لمن يرغب بالمساعده للحصول على قبول من معهد بامريكا يتفضل هنا - المرحلة التاسعة

السلام عليكم

يعطيكم العافية ,, بغيت أعرف عن مواعيد و طريقة التسجيل و مواعيد الدراسة في :
MI, Mount Pleasant, Central Michigan University - English Language Instiute Programs
MI, Southfield, Language Center International
MI, Dearborn, Henry Ford Community College - English Language Institute

السلام عليكم
ياجماعة الخير لحد الان مالقيت معهد ياليت احد يساعدني او يكون خويي ونسافر سوا انا ان شاء الله رايح لامريكا ماعندي مشكلة في اي ولاية اعيش ههه عموما انا بدرس مايستر كيمياء
دمتم بود

السلام عليكم ورحمة الله وبركاته ,,

أخي سعودي ماجيك صباح الخير ,, عندي استفسار بسيط وأريد الإجابة

أنا الحين حددت ثلاث معاهد بأمريكا بولاية اوريغون بمدينة بورتلاند والتي هي كالآتي : -


1- PACIFIC International Academy PIA مكانه في منطقة ( ولسيت لين ) .

2- PSU معهد جامعة , معهد أكاديمي شهير في بورتلاند الدراسة نظام كوارتر والليفل 3 شهور .

3- ELS معهد تجاري له فروع في كل أمريكا وموقعه في جامعة CONCORDIA .


سؤالي الأول / ما رأيك في هذه المعاهد الثلاثة من جميع النواحي ؟

سؤالي الثاني / هل المعهد التجاري أفضل من الأكاديمي التابع للجامعة ؟ وهل المعهد الأكاديمي التابع للجامعة يكون دراسته برسوم مثل التجاري ؟

سؤالي الثلاث والاخير / كيف أتواصل مع المعهد وأطلب قبول منهم وأيش أكتب لهم لمن بطلب قبول لغة منهم ؟

اسفه على كثرت الأسئلة بس مضطره أعرف عشان أجيب قبول من معهد وتمشي أموري .

وشكراً جزيلاً لك .

وعليكم السلام

للأسف أخوي المعهد متكدس عدد السعوديين 120 من أصل 300 , و ما اعتقد أنه يمديك تسجل فيه إلا لو عندك قبول من الجامعة أو أن مرافقك يدرس فيه , وممكن الأخوان يصححوني لو كنت غلطان .
بالتوفيق

المعهد موجود في مدينة New York / Brooklyn
لكنه متكدس .
بالتوفيق

يا زملاء مشكورين على جهودكم.
انا بالنسبة لي اقدر اني أتواصل مع المعاهد وسبق وجبت اي تونتي وعشان انا زمالة طب أسنان قالت الوزارة لازم كابلان غير كابلان م ينفعش. وأخيس من كابلان عمري م شفت ب صراحة لا يردوا على ايميلاتهم ولا هم مهتمين المهم انا قلت أسجل اون لاين على فيلادلفيا. سجلت ودفعت ١٥٠ دولار رسوم التسجيل وهذا انا منتظر لي خمس ايام ولا ردوا المعهد الي قبل كان قمة الحلاوة في شيكاغو في اسبوع والاي تونتي عندي. اذا فيه احد يقدر يفيدني في معهد كابلان اكون له شاكر. جربت كل سبل التواصل مع كابلان ولا فيه فائده.


( تمت المشاركة باستخدام تطبيق مبتعث )

معهد الباسفيك غير موصى فيه ومو بقائمة المعاهد. معهدpsu مغلق من الملحقيه..معهد els متكدس.. يعني كلهم ماينفع تجيبي فيها قبول..بورتلاند فيها معهد واحد الان مفتوح وهو معهد تجاري.. بالنسبه للرسوم الكل ياخذون رسوم ابليكيشن بالنسبه لو تبغي تعرفي مستوى المعهد مالا الا تتواصلين مع طلاب بنفس المعهد او المدينه..بالنسبه للقبول راجعي موضوع ( طريقة التقديم ع المعهد والجامعه) موضوع مثبت للاخت ابريل..وكذلك راجعي قائمة معاهد اللغه وتلقين رابطها بالصفحه الاولى..


( تمت المشاركة باستخدام تطبيق مبتعث )

السلام عليكم ورحمة الله

مدري ينفع اسأل هنا ولا !؟
فكرت بجامعة BOSTON UNIVERSITY
- بس ايش رايكم بالمعهد تبع الجامعة ’وهل تعطي قبول مشروط ؟! ’بحيث أخلص اللفيلات وانقبل بالجامعة ؟

دخلت موقع المعهد بس ماشفت اي شي بالنسبة للقبول المشروط ..
اتمنى تساعدوني !
Center for English Language & Orientation Programs | Boston University

+ موفقين لكل خير

السلام عليكم اخوي سعودي ماجيك

حاولت بشتى الطرق اشوف اخر يوم للتسجيل للمعهد ولا حصلته؟

تقدر تفيدني لاخر يوم للتسجيل ؟

سلام عليكم
مساء الخير
احتاج منكم مساعده بسيطة أرجو الرد بأسرع وقت ممكن .
بالنسبة لرسوم طلب المعهد الغير مسترده ؟
كيف استطيع أن ادفعها من أي بنك وإلا ارسلها نقداً وإلا وش الطريقة
لأنهم مؤ مسجلين تسديد عن طريق الفيزة أو الماستر كادر .
يقولون عن طريق شيك . أو عن طريق احد البنوك الامريكية .
وهل ادفعها عني وعن مرافقي لاني انا معبيه ابلكيشن خاص فيني ومرافقي معبي ابلكيشن خاص فيه
وإلا ادفعها عن المبتعث بس .
والمبلغ هو ١٢٥ دولار رسوم الابلكيشن حق المعهد .
أفيدوني جزاكم الله ألف خير ..


( تمت المشاركة باستخدام تطبيق مبتعث )