تجمع المتضررين من شرط امتداد التخصص - المرحلة التاسعة ( 9 )

نفس السؤال اللي محيرني وارسلت للاخ ممدوح وجاني رده توووو

يقول: أخي الطالب ليس هناك ضمان مالي من الوزارة لطلاب الذين ارسلت لهم هذه الرساله وعلية ف إن الطالب يأتي ب القبول المشروط بضمان بنكي لديه"

طبعا لاحد يدقق بالاخطاء الاملائيه للاخ ممدوح

ردي عليه" عزيزي استاذ ممدوح صحيح اني مواطنه سعوديه بس هذا لا يعني اني املك مال قارون! برأيك لو لدينا المبلغ اللازم هل سنلجئ الى برنامج الابتعاث!!"

للتوضيح ياخوان.. البعض يعتقد ان الشهاده البنكيه لازم تكون باسمه او باسم الاب او الاخ او الام وهذا غير صحيح.. تستطيع بان تقدم ع الجامعه بشهاده بنكيه تحمل اي اسم سواء شخص قريب او صديق او إلخ.. طبعا الشهاده لازم تكون بالانجلش والمبلغ بالدولار ويغطي المبلغ الي طالبته الجامعه

هنا مربط الفرس وهون حطنا الجمال

السالفة كل أبوها سالفة مادية فلوس يعني وحاولوا يرقعونها بسالفة القبول المشروط وغيره

شكل ميزانيتهم خلاص بح راحت على سفرات الشيخ الفوزان وعلى فنادق ربعه وتورطوا الظاهر


اققسم بالله العظيم مافيه اي علاقة بين امتداد التخصص وسالفة القبول المشروط
امانة امانة وش الرابط العجيب بينهم

يعني تقنعوني أين إذا جبت قبول مشروط وشهادة بنكية من فلوس أبوي أني ابنظم للبعثة هههههههههههههههههه

هنود حنا والا وش ؟ قولوا ماعندكم فلوس ؟ قولوا انكم نهبتوا الميزانية في كروشكم ؟ عادي بنبلعها ونصدق !

اما المعنى الحرفي جيبوا قبول مشروط والمعنى الخفي جيبوا لكم ضمان مالي من فلوسكم لأن ما عندنا فلوس ! اسمحولنا شوي ترى فيه مخ صديق ههههههه

والله العظيم لو يبون يحلونها كان حلوها وابسط حل لها ( تعهد بالابتعاث ضمن تخصصات البرنامج وفي حالة المخالفة يحرم المبتعث من الالتحاق بالبعثة ) شفتوا بسيطة مررررررررة. مايحتاج



صورة مع التحية لوزارات الفساد بأجمعها ويقولون ليش مافيك وطنية هههههههههههههه

سؤال
الخدمة الاجتماعية وعلم اجتماع ترشحوا على أي تخصص ؟؟
رجاء جاوبوني قاعدة أحاول أرقع حق تخصصي العالمي رياض أطفال

ينكتب فيها اسم الطالب زي الجواز والعلاقه الي تربط صاحب الحساب بالطالب
واسم الجامعه والعنوان
^ كذا قالت لي موظفه البنك


( تمت المشاركة باستخدام تطبيق مبتعث )

علوم صحية -على حد علمي-

عندك سعودي ماجيك وتسمعين كلام موظفه ههاي اكيد طبعا ماعندها اي سالفه.. ماينكتب فيها ولاشي.. اصلا هو نموذج اوردي موجود بالنظام مجرد موظف البنك يدخل حساب العميل ويطبع الشهاده.. لكن لما تقدمين ع الجامعه فيه نموذج يوضح من الداعم حقك ( اسمه وعنوانه وتوقيعه) وعلاقته معاك هل هو صديق او من افراد العائله وسلامتك.. طبعا مو مهم يوقع هو ممكن انتي توقعين بمحله..

ماتوقع العلوم الصحيه لها علاقه بالخدمه الاجتماعيه..

الخدمة الاجتماعية أخو علم الاجتماع بس أجهل الفرق الجوهري بينهم وكلهم مترشحين على ( علوم صحية) وفيه من ضمن مجالهم جانب كبير من الخدمات الصحية ولهم فرع دقيق في تخصصهم اسمه خدمة اجتماعية اكلينكيه؛ فأتوقع إنطلاق من هالأساس تم ترشحيهم على هذا الإمتداد

التخصات الي ماترشحوا للحين. ولا جاهم شيء
تاريخ وجغرافيا
تربيه خاصه
لغات
لغه انجليزيه
عربي
الي طلبوا منهم قبول مشروط
درسات
رياض اطفال
اثار