال هالأسبوع ننتضر ونشوف ...
بالتوفيق للجميع ...

بجد الحمد لله على كل حال

بجد قرفت من الانتظار

Sent from my GT-I9300 using مبتعث mobile app

انا ماكنت ابغى اكتب حتى يصدر الترشيح لكن عندي شيء ابغى اقوله .
ياجماعة الخير والله ما يصر الى قاعد تسوونه ، خافوا الله في انفسكم ، ولنفسك عليك حق مره معنويات مرتفعه ومره توتر وقلق .
بالله تتوقعون الى حد الآن ليه ما رفضكم النظام ، ليه ما رفضكم زي الموضفين ؟؟؟ وخصوصاً أن الترشيح راح يصدر خلال اليومين هذي ، بالعادة في المراحل السابقة الرفض للي غير منطبقه عليه الشروط قبل الترشيح .
وتتوقعون ليه ما صرحوا اعلامياً بالرفض ؟؟؟
وتتوقعون ليه مستدعينكم للتدقيق ، وتكمل النواقص ومدري ايش ؟؟؟
وتتوقعون ليه تحت التدقيق >> تم التدقيق >> قيد المراجعه ؟؟؟
يعني الآن ماهم عارفين العدد ويقدرون بضغطت زر يستبعدون الي ما يبغوهم زي ما صار مع الموضفين خلال دقايق ؟؟؟
يا جماعه اصحوا وبلاش التدقيق هذا الزايد والقلق الي ماله مبرر .
انا اتكلم لأن عارف انا مقبولين من مصادر رفيعه وموثوقه واكبر من محفوظ الزهراني ، صح في البدايه كان فيه رأي حول امتداد التخصص ، بس الآن خلاص كل شيء انتهى وما راح يستبعدوا احد منطبق عليه (شرط المعدل - العمر - سنة التخرج - موضف ) وهم قد تم استبعادهم من اول وسيتم قبول اعتراض الموضف الذي قدم استقالته .
وعندنا دائماً المسؤلين اذا بيعطونك شيء لازم يذلونك شوي وهذا الي قاعد يسويه محفوظ الزهراني ؟؟؟
راح تشوفوا كلامي نهاية الاسبوع ( ترى ما اتكلم من عبث ، اتكلم وعارف ايش قاعد اقول )
وربي يوفقكم في بعثتكم ان شاء الله .
ولنا عوده بعد الترشيح أن شاء الله .

عود نفسك على الصبر
والطفاقه حقت السعوديين اتركها
انا زرت اوروبا واسيا والحين بامريكا
الاجانب عكسنا تماما
رايقين وهادئيين
وعندهم طولة بال عجيبه
ف عود نفسك على هالنظام
علشان لاتقع في مشاكل يادكتور

كيف يمنعو تخصصات الأدبي والتسويق والإعلام مدرجه في الأقسام كلام مو منطقي يارب توفقنا اتوقع محد راح ينسئ اخر ايام ذي الحجه طول حياته انا بروح امريكا بس مدري وين لسا كل ماابغئ اشوف معهد يطلع كلام يخوفني اخاف اتحمس وانكشم في بلاد العجائب ان شالله الفرج بكره ❤


( تمت المشاركة باستخدام تطبيق مبتعث )

صراحه خوفكم غير مبرر له
الاخ مراحل بشرنا وبارك لنا بالقبول وكلامه ثقه ما عمره قال كلام وطلع خطأ
وبعدين شخص وصل الاخ علي عسيري للوزير ما يقدر يجيب لنا خبر القبول
يا ناس شغلو مخكم شوووووي

لا حول ولا قوة الا بالله
بس عندي تعليق واحد ...


عن عبد الله بن عباس رضي الله عنهما قال : كنت خلف النبي صلى الله عليه وسلم فقال لي : يا غلام إني أعلمك كلمات : احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك ، رفعت الأقلام وجفت الصحف .

تمعنوا هالكلمات بهدوء و اذكروا الله

معقوله لحد الان ماجاتكم رسائل اللإستبعاد ؟
هذا الاسبوع سوف يتم الإستبعاد
الإستبعاد مو 100%
القرار بيد الوزير
ننتظر إمضاء الوزير ؟
الامل بالله وكل شي جائز

^

للأسف هولاء هم المسؤوليين عندنا ، تخبط وتناقض وعدم إحترام المنصب وعدم إحترام مشاعر الآخرين
مدري هم ماعندهم إحساس انهم بكلامهم وهم مو متأكدين وتخبطهم يدمرون نفسيات ومشآعر الآخرين ؟
آستغفر الله بس ،
* هل معقول أن رئيس البرنامج مايدري هل وصلت رسائل او لا ؟
* هل معقول أن القبول ف غضون الثلاث أيام الجايه والوزاره إلى الان ماقررت ومدير البرنامج مايعرف وش المصير ؟

^

من الكلام السآبق واضح ان القبول النهائي بيطلع ومستوفيين الشروط الثلاثه بينقبلون والكمبيوتر الي بيقوم بالفرز والمدعو د.محفوظ ماراح يدري اصلاً إذا وصلتهم الرسائل او لا ،
عاد لازم احد يسأله ف الملتقيات د.محفوظ وش وضع إمتداد التخصص ، : ) ؟ ماتدرون يمكن يقولون لكم اذا سافرتوا الملحقية بتشييك عليكم والتخصصات الادبيه ييرجعونهم : -) !

موفقين حبايبي ،