المرافق ماله وماعليه - شرح وتوضيح النقاط الي تهم المرافق - المرحلة التاسعة ( 9 )

مساء الخير فعلا التجربه خير برهان
الاخوة الكرام بالنسبه للسفارة الامريكيه ولله الحمد خلصنا وسوينا المقابله وصدرت تاشيرة المبتعثه وباقي تاشيرتي اتوقع اخر الاسبوع القادم لان لي ملف تاشيرات سابق وبعضها مازال صالح لكن رسميه ولا استفيد منها حسب كلام القنصل ولازم نرجع لملف تاشيراتك السابقه وخاصة اللي صالحه للان
عموما احب اوضح بعض النقاط من خلال المقابله
اولا الموضوع يعتمد على الشخص اللي بيقابل معاك وتراها سهالات كمل اوراقك والامور طيبه
ثانيا مسألة الشها\ده البنكيه والضمان المالي للمرافق حسب كلام الموظفه اللي قبل اجراء المقابله والتى تقوم بفحص والتأكد من المستندات تراها ماعندها سالفه اطلاقا لانها طلبت مني شهاده بنكيه وقلت لها انا معي ضمان مالي من الوزاره قالت مايشملك لانك مقدم على تاشيرةb1,b2 وقلت لو سمحتي اقريء الضمان مذكور فيه يغطي العائله اي المرافق وله ضمان طبي ومكافئه شهريه ولا فيه موضوع دراسه ولا نوع تاشيره قالت فين مكتوب ؟؟؟وحده مصريه !!!ووريتهااالكلام وبرضه اصرت وقالت حسب فهمي الخاص انه مايشملك وانه لازم شهاده بنكيه خاصه فعشان ما يرفضو تاشيرتك وانا قصدي بساعدك وكان معي شهاده بنكيه واعطيتها اياها وقلت طيب مش حدخل معاك بجدال خوذيها قالت برضه احسن
المهم لما قابلت القنصل او ضابط الهجره كان متفهم وسأل كم سؤال كم مره رحت لامريكا , وين بتروحون , وش بتدرسين ,باي جامعه او معهد , من ضمنها سألني انت بتدفع تكاليف الدراسه قلت لا مبتعثه سكلرشب والمستند موجود لديك الضمان المالي قراه وبارك للبنت بالبعثه ورجع كامل الاوراق الا الجوازات وقال بعد اسبوع تطلع تاشيراتكم ومع السلامه و وبالاخير قال listen to your dad advice كان الموضوع ودي جدا وفيه شوي فكاهه ومزح



والله العظيم انه ماطالع باي ورقه الا لما سأل عن من بيدفع الرسوم وقلت عندك الضمان فتش بالاوراق وقراه وقفل الموضوع ورجع كل الاوراق واخذ فقط الجوازات وقال مع السلامه وشددت عليه عشان التأخير للفيزه لانو مابقي الا شهر وشوي على الدراسه ونحتاج نرتب امور الرحله وبعض الترتيبات قال لا تقلق اسبوع وتاصلك تاشيراتكم بارامكس ونقول ان شالله طبعا طلعت تاشيرة البنت باقي انا والله ييسر للجميع كل خير

لذلك ترى السفاره الامريكيه متساهلين للمبتعثين جدا لكن لابد من اكمال الاوراق المطلوبه (موعد المقابله +الضمان+ايصال السفس+الصور الشخصيه+I-20+جواز السفر )هذه هي الاشياء المهمه وكذلك الجديه عند المقابله والثقه بالنفس وانك عارف اللي لك واللي عليك معاهم وطبعا المقابله حسب رغبتك تبيها عربي او انجليزي عند بداية المقابله هو يسألك تبي نتتكلم انجليزي او عربي

والله يفقكم جميعا لما يحبه ويراضاه وفالكم الخير