تجمع المتضررين من شرط امتداد التخصص - المرحلة التاسعة ( 9 )

خذوها مني

انسو "تم ترشيحك" لا اليوم ولا بعد اسبوعين
الي تم استبعادهم امرهم منتهي.

امامهم امرين .. اما يمشون مع الوزارة بكلامهم وطقطقتهم ويجيبون قبولات .. او يطلعون على حسابهم ثم يلحقون "وهذي كمان لها متطلبات وفيه شروط موجودة بموقعهم"


علمتكم نتيجة لجانهم الخربوطية من الحين خخخخخخخ

استبعاد الناس بعدما مشوا بكل الاجراءات وانقبلت اوراقهم من مراكز التدقيق ماكان متوقع .. لآن شرط امتداد التخصص لو راجعتو المراحل السابقة كان موجود "شكليا" بس تم تطبيقه بشكل مفاجيء وصارم في هالمرحلة وهذا سبب غضب وقهر للكل كونه خطط ورتب اموره خصوصا انه مستوفي لكافة الشروط المعتادة


هم بس لو استبعدوا العالم من البداية .. من الفورم الالكتروني للتقديم مثل مايستبعد الي ما استوفوا الشروط الباقية
كان ارتاحو من كل هالازعاج ! لكن سوء تخطيط وتنفيذ .. من دكتور مثل الفوزان يدرس مادة تخطيط وتقويم البرامج لطلاب الماجستير في الجامعة! : )

يا جماعة الخير صلوا على النبي...اللهم صل وسلم عليه
اولا: الوقت يمر وهذا ليس في صالحنا...
ثانيا:التشكي والتذمر هنا لن يفيد..
ثالثا: انصحكم بالبحث من الان عن قبول مشروط المساله ليست صعبة ولكنها ايضا ليست سهلة الامر يحتاج جهد...
رابعا: كلما ضخمت المشكلة تتضخم وكلما هونت منها وقللت من شانها تهون..
خامسا: تذكروا احلامكم وطموحاتكم ..لانها الدافع الاكبر للمواصلة..
انا اتكلم بهذا الكلام بغض النظر عن الوزارة وقرراتها الفاشلة وغير المدرسة اللتي والله لاتصب مصالحها الا في جيوب مسؤوليها!! فانا والله اوافقكم الراي لكن الوقت الوقت ثم الوقت ...
نصيحة ابدأوا من الان بالبحث وحتى المكاتب التي وضعتها الوزارة لاتعتمدوا عليها اجلبوا قبولكم بأنفسكم...
ختاما ...وفقنا الله لما يحبه ويرضاه...

تابعونا ع الهاش تاق
#متضرري_المرحلة_التاسعة

ارجوا من الاخوه الكرام ان يشرحوا لي ما هو القبول المشروط؟؟

انا اقول لازم تكون كلمتكم واحده (الغاء شرط امتداد التخصص )وحتى بعد انتهى فترة الاعتراض وعلينا المتضررين عدم السكوت عن حقنا
البعثه للجميع وبدون شروط
والكل يرسل خطابات للديوان الملكي

السلام عليكم ورحمة الله وبركاته
بنات بيلز ضيفوني في قروبكم حابة انواصل معاكم

أرجو من الإخوة والأخوات ينسوا موضوع القبول المشروط بالكلية
القبول المشروط هو تخدير وتضييع لوحدة كلمتك

إنسوه بالكلية ،، وركزوا على مطالبتكم بترشيحكم أسوة بالباقين وبإذن الله سترضخ لكم الوزارة
أهم شرطين لرضوخها
حملة إعلامية قوية
متابعتهم في الوزارة وتصعيد الأمر للديوان

لو جلستم تتابعون القبول المشروط والاعضاء ( الجدد ) الذين يروجون للقبول المشروط فمانتم طايلين لابلح الشام ولا عنب اليمن

موفقين

طيب الوزارة معاها حق انها تشترط امتداد تخصص
بس مو من حقها انها تحدد التخصصات الي نُبتعث عليها خصوصا وانها مختارة تخصصات قديمة وعادية جداً

الوزارة صدعتنا بكم تخصص جديد اضافته هذه السنة بس في اقسام وتخصصات مهمة ومفيدة وكثيرة ومو من حق الوزارة حكرنا على تخصصات معينة وفوق هذا تشترط امتداد !

وتستدعي الناس وتدققلهم وترفضهم وتغير تاريخ رفضهم وحوسه مابعدها حوسه

واخر شي مسويه يعنني الا النظام والنظام يقول امتداد !!


( تمت المشاركة باستخدام تطبيق مبتعث )

يا أختي قرار الابتعاث هذا آخر خطوة بعد ما تجيبي قبول اللغة و قبول الجامعة المشروط و تطلعي فيزة السفر تراسلي الوزارة عشان تطلعي قرار الابتعاث.




( تمت المشاركة باستخدام تطبيق مبتعث )

موافقين و نبي نتحرك هالحل ابببببببد مو حل ترى صعب اعرفوا وش يعني صعب
الوزارة تبي تستفيد من ارقامنا المسجله بالبرنامج و يكسبون علينا ملايين لان اللي مسجل خلاص الوزارة خصصت له ميزانية 3 سنوات !!!!!!
يله يا هداية نبي نتحرك و علي عسيري هو بعد يبي يتحرك بس مايقدر يرد عليكم هنا ولا كان علمكم باللي يسوونه