استفسارات المرحلة التاسعة ( 9 )

مهمة افادة الحضور و طلبوها اثناء اصدار قرار الابتعاث..


( تمت المشاركة باستخدام تطبيق مبتعث )

انا نفسك الطيار اللي بالخبر مارضى يحجزلي عالاماراتيه .. كلمت المدير قال انه هالقرار قبل 5 اشهر -_-

فمالنا الا الخيارات الثانيه شنسوي بعد .. يلا خيره ان شاء الله ..

اهم شي حاولي تاخذين اي طيران يوصلك دايركت او عالاقل مايكون الترانزيت حقه فمليون بلد هههههه

( تمت المشاركة باستخدام تطبيق مبتعث )

طيب لو رحت الرياض يوافقون ولا مالي غير العنا😔؟!


( تمت المشاركة باستخدام تطبيق مبتعث

السلام عليكم ، انا غبت عن مبتعث فتره طويله كنت حايسا بالقبول من معهد وبعد ماجبت القبول بنفسي معهدي تكدس نفس مشكلة كثير اشخاص ،
الحين حايسا بشي اكبر ادور قبول جامعة او قبول في معهد الجامعة اللي فيها تخصصي وهم خمس جامعات فقط
٤ منهم معاهدها تكدست باقي وحده ( معهد جامعة فلوريدا ) اللي كانت موقفه والحين راح التوقيف بس ابي احد يساعدني هل باقي عليها مشاكل مع الملحقيه او لا ! اخاف اجيب قبول منهم وبعدين اكتشف شي

وبنفس الوقت اهلي مايبوني اتأخر ويبون اكون في امريكا في شهر مارس بسبب المرافق 😒
وكل المعاهد اللي بالأربع جامعات نظامهم كوارتر ابو ست شهور والحين بدا او السشن تبع مارس مقفل ، ( توجهت لمكتب قبول معروف امس واحس الا يبي يقنعني في معهد ef او كابلان ) وانا ما ابيهم ومحتاجا الوقت عموما الولايات اللي ابي ادرس فيها ( فلوريدا، اوكلاهوما ، فرجينيا ، ساوث كارولينا ، ويسكونسن )

ياليت اللي يعرف معهد مو من اللي متكدسه وقوي وتابع لجامعه يعطيني اسمه ، لان شايفه القائمة بتتحدث دي اليومين كثير

وبصراحه بعد ماقرات معانات بعض الاخوات والاخوان في اصدار قرار الابتعاث وما بعده من وصولهم لأمريكا وفتح الملف احس اني شبه حنجلط 😱



( تمت المشاركة باستخدام تطبيق مبتعث )

انا اقول لاتتعبين نفسك عالفاضي لان اتوقع كلهم بيقولون نفس الكلام فحرام تضربين مشوار مو مضمون ..

في عندك اللوفتهانز والقطريه والبريطانيه هذي اتوقع افضل البدائل بعد الاماراتيه .. شوفي ايش يناسبك

( تمت المشاركة باستخدام تطبيق مبتعث )

يعني خلاص مالهم نيه يشيلون التوقيف عن بريطانيا !! اذا ماكدسناها احنا بيكدسونها مبتعثي الجامعات والشركات :/ نفس المشكله مابتنحل وايقافها ماحل هالتكدس


..ووعذرا عالشطحه
( تمت المشاركة باستخدام تطبيق مبتعث )

صارلي ٨ ايام مقدمة طلب لاصدار القرار ولا احد حولي

لا تقولون راسلي هيفاء والله ٣ مرات اطلبها وترفض تقول من البوابه

وعبير مطنشه

عندكم رقم شخص مسؤول عن اصدار قرار الابتعاث بعيد عن عقد الحريم

ولا لازم اسافر للرياض واتعنا ):




( تمت المشاركة باستخدام تطبيق مبتعث )

حسبي الله عليهم ماانسى معاناتي معهم
هند ردت ع التليفون مرة وحدة وتقول لي اليوم ولا بكرة
قلت طيب نشوف والله طنشت رغم اني ارسلت ايميلات لها اذكرها ..
على ايش موظفات ويستلمون رواتب !!!! ماادري ليه يماطلون فينا !!
يقال انهم بيتطورون بتصير الخدمات عن طريق الموقع ولو ما تمتحنينهم ايميلات واتصالات محد عبرك
اخر مرة يئست وارسلت لهيفاء
كتبت لها :
هل اصدار القرار ياخذ وقت اكثر من اسبوع !! او انا الوحيده اللي يلزمني اسافر للرياض عشان انهي الموضوع واذا كان كذا علميني احجز التذاكر !
على طول ردت : ارسلي لي الاوراق ع الايميل !!!
رغم انه اول اقول لها ارسلها ع ايميلك تقول لي لا وصلت ع الموقع
المهم ارسلتها ع ايميلها واصدرت لي

انتي ازعجيهم ايميلات وقت الدوام وكرري الارسال اكثر من مرة
وتفنني بالعنوان .. اكتبي انك من المرحلة السابعه ولا الثامنة ولا اي شي يخليهم يفتحون رسالتك ..
والله يوفقك وعذرا ع الاطاله بس منفحسه منهم ..

ههههههههه انتي اكشن معهم،،
حجزتوا التذاكر ؟ ووش خط السير ؟ ؟


( تمت المشاركة باستخدام تطبيق مبتعث )

هههههههههههههه والله بغيت اهزئهم بس خفت يلغون بعثتي ههههههههه

ايه حجزت
جدة - واشنطن - بورتلاند - يوجين