تجمع المتضررين من شرط امتداد التخصص - المرحلة التاسعة ( 9 )

ياجماعه انا توني استوعب الحين هاالجمله اللي انقالت لي قبل تبدا المرحله التاسعه ب شهرين او 3 تقريبا قبل نهايه السنه !!!!!! قالت لي موظفه في الوزاره احتماال هالسنه يكون فيه تحديد للمقاعد ..ايش تقصد؟! ..والله مادري ولاسألت اصلا ! بعدين قالت بس ان شاء الله مايصير هالشي ..طبعا انا رحت لهم هذاك الوقت عشان الغي بعثه قديمه لي من المرحله السادسه والغيتها عشان ماتتعارض مع الحاليه !!

تتوقعون هالشئ اللي صاير الحين مخطط له من قبل !

الله اعلم
كان الله بعوونكم اخواني واخواتي اذا كان قصدهم يعشمونكم ثم يحرمونكم من البعثه الله لايوفقهم ولايبيحهم ..واذا جد قاعدين يحاولون يعدلون اوضاعكم الله يحزاهم خيير .

( تمت المشاركة باستخدام تطبيق مبتعث )

نعم يا أختي

وبكره راح يقابلهم أصغر موظف بالوزارة ويتعذر لشيوخه الكبار مو موجودين أو بإجتماع
هدف الوزارة الآن تفكييك التجمع لا لتلبية طلباتكم

وفي المقابل قبلوا تخصصات بعيدة ورفضوا تخصصات لها امتداد!!! فالقصد انه مايهمهم امتداد ولا شيء يبغوا يقللوا المبتعثين بأقل شيء

قبلوا بسبب الداء والمرض ( و ) وليس بسبب قناعتهم أو تقليل عدد المبتعثين
مثل اللي يجلس في دراسة اللغة 5 سنوات
ومثل اللي ينضم للبعثة بعد شهر بالتمام

هذي حالات شواذ و ( و ) هو المتحكم الأول والأخير

اصلا الهدف من الابتعاث هو غير المعلن والدليل ان المبتعثين يرجعون للبلد وولاشيء يتغير
بل نفس الديناصورات ماسكين مناصب

وإذا راح الديناصور فيه ديناصور ثاني ينتظر
يعني بعد 30 سنة تكون الأمور تمام وتقدر تحصل وظيفة

اخاف يجوا بعدهم اولاد الدينصورات

هذا أكيد لأنهم الآن مبتعثين وراح يمسكوا زمام الأمور والوزارات وهم اللي فاهمين وحنا لاااا لأن أبوي كان راعي غنم وأبوه هو كان وزير
وأثبتت التحاليل المخبرية أن الوراثة تلعب دور كبير في إدارة الأمور وخاصة الوزارات

معليش من معك بهالنقطه
الوزاره عندها مشكله في عملية التخطيط والامتدادات يعني تخصصي اداره تربويه اخترت علوم حاسب على اساس من خلالها اكمل في تقنيات التعليم

علما ندرس مواد وبرامج بالحاسب وتطبيقات ولقيت ناس كثيره نفس تفكيري ولكن نتيجه تم رفض لعدم وجود امتداد لاختصاصكم

طيب ياوزاره انتي رديتي علي بالرفض ان امتدادي غلط (رغم ان متاكده انه مو غلط) ليش ترجعي وترسلين لي ايميل من جديد وتقولي ان حصلت قبول مشروط قدميه لنا

ويتم اجتماع وخلاله نقرر يانوافق او لا ؟ وتحطين شرط تعجيزي الي هو القبول المشروط وتقولي لنا اذا عديتوه ترى وراكم لجنه .

نظرتي للموضوع :لجنة اعدام ولعب بالنفسيات والمشاعر بطريقه سئيه جدا جدا غير ان شفت الموضوع مثل عملية تغطيه على اخطاءها ولعبها حيث

تقول احنا نسمع ونتفهم واحنا وزاره ذات شفافيه كامله وقمنا بتعديل الاخطاء و .................

قسما بالله ان الموضوع لعب بلعب اجل تخصصات محتاجتها البلد مومطروحه تماما ببرنامج الابتعاث !!!!

بتقنعيني ياوزاره ان الاداره تربويه وتقنيات التعليم بتخصاصاتها الدقيقه موجوده بالبلد؟

ومافي احتياج ؟

هل متوفر عندنا دكتوراه في الادارات العليا او الادارات الوسطى او الهندره او الجوده

او ......... كل التخصصات الي موجوده اداره وتخطيط او اداره واشراف او توجيه وارشاد وتربوي

هل متوفر عندنا دكتوراه في تقنيات التعليم او التعليم الالكتروني وغيرها من تخصصات

ايعقل نضيع سنه او سنتين ويمكن اكثر على بال مايتوفر لنا هالتخصصات ونظل ننتظر

لا ابتعاث ونكمل علمنا وطموحنا ولا وظيفه! الله المستعان

إذا بتحسبي شنو التخصصات اللي تحتاجها البلد بتتعبي وأنتي تحسبيها

عبارتي واضحة

يعني اللي مو لاقي تخصص يتبع تخصصه لا يتعب نفسه

هذا كلام الوزارة

تربية خاصة وحصلت تسويق النتيجة = رفض
لغة إنجليزية وحصلت تسويق النتيجة = رفض
أحياء وحصلت تخصص إدارة إعمال = الرفض

لا يتعب نفسه = لا يجيب قبول ويبحث عن مجال آخر


اللائحة التي اعتمدتها وزارة التعليم العالي تشترط أن يكون تخصص المبتعث المراد دراسته لمرحلة الماجستير و الدكتوراة امتدادا لتخصصه الأخير، أو أن يكون هناك تقارب مقبول أكاديمياً بين تخصصه في مرحلة البكالوريوس وما يرغب دراسته في الماجستير، داعيا المبتعثين على تخصصات غير مطابقة أو متقاربة لتخصصهم السابق العمل على دراسة مقررات تكميلية تجبر الفرق ( المقبول أكاديمياً ) بين الدرجتين، معتبراً أن المبتعثين الدارسين في تخصصات متفاوتة بشكل كبير مع تخصصهم السابق مثل الانتقال من تخصصات نظرية بحتة إلى تخصصات علمية بحتة بأنها غير مقبولة أكاديمياً .

المصدر: http://www.mbt3th.us/vb/forum172/thr...#ixzz2mqVUGVjJ
حفاظاً على حقوق الكاتب نرجو عدم حذف المصدر مبتعث
Under Creative Commons License: Attribution Non-Commercial No Derivatives
Follow us: @mbt3th on Twitter | mbt3th on Facebook