تجمع طلاب وَ طالبات الزماله الطبيه ..المرحله التاسعه ( 9 )

السلام عليكم جميعا

راح الكثير و بقى القليل ،،، ان شاء الله كلنا من المقبولييين و المترشحييين

الاخت Ghadeer
بالنسبة لمعهد كابلان ما يعطون قبول الا بالضمان المالي .. انا راسلتهم و قالوا لي انتظر لحد ما يكون معي و عقب اراسلهم
اول ما تستلمين الضمان على طول راسليهم
ربنا يوفقك يااااارب


الاخ muscian_11
ياريت تخبرنا عن تفاصيل الزمالة في المانيا ؟
التخصصات ؟ طريقة جلب القبول ؟ الامتحانات حقهم ؟ و نظام الزمالة هناك ؟
الله يوفقك في طريقك و ييسر لك

الاخت فطيم ناصرية
الصراحة انا مثلك تايهة في هذي النقطة ,, يا ليت اللي عنده خبرة من المراحل السابقة او المرحلة التاسعة يخبرنا
اللي اعرفه ان عشان تطلعي زمالة امريكا تحتاجي تجيبي قبول من معهد كابلان اللي هو المعهد التحضيري الطبي ، السؤال هنا شلون بالنسبة حق اللغة ؟؟
هل احتاج اجيب قبول من معهد لغة قبول ثاني .؟؟؟؟ يعني شلون وضعنا مع سنة اللغة
طيب لو صار ان جبت قبولين معهد لغة و كابلان.. لما اوصل هناك شلون بكون الوضع ؟؟؟ اداوم في مكانين ؟؟ معهد لغة و معهد كابلان ؟؟؟

الاخ ALAQEELI
ما قصرت و جاوبت على السؤال .. بس انا ما فهمت
الله لا يهينك تشرح الموضوع بالتفصييل

الله يوفقنا و اياكم يااااارب

الحين راح اشرح لك الوزارة عشان تبتعثك لمرحلة الزمالة لازم قبولك عن طريق معهد كابلان يعني تراسل كابلان وتقول لهم انا ابغى ادرس سنة لغة عندكم مع التحضير لاختبار USMLE للطب البشري او NBDE Part 1and 2 لطب الاسنان حتى لو معهد كابلان متكدس بطلاب سعوديين طبعا فيه ولايات محدده ممكن تراسل فيها الوزارة او الملحقيه وتسألهم ايش الولايات المحدده ممكن تراسل الدكتوره سمر السقاف وهيا راح تعلمك بالولايات . وممكن تراسل هذا الايميل ترسلهم الضمان المالي وتحدد الولاية
mohe.admissions@kaplan.com
الشي الثاني لما تطلع الفيزا وتصدر قرار الابتعاث وتسافر ع امريكا بحفظ الله هناك اذا م حبيت تستمر في اللغة في معهد كابلان يحق لك تغير المعهد مره واحده وتعلم الملحقيه بذلك بس بشرط يكون في نفس الولايه عشان تقدر تحضر كابلان للتحضير الطبي ومعهد اللغه يكون قريب عشان م تتعب في المشاوير ان شاءلله يكون وضح لك.


( تمت المشاركة باستخدام تطبيق مبتعث )

اخوي يعني ما اقدر اسجل لكورس اللغة بمعهد ثاني غير كابلان ؟
لانه للاسف كابلان مزدحم

ايوه ما تقدر تسجل في معهد غير كابلان. لكن اذا وصلت امريكا تقدر تغير معهد غير كابلان بس في نفس الولاية.


( تمت المشاركة باستخدام تطبيق مبتعث )

الف مبروووووك للجميع اعتقد بان كل من قدم على الزمالة انقبل

وانا واحد منهم. 😊


( تمت المشاركة باستخدام تطبيق مبتعث )

الله يبارك فيك انا كمان تم ترشيحي الحمدلله

بس باقيلنا الملتقيات


( تمت المشاركة باستخدام تطبيق مبتعث )

بـ حكم قبولي للزماله في المانيا ..

اولا : اللي وفر لي القبول شخص موجود في المانيا .. و يأخذ ع القبول 1500 يورو .. تقريبا 7500 ريال سعودي ..
ثانيا : نظام الزمالة هناك تقريبا نفس السعوديه .. بزيادة سنه واحده .. غير سنة اللغه .. يعني مثلا العيون 5 سنوات + سنة اللغه = ست سنوات .. في السعوديه العيون = 4 سنوات
ثالثا : في السعودية المسؤول عنك هيئة التخصصات .. في ألمانيا البروفيسو نفسه
رابعا : نظام الاختبارات .. سابقا كان ما فيه اي اختبار في المانيا الا اخر سنه .. تحصل على البورد الالماني ..
الان الاختبار ما زال موجود ايظا .. و لكن استحدث اختبار جديد لمزاولة المهنة ( غير موجود سابقا ) .. طبعا هالاختبار طبق في معظم الولايات ما عدا ثلاثه .. مثل الباقاريا و هايدلبرغ .. الخ
الاختبار يعتمد على كل ولايه .. في ولايات تعطيك مهله سنتين حتى تختبر هالاختبار .. و في ولايات تعطيك سنه و نص .. سنه .. ست شهور على حسب الولايه ..
طبعا خلال فترة السنتين .. او السنه .. تكون تشتغل في التخصص اللي انت جاي عشانه ..

الاختبار هذا تحاول الملحقيه الثقافيه انها تلغيه عن الاطباء السعوديين .. خصوصا ان الاماراتيين استثنوا من هذا الاختبار ..
طبعا الاختبار صعب او لا .. ما ندري .. تعتمد ع الشخص .. و تسبب قلق نوعا ما .. عموما في المانيا .. القوانين تتغير بين فترة و اخرى .. نتمنى يلغونه حقيقة ..
أيظا الملحقيه تتكفل بدفع التكاليف حقت تجهيزك لهالاختبار ..

خامسا : كانت ألمانيا منية السعوديين للتخصصات النادرة .. مثلا جراحة التجميل . الجلدية .. العيون ..
الآن أصبح الامر اكثر صعوبة من ذي قبل ..
أثنين من الزلاء قدموا على مستشفيين مختلفين لـ تخصص الجلدية .. طلبوا منهم يرسلون اوراقهم من جديد عام 2016 .. !!
بـ حجة أن الاماكن ممتلئة حاليا لديهم ..

القبول أول كانت توفره الملحقية و ما زالت أيظا .. و لكن قد يأخذ الموضوع اكثر من 6 شهور .. هذا إن لم يأتي من الاساس ..
طبعا التخصصات النادرة .. تعتذر الملحقيه بشكل محترم عن عدم إمكانية السعي فيه .. قد تحاول لك .. و لكن لن تتمسك بموضوعك حتى تنهيه ..

ختاما : أريد أن أراكم جميعا معي في ألمانيا , أعلم انه ليس بامكانكم مسايرة رغبتي , و لكن محبة أخ أجبرته أخوٌته على دعوتكم للانضمام معه في ألمانيا ..
وداعا , و القلوب على اتصال أينما كنتم , إن كنتم مشغولين في همـوم معاهد كابلان . أو اصابكم الاختبار الكندي بالتوتر ..
تذكروا بأن صديقا لكم في ألمانيا .. من هنـاك .. يدعوا لكم الله في كل وقت .,,

جزاك الله خير و بالتوفيق في ألمانيا

Sent from my GT-N7100 using مبتعث mobile app

ما قصرت اخوي على الشرح اتمنى لك التوفيق. حبيت اسالك اذا عندك معلومات عن القبول في تخصصات طب الاسنان او الشخص الي وفر لك القبول عنده معلومات ياليت لو تساهم في هذا الشي وتوصل لنا معلومات واذا فيه إمكانية أتواصل مع الشخص الي وفر القبول. وفي الأخير اتمنى لك التوفيق في حياتك العلمية والعملية. دمت بوافر الاحترام.


( تمت المشاركة باستخدام تطبيق مبتعث )

السلام عليكم ورحمة الله وبركاته
ومبروووك الترشيح علينا جميعا،،
بالنسبة للزماله في أمريكا تقدم على كابلان لتحضير ال USMLE فقط ومايحتاج قبول لغه لأنهم يرسلون لك i20
ويوجد قسم خاص للسعوديين على موقع كابلان http://www.kaptest.com/KSA/how-to-apply.html