المرافق ماله وماعليه - شرح وتوضيح النقاط الي تهم المرافق - المرحلة التاسعة ( 9 )

السلام عليكم ورحمة الله وبركاته انا ادرس على حسابي الخاص والحين قدمت انضمام بس محرمي ماعنده اجازه ساحب على عمله من فتره وهو يبي يقدم فصل لكن قالوا لازم تكون متواحد بس انا انتظر الانضمام وفي الاجازه بننزل وهو بيفصل هل يوافقون على انضمامي لو المحرم ماعنده اجازه

يقدر يعمل تأجيل دراسه في الجامعه حقته ويسافر معك محرم ويدرس لغه عادي
لكن انا بالنسبه لي اخوي دوبه متخرج من الثانوي وناويه اقدم له بشهادة بنكية على نفس المعهد اللي بادرس فيه و هالمعهد بيعطيه قبول مشروط للجامعه التابع لها
الفكرة انه بستخرج له قبول معهد I-20 بفيزا طالب F1
و بمجرد ماوصل بلد الابتعاث افتح له ملف مرافق دارس وبتعطيه الملحقية ضمان مالي خاص فيه اعطيه للمعهد
وراسلت المعهد اللي ابيه وشرحت لهم وضعه وقالو يقبلونه ويعطونه قبول مشروط للجامعه انه بمجرد مايخلص المستوى السادس في المعهد يدخل الجامعه
والحلو انه يقدر يدرس التخصص اللي يبيه لانه مرافق
اذا قدرتي تجيبين له قبول مشروط وقبول معهد تقدري تسحبي اوراقه وانتي مطمئنه او ممكن تجيبين له فقط قبول معهد وبعد مايخلص اللغه يرجع يسحب اوراقه عشان الجامعه

وبالنسبه لسؤالك هل يأثر عليك او لا عند السفر
شوفي هذا جواب الاخ سعودي ماجيك في احد الصفحات السابقه





( تمت المشاركة باستخدام تطبيق مبتعث )

السلام عليكم
اخواني تكفووون شوفو لي حل انا كملت كل الإجراءات وبقي علي الإجازة الاستثنائية حقت زوجي وراح لجهة العمل ووافق رئيسة المباشر لاكن الأمين رفض الإجازة رفض قاطع
تكفون ايش الحل ايش يسوي زوجي ومين يقدر يشوف له حل تكفوون موعد دراستي قرب بعد العيد
😭😭😭😭😭😭😭😭😭


( تمت المشاركة باستخدام تطبيق مبتعث )

الملحقيه يهمها شغله وحده بس .. ان ماتعطي المرافق ( راتب) وهو اوردي ينزل له راتب من السعوديه.. باستثناء المتقاعد... لانه مايصير الدوله تعطي شخص راتبين.. هذا المهم


( تمت المشاركة باستخدام تطبيق مبتعث )

والله ماتضمن شي الوزارة كل سنة اختراعات يطلعونها على البرنامج

الله يعطيك الف الف الف عااااااااافيه اختي سو
ماقصرتي الله يوفقك بردتي قلبي وطمنتيني الله يطمن قلبك

انا بالضبط في بالي اسوي نفس اللي انتي سويتيه
لكن هو قال انه بعد اللغه يبي ياخذ قرار نهائي يا يكمل هنا يا يرجع يسحب اوراقه ويكمل هناك
انا للامانه للحين ما راسلت اي معهد لسببين اني خفت من تحديث الوزاره
والسبب الثاني اني ما استقريت على دوله محدده
عشان كذا قلت خلينا نخلص اللغه اول شي بعدين يحلها الف حلال
وش رايك اختي سو باللي افكر فيه؟ يهمني رايك والله
غير كذا قلتيلي ان المرافق يقدر يدرس في اي تخصص
حتى لو كليات صحيه علوم طبيه مثلا.. الخ ؟ ولا هذا يعتمد على تحقيق المرافق لشروط الجامعه؟؟
اخر شي فيزا F1 يكون لها طلب منفصل واجراءات منفصلة عن فيزتي صحيح؟

يعطيك العافيه اخوي ماجيك
هذي فايدة برنت الاحوال صح؟ اثبات انه طالب مو موظف.. الحين فهمت عليكم
هو للحين توه اول سنه جامعه مو موظف
والحين دخلنا في حيرة انه يكمل برا اثناء دراستي او ياخذ لغه ويكمل هنا

الله يكتب اللي فيه الخير.. شغله تقلق

الله يعافيك يارب
ايه المرافق ( محظوظ ) فشروط العمر والمعدل و التخصصات غير منطبق عليه
الاهم هو شروط الجامعة هناك تكون تقبله
طبعا انا اخوي خريج ثانوي دوبه ودخلت ع الجامعه اللي بقدم له عليها ( هندسه ) اهم شرط كان يكون معدله في الثانوي +3 من 4
في امريكا كل انظمتهم على معدل الاربعه المهم حولت نسبته في الثانوي الى معدل من 4

وانتي اكيد بتقدمي لاخوك عالمعهد بطلب منفصل عنك اذا تبغيه يدرس بفيزا طالب
ويصير عنده I-20 ( قبول معهد ) خاص فيه غير قبولك
وفي موعد السفارة تقدمون بشكل منفصل ايضا
طلبين بس تروحون مع بعض

و على فكره انا راسلت المعهد ( للاستفسار ) ووضحت لهم انه الطالب ماعنده حاليا ضمان مالي من الوزاره وانه بيحصل عليه عند الوصول الى بلدالابتعاث
فطلبو مني احضار شهادة بنكية تغطي دراسة اللغه سنه كاملة
بعدين ذكرت لهم انه المبلغ جدا كبير
وانه برسل لهم شهادة بنكية تغطي ثلاثه اشهر
واذا وصلت وسلمتهم الضمان المالي لاخوي اعمل تمديد للـ I-20 وردولي بالموافقة
وانا راسلت معهد دراسته قويه بس الحمدلله هم فاهمين النظام هناك للطلاب السعوديين

واي استفسار اخر اتفضلي
اصلا صار لي اربع شهور حايسه بموضوع اخوي لين فهمت كل الاجراءات ^^
والله يسهلها لنا يارب


( تمت المشاركة باستخدام تطبيق مبتعث )

أخوي مبتعث حالياً وناويه أخليه المرافق لي بس هو في ولاية وأنا بروح ولاية ثانية لظروف خاصة وبعد الولايات عن بعض كثير


هل في مشكلة؟

اختي امل انسب حل لاخوك انه يطلب( تاجيل) من جامعته ويروح يدرس لغه هناك ان عجبه الوضع كمل او رجع وكمل بجامعته...


( تمت المشاركة باستخدام تطبيق مبتعث )