تجمع مبتعثي أمريكا - المرحلة التاسعة ( 9 )

اتعاونوا عليا اتعاونوا...انا عارف موضوع الشهادة...لكن قريت هنا امس واول امس كاتبين الوزارة ترسل...يعني حكاية ضمان الوزارة للمرافق كلام واجتهادات اعضاء....طيب شكرن ياعم حروف


( W.alharbi's iphone )

لآ جــآوبتني وش تقصد هنـــآ ..؟!
أجآوبكـ أنــآ ..

الله يبيض وجهك
وجزاك الله خير

 المشاركة الأصلية كتبت بواسطة حروف .. متناثره ..

عـــدة أسئلـــة .. أجيبي عنهآ بينكـ وبين أمــركـ ..!

هــل تعلمــــي آلغيب ..؟!
هــل تعلمي كـــم شخص دمعت عينآهـ عندمــآ تـــم رفضـــه ..؟!
كم من شخـــص يتمنى لو أن هنآكـ نظآم " آلتنآزل عن آلبعثة " ليأخـــذ مكآنكـ ..؟!
هــل جلوسكـ بين أهلكـ سوف يحقق لكـ آلنجـــآح ..؟!
مآ آلفـــرق بيـــن شخص حآولـ ,, وتوكل على آلله ,, وبين آخـــر لم يٌحآول خشية " آلعيب, آلعآر" من شــرف آلمحآولة ..؟!
هــل مستقبلكـ مضمون بجلوســـكـ بين أركآن منزلــــكم ..؟!
هــل اهلكـ هــم آلوحيدون آلــذين سعوآ مع إبنتهم منذ رمضآن آلفآئـــت للإبتعآث ..؟!
جــزآء هذآ آلتعب ,, هل يكون بآلإعتــذآر بعدم آلذهآب خوفآ من " آلفـــشل " .. أم هــو إسعآدهم بتحقيق مآيرغبون ..؟!

إذآ ذهبـــتي بنفس هذآ آلتفكيـــر وآلخوف من آلفــشل ..
ســـوف ترجعي بـ " خٌفــــي حنين " .. وترددي مقولة " مآ أشبــــة آليـــوم بآلبآرحـة " ..
فقط قليلآ من آلتفآئـــــل ..

انا اذكر زمان اول مره سجلت فيها بالبعثه في عام 2005 ..
كانوا يعطونا أرقام .. واللي يترشح يروح ويأكد على المعلومات ..
ويقدر اي واحد ياخذ مثلا رقمك ويغير البيانات ..
والسالفه كلها ارقام بالبدايه وكانت محدوده الارقام ولاكانوا حتى يدققون بالشهاده .. يعني عندهم بس الاهم انك مخلص ثانويه وناجح باي نسبه ..

المهم في الموضوع ان انا كان معي رقم وقتها .. وكنت انتظر ترشيحهم لي .. وحتى الترشيح ماكان مثل الطريقه الحاليه انهم يحطون الترشيح مره وحده لا !
ممكن انا ومجموعه نترشح .. والباقين يترشحون بعد فتره .. وعلى هالحال ..

اللي حصل اني قعدت تقريبا ست شهور او اكثر انتظر الوزاره تقبل فيني وكل يوم والثاني اشيك على موقعهم ..
فجا يوم وكنت قاعد مع احد الشباب في هذاك الوقت .. اسولف انا وياه وكان هو خاطره بالابتعاث لكن ماحصلت له فرصه بالارقام !
وانا مثل ماتقول "غاسل يدي منها" .. فقلت له انت تبي رقم ؟ قال ايه والله خاطري ابتعث .. فأعطيته رقمي وقلت انا ماضمن لك لكن لو رشحوك فالله يوفقك !
وعلمته ان الرقم معي من شهور وكذا .. اخذ الرقم وراح استبدل بياناته مباشره .. اخذ اسبوعين من بعد هالكلام .. وجاني اتصال منه يبشرني انه تم ترشيحه والوزاره اعتمدت اوراقه وكل شي !
وباركت له وقلت له وشلون وكيف .. قال يامحمد والله انها توفيق من رب العالمين ثم من دعوات الوالده !
واتضح لي ان امه كانت تدعيله اساسا من قبل لايتخرج من الثانوي لانه كان يبي يدرس في امريكا !

فشوف كيف الله ساق له البعثه من دعاء امه ! ومن هذاك اليوم صرت اهتم ودائما اقول لوالدتي تدعيلي قبل اي شي اسويه ! .. حتى قبل ادخل الاختبار ادق عليها اقولها عندي اختبار ادعيلي ! ..
والحمدلله .. الامور تتيسر بفضل من رب العالمين ثم بدعاء والدتي الله يحفظها ويخليها لنا يارب العالمين ..

هذي السالفه تذكرتها يوم تقول ( كم من شخـــص يتمنى لو أن هنآكـ نظآم " آلتنآزل عن آلبعثة " ليأخـــذ مكآنكـ ..؟! ) ...

وفعلاً حالياً .. الاوضاع جداً صعبه في البعثه .. لان في كل مرحله ألاحظ أن الامور تتعقد أكثر وأكثر ..
ومن جاته البعثه .. نصيحة أخويه لايفرط فيها .. هي فرصه لاتعوض ..
فالبعثه باب رزق فتحه الله عليك .. إن أقفلته .. لن يفتح من جديد إلا بأمره سبحانه ! ..

معليش بشطح شوي
فيه كم نقطة ما فهمتها بالتسجيل للمعهد
Step 5: What is your current mailing address? (If you need your I-20 mailed outside of the US, please put that mailing address here. Your I-20 will be sent by DHL, so this must be a physical address, not a PO Box.) *
Step 9: What major that you would like to have on your I-20?
Step 13: Please enter the name on the bank statement and/or the organization that is providing the sponsorship/scholarship letter. *

step 5: عنوانك بالسعودية اللي تبغى القبول يوصل لك
step 9 : الغرض الرئيسي : طالب لغة
Step 13 : المتكفل بدراستك وتكتب Ministry of Higher Education -KSA
موفق اخوي

9: اش التخصص اللي تبي عليه الاي توني


( W.alharbi's iphone )

شككككككرآآآ

الله يجزاك خير ..

 المشاركة الأصلية كتبت بواسطة طموحي طب ~

معليش بشطح شوي
فيه كم نقطة ما فهمتها بالتسجيل للمعهد
Step 5: What is your current mailing address? (If you need your I-20 mailed outside of the US, please put that mailing address here. Your I-20 will be sent by DHL, so this must be a physical address, not a PO Box.) *
Step 9: What major that you would like to have on your I-20?
Step 13: Please enter the name on the bank statement and/or the organization that is providing the sponsorship/scholarship letter. *

Step 5: ماهو عنوان بريدك الحالي ؟ (إذا كنت تريد إرسال الـ I-20 خارج الولايات المتحدة , فضلاً ضع عنوان بريدك هنا . الـ I-20 الخاص بك سيتم إرساله عبر DHL , لذلك لابد أن يكون العنوان الفعلي , وليس صندوق بريد) ..
( تحط لهم الدولة / المدينه / المنطقه / الحي ..والرمز البريدي) .. لانهم راح يرسلونه وراح تستقبله على اقرب فرع DHL عندك في منطقتك الحاليه .. ) ..

Step 9: ماهو التخصص الذي تريده على الـ I-20 الخاص بك ؟
(تكتب إسم التخصص اللي تبيه )

Step 13: فضلاً أدخل الإسم الموجود على كشف الحساب البنكي , أو المنظمة التي ستتكفل بمصاريفك :
(إذا كنت مسجل عندهم بالضمان المالي الخاص فيك .. إكتب اسمك .. واذا كنت على البعثه اكتب / Saudi Arabian Cultural Mission - SACM ) ..

مـــن جــدكـ إنت آلحيــــن تشــرح ردكـ ..!!
أنآ مآفهمت الأولـ تبيني أفهــــم آلثآني ..!!

عمومآ آلقصـــد من آلجوآل .. إنكـ سويت إقتبـــآس لردكـ آلســآبق ..
وأنآ كنت مجآوب عليه قبل تكتب شــي ..
وقلت لكـ أدخـــل من آللآب توب أفـــضل ,, لأن أغلب أللي يدخلون من جوآلآتهــم مآتفتح معهم آلصفحآت وآلروآبـــط ..
وهذآ كــآن آلقصد ..
حتى الأخت عنفوآن قآلت لكـ ترى ردينآ عليكـ ,, بـــس وش دخل آلضمآن آلمآلي لو دخلت من آللآب تــوب !! وآلله مآدري عنكـ ..

لــو تبيني ألـــوم ردي ,, أولـ شي ألومكـ بعدين نفكــر نلوم ردي أو لآ !!
آلمهم مآعلينآ من هآلســوآلف .. شفت آلجــوآب ولآ مآشفتــــه ..؟!