استفسارات المرحلة التاسعة ( 9 )

يا اخي والله وكالة البعثات فاشله بكل ما تحمله الكلمه من معنى
الحين ليه ما يحطون ناس فاهمه تستقبلك وتعرف الاجراءات والقوانين ما هو حاطين واحد والله اشك ان معه ثانويه ويكلمك من طرف خاشمه ويعطل اوراقك
ثاني شي ما فيه طريقة للتواصل غير الحضور الشخصي ؟؟؟؟؟ طيب اعتقد اكثر من نصف المرشحين خارج الرياض لا تليفونات يردون ولا ايميلات احد يسال فيك
وفوق هذا ما تستطيع تقابل المسؤول عن موضوعك مقفلين عليهم مكاتبهم خارج الصاله !! يقولك شوف المستشار ؟؟؟ طيب مستشار وش يفيدك فيه ما بيده شي
الله لا يبارك فيهم والله تعبنا وانغثينا هذا وانا اوراقي نظاميه وكل شي سليم
حسبنا الله ونعم الوكيل

تم حجز التذاكر وبكرا استلمها.. والجمعه السفر

( تمت المشاركة باستخدام تطبيق مبتعث )

السلام عليكم
بحمد الله قبلت في بعثتين بعثة برنامج خادم الحرمين وبعثة من جههة حكومية أخرى

سؤالي بخصوص اخوي اللي راح يكون محرم لي هو يبي يدرس لكن الجهة الحكومية ماتتكفل الابدراستي انا

وانا افكر اني اكمل في ابتعاث خادم الحرمين واضبط وضع اخوي وبعدين احول لبعثة الجهة الحكومية الاخرى اللي انقبلت فيها لان مميزاتها افضل بالنسبة لي

سؤؤالي هو

هل بعد مرحلة اللغة بعد ماانفصل عن برنامج خادم الحرمين واحول للاخرى اخوي يقدر ينضم لبعثة الملك او لا ردواا الله لايهينكم

يعني ماأكتب اسم الفوزان هنا؟
و باانسبه لمرافقي يسجل من هنا والا بعد مانروح؟؟ لانه بعده ماأخذ شهادة بنكية

( تمت المشاركة باستخدام تطبيق مبتعث )

السلام عليكم ورحمة الله وبركاته .
في موضوع محيرني وشاغل بالي من فتره طويله وقررت في الاخير ان استشيركم وانتم فيكم الخير والبركه ..

الموضوع :

انا خريج بكالوريوس لغه عربيه معدلي 2 ونص , كان حلمي الابتعاث ورحت ابحث عن قبولات او ما تخرجت ولكن ضيعت فلوسي على المكاتب بدون اي فايده
وصار لي 6 سنوات من تخرجت .. بعد ما تخرجت ب 5 سنوات جتني وظيفه حكوميه
الراتب عادي , الوظيفه تعب نفسي كبير وضغط ما يعلم فيه الا الله ..
ولي سنه متوظف ..
ولكن قبل فتره فكرة ابتعث ومريت مكتب يجيب قبولات وعطيته اوراقي ونسيته , المهم اتصل علي بعد فتره راعي المكتب وبشرني انه وفر لي قبول جامعي وفرحت وانبسطت لان كنت مو متوقع يجيني قبول نهائيا
ما لكم في الطويله

اترك وظيفتي واروح ادرس برا , ولا امسك وظيفتي وانسى البعثه ؟؟

اخاف اترك وظيفتي واذا رجعت ما احصل وظيفه وارجع للعطاله ..
هل الدراسه بتفيدني بمستقبلي وبتخلي وضعي احسن من اللي عليه الحين ..

ساعدوني جزاكم الله خير

اتمنى من كل واحد بيرد يحط نفسه في مكاني ..

وانتظركم

( تمت المشاركة باستخدام تطبيق مبتعث )
السلام*عليكم ورحمه الله وبركاته* انا طالبه مبتعثه من المرحله التاسعة*تم قبولي و ارسال الضمان المالي لي*لكن مع الاسف الشديد فقدت جواز سفري*السؤال كم المدة التى استطيع فيها تاجيل البعثة حتى إصدار جواز سفر بدل فاقد و هل يؤثر علي تغيير جواز سفري و رقمه*علما باني الى الان لم اجلب قبول لغة او جامعي ولم اصدر قرار الابتعاث .ارجو منكم افادتي ماذا افعل**.والسلام عليكم ورحمه الله وبركاته*اختكم جزاك الله خير*شكرا جزيلا*