كيف أبحث عن التخصص , الجامعه وَ المعهد ؟!

السلام عليكم

اخواني ممكن المسساعدة في المعاهد

ليس لدي اي خلفية حاولت اطبق الخطوات خطوة بخطوة ما نجحت معي

كيف اجيب قبول من معهد من امريكا ؟

ذهبت الي مكتب طلبني مبلغ عالي اقول له معي ضمان مالي يقول اتركه منه ونحن راح نعطي ضمان مالي رسوم الدراسه 17 الف و القبول 1200

ويقول معهد اكاديمي او حكومي ماعرفت وش اقول .


احد عنده معلومات اكتفى منها واعتمد علي حالي واسجل بدون مكاتب ؟؟

لازم قبول معهد على الاقل ... علشان تصدر الفيزا ..

وبعدين ..ىمن قال ان اسمائكم تروح للقنصلية الأمريكية ؟

يعني تتوقع أن السعوديه بتقول للقنصل " هذي اسماء الطلبه المرشحين ... ولا عليكم امر خلصوا فيزهم ؟ " .... والقنصل بيقول " ابشر طال عمرك على خشمي ! " .؟

يعني تتوقع ان المسائل كلها في يد القنصل الامريكي ؟

للمعلومية في نظام الفيزا الامريكية .. الفيزا لا تصدر للطالب الا بعد موافقة "الهوم لاند سيكورتي " عليها !
يعني ياخذون بياناتك .. يرسلونها للهوم لاند سيكوريتي في واشنطن .. والهوم لاند سيكيورتي مايقصر يسوي تشييك كامل على كل شخص .. (الهوم لاند سيكيورتي .. هم تقريباً نفس الجوازات بالسعودية ..) ..
اذا الشخص ماعليه مشاكل في امريكا .. اعطوا الموافقه !..

لذلك .. الان القنصليه الامريكية غيرت نظام التقديم على الفيزا .. واصبح الكتروني بالكامل ..
فبمجرد أنك تفتح ملف عندهم .. خلاص اسمك يكون مربوط مع النظام الخاص بالهوم لاند سيكيورتي ويقدرون يشيكون بدون الحاجه لارسال اوراق او شي ..

علشان كذا صارت استخراج الفيزا اسرع من اول .. الان بحسب ماشفت ثلاث ايام الى اسبوع كحد أقصى (حسب عدد المقدمين في الاسبوع) .. والفيزا راح تكون عندك ..

السفاره تعرف انك مرشح .. اذا قابلت القنصل وقدمت له الضمان المالي اللي من الوزاره .. اما اذا قدمت له ضمان مالي شخصي بيعرف انك رايح على حسابك ..
لان السفاره عندها خبر بانظمة وزارة التعليم العالي في البعثات ... وايضاً عندها خبر بنظام الالتحاق بالبعثه في امريكا ..

تقدر تعطينا رابط المعهد اللي تبي تسجل فيه واعلمك بخطوات التسجيل ..

ايضاً بما ان عندك ضمان مالي .. مكتب تجسير يجيب لك قبول مجاني .. بس لازم تختار انت المعهد وتقولهم انك تبي المعهد الفلاني في المدينه الفلانيه ..
وهم يخلصون امورك .. بيكون افضل من انك تخليهم يقطونك في معهد عشوائي ..

بارك الله فيك اخوي محمد شكرا اخوي ع المعلومه وشرحك كثر الله من امثالك

ي جماعة الخير ..

أحد مثلي يلقى بموقع الوزارة انه الماستر متاح بالتخصص ..
وبموقع الجامعه مافيه الا دكتوراة ..؟!

وش الحل ثلاث ارباع الجامعات كذا معي ..اذا مو كلها باستثناء واحده ..

وش المفروض اسوي ؟

هذا بسبب أن المعلومات الموجوده في موقع الوزاره لم تتحدث لكامل التخصصات ..

بمعنى .. أن الجامعات كانت تعطي "ماجستير" .. ولكنها بعد سنوات "اوقفت" الماجستير لسبب تشبعها بطلبة الماجستير ...

وبالتالي البيانات الموجوده في موقع الوزاره اصبحت قديمه وتحتاج الى تحديث ..

اللي تسوينه أختي هو انك تستخدمين "البحث الدقيق" الموجود في منتديات مبتعث ... وتكتبين إسم التخصص "بالانجليزي" ومره "بالعربي" .. وستظهر لك مواضيع الاعضاء الذين تحدثوا عن هذا التخصص ..
وبالتالي ستعرفين الجامعات التي بالإمكان التقديم عليها ..

وياليت تذكرين لنا التخصص المرغوب دراسته .. حتى يمكن للاعضاء مساعدتك بهذا الخصوص بحسب خبرتهم وتجاربهم ..

لو سمحتم انا اللحين ابي ارسل لمعهدين الاشياء المطلوبه
جواز السفر حقي وجواز سفر زوجي والضمان المالي والابليكيشن اللي مسجله فيه بياناتي
طيب زوجي لازم اسجل بياناته ولا يكفي انا ساعدوني لو سمحتم

لكــل شخص أبلكيشـــن منفصل ..
كٌــل شخص له بيآنآته آلخـــآصـــة .. وفعلآ آلمعهد مآيحتآج إلآ صورة آلجوآز وتدفعي رسوم آلإبلكيشن ..
وآلضمآن آلمآلي أو آلشهآدة آلبنكية ..
وأهم شي عنوآنكـ وجوآلآتكـ تكون صحيحة لجل توصل آلإرســآلية ..

موفقه ,,

شكررا حررروف ماقصرررت الله يرفع قدررك

انا كنت برسل النسخه الاصليه من الوثيقة والنسخه الاصليه من كشف الدرجات للجامعه في امريكا عبر الدي اتش ال

لكن في اخر لحظة غيرت رأيي لاني تذكرت انه ممكن احتاجها في اجراءات السفارة

انا الان ماعندي الا الاصل ومااقدر اطلع نسخه طبق الاصل لانه هالشيء حيستغرق وقت وسفر لانه انا ساكن بمدينه غير عن الجامعه اللي درست فيها
فما اقدر اطلع نسخه طبق الاصل هالوقت وبرضو عشان الحق اخلص اجراءات القبول في الجامعه لانه الحمدلله خلصت الابلكيشن حقهم ودفعت الرسوم

الحين سؤالي لو ارسلت للجامعه النسخه الاصليه حقت الوثيقة وحقت الكشف

عادي اروح السفارة بسكانر ملون او نسخه عاديه واقولهم وقتها ان الاصل ارسلته للجامعه ولا كيف ؟؟

ارجو جواب سريع عشاان لو يمديني يصير ارسلها اليوم الوثيقة وكشف الدرجات

تحياتي