تجمع المتضررين من شرط امتداد التخصص - المرحلة التاسعة ( 9 )

وقاله الله تعالى في حديث قدسي للمظلوم :

عندما يرفع المظلوم يده الى السماء فينظر لها الله عز وجل ويقول :

وعزتي وجلالي لا انصرنك ولو بعد حين

كل واحد اكيد اتظلم لكن ما نقدر نقول الا نتذكر الحديث القدسي

وكل شىء يهون ولكل ظالم نهاية

حسبي الله ونعم الوكيل فيهم

طيب اللي يحط تسويق ممكن يبتعث ؟

ولا نهائي مافيه

حجة أخرى ياللي رايحين تعترضون :

ميزانية وزارة التعليم في تزايد ، لكن عدد المبتعثين في تناقص ؟ ليش فهمونا ليش !!


أول سنة من جميع المراحل السابقة ينخفض فيها العدد، كل سنة كان العدد في تزايد ، وش معنى هالسنة فهمونا ؟!



إذا السالفة على امتداد تخصص ، ابشروا بنوقع على تعهد بعدم تغيير التخصص المطلوب منا !

لكن تحطون شرط امتداد تخصص وانتم اساسا فاتحين المجال )للتسويق- ادارة الأعمال- التأمين- الاقتصاد)

معليش يعني ؟ مافيه مخ صديق ! هنود حنا والا وش السالفة ؟!




والله لا عاندنا ولا تحدينا ولا قلنا شىء ، قلتوا امتداد تخصص قلنا ابشروا وهذا التسويق حطيناه، لكن ترجعون مرة ثانية تقولون امتداد تخصص، وش نسوي بحالنا نحرق شهايدنا مثلا، احترموا عقولنا شىء!


ماتبون تبتعثونا ؟ ع الأقل حطوا شرط منطقي ، مو امتداد تخصص، راعوا عقولنا وعقولكم شوي!




ياجماعة الخير أسأل الله العظيم ان لا يضيع لكم تعب بكرة وربي يكلل مجهودكم بالنصر والتوفيق. هذا اولا او الخطة الأولى


لكن ثانيا وفي محال ماجاب الاعتراض نتيجة ، ما أوصيكم بحاجتين الأولى هيئة مكافحة الفساد وثانيا ديوان المظالم !


حجتنا قوية ولا أحد له علينا مدخل ولو استدعى الأمر توكيل محامي ، فوالله مارح نقصر وانا اول المتبرعين !




حسبي الله على كل ظالم

طلاب وطالبات الانتساب لما قالوا لهم ان شهاداتكم غير معترف فيها في التوظيف خصوصا ( التعليم )

اشتكوا ورفعوا قضيه على وزاره التربيه والتعليم وقبل فتره المحكمه حكمت ان طلاب الانتظام والانتساب سواسيه في الوظائف سواء التعليمي او غيره


المقصد من كلامي لو احتاج نرفع قضيه نرفعها وانا ماعندي مشكله ابدا بس اتعب عمري كله علشان البعثه وفي النهائي تعبنا يروح على الفاضي لا والف لا

هذا مستقبلنا والمفروض مانسكت ابدااا حتى لو ماقدرنا السنه هاذي فيه بعدها وبعدها لين يرضون


ماعندي استعداد اخسر كل شيء بنيته علشان راي الوزاره

حسبي الله ونعم الوكيل فيهم

الله يثبتكم بالقول الحق ويثبت اقدامكم ويحقق مبتغاكم انا على اعصابي ام استطع النوم ولكن اذكركم التنظيم وعدم التهور والاضرار بمصلحة الاخرين لا تنسوا انكم تمثلونا وفقكم الله ولا ردكم خائبين

أختي سماح :
بالنسبة لمكاتب القبولات فأنا لاأنصحك بالتعامل معهم .. الأفضل تبحثين عن قبول بنفسك أو عن طريق أحد معارفك في دولة الابتعاث والأمر بسيط بإذن الله ..

وبالنسبة للضمان المالي فإن أغلب الجامعات لاتطلبه في القبول المشروط .. بل يطلبونه في القبول النهائي

وأخيراً ذكر لي الدكتور ناصر الفوزان أن الجامعة إذا طلبت منكم ضمان مالي لأجل الحصول على القبول المشروط توجه مباشرة للوكالة ومعك طلب الجامعة وهم يوفرون لك الضمان ..

لأنهم بمجرد طلبهم منك إحضار الضمان المالي فهم سيقبلونك وهذا ماتريده الوزارة ..

مع تمنياتي للجميع بالتوفيق
وشكراً


( تمت المشاركة باستخدام تطبيق مبتعث )

تخصصي علم معلومات و هو تخصص علمي ..
هل هناك حل ؟

المشكلة للحين محد رد علينا للآن اليوم الأربعاء


ياخوفي مالنا نصيب في هذي البعثه

حسبي الله ونعم الوكيل في من كان السبب في حرماننا البعثة
درسنا واجتهدنا وجبنا أعلا المعدلات وفي النهاية ننظلم بسبب قرار ما انزل الله به من سلطان