نصائح بداية وصولك لأرض الغربه (الأيام الأولى)

لا إله إلا الله

بس بغست استفسر وانا اخوك صراحة مامي مرتاح هنا

وابي اعرف لو بتجل يت شهور ارجع ع حسابي ولا حساب الدولة

( تمت المشاركة باستخدام تطبيق مبتعث )

الله يشرح صدرك امين
شف أخوي, الشعور اللي انت فيه طبيعي , ويمر فيه الجميع , وخاصه الاشتياق للوالده
اذا تبي نصيحتي , صبر نفسك قل شهرين مثلا ثم أحجز على حسابي , وراح تلاحظ انك بديت تتأقلم ,, انا حاس فيك وزين انك تكلمت ماكتمت اللي بنفسك
توضى وصل ركعتين واطلب ربك التوفيق , وتذكر ان اهلك بخير وامن وامان والدولة بخير الحمدلله , وانت جاي تدرس فترة وترجع ان شاء الله
قل اللي بقبك لعندك شئ , وياليت تصاحب شباب طيبين , الاخوه في الغربه هامه أخوي

ماقصر ابو زينب.. الملحقيه عادي تعطيك تأجيل للبعثه ويصرفون لك تذكره ع حسابهم..لكن خل التاجيل أخر حل .. فكر انك تغير المدينه او الولايه مثلا..


( تمت المشاركة باستخدام تطبيق مبتعث )

الله لا يهينك يبو زينب.. كلامك يريح الشئ الكثير..

ان شاءالله اني بصبر الين ربي يفرجها ولو بغيت استفسر عن شي برجع لك...

ولاهان اخونا الي رد ع استفساري

( تمت المشاركة باستخدام تطبيق مبتعث )

بعد اذن صاحب الموضوع مني قادر اوصل لحل يا ليت المساعدة

السلام عليكم ورحمه الله وبركاته

يا شباب حنا اثنين مبتعثين و اصلين لوس آنجلوس و نبي احد يساعدنا باستقبالنا في المطار ومقر الدراسه في ثاوسند اوكس و يساعدنا [ اذا يقدر و مايكون عليه ضغط او احراج ] بما يتعلق بالسكن و الشريحة و الحساب البنكي و آمور المعهد

تاريخ الوصول الى لوس انجلس السبت 19 ابريل في تمام الساعة 10 صباحاً ان شاء الله تعالى ، على الخطوط السعوديه ،

يا ليت يا آخوان واحد يساعدنا اخوياكم ما عندهم ولا حتى شوي في الآنقلش ومحتاسين ومانعرف شي يا ليت يا آخوان واحد يسوي فينا خير ونكون له من الشاكرين

التواصل عن طريق الخاص آخاف أحط إيميلي آو آي شي يعتبر مخالفه

باذن الله تنفرج , أخوك أبوزينب والله كنت لاسمعت صوت الوالده أدمع وامسك نفسي ماأبي أحسسها , موب معنى اننا شنبات مالنا أحاسيس ومشاعر يابنات
وكل سفرة لازم بالبداية كذا , لكن والله مارأيت مثل الشفع والوتر قبل النوم , الصلاة وانا أخوك أراحت الرسول كيف ماتريحنا
الهم حنا أخوانك هنا , ولاتتردد بأي وقت
وتذكر قول الحبيب عليه الصلاة والسلام ومن يتصبر يصبره الله ,
اطلع امش بكرا ووسع صدرك لاتكثر القعدة لحالك , موفق خير يارب

الله يحفظك يااابو زينب ..كثير تعليقاتك رااقيه ..وفعلا الحروف تدل على صاحبهاا ..
الله يوفقك ويوفقناا لما فيه الخير..

امين واياك ومن يقرأ , والله ياأختي ماأكتب الا اللي بخاطري لأخواني وأخواتي
وهذا شئ قليل نرده لمبتعث بارك الله في هذا الموقع وجزا مشرفيه الأفاضل خير الجزاء ,
الله يوفقك أختي للخير

أأ يوالله فيه اعضااء ومشررفين تحطهم ع الجرح يطيب ..الله يعطيهم الصحه والعافيه ويكثر من امثالهم وامثالك يارب ..

اخوي سلطان تواصل معاي ع الخاص


( تمت المشاركة باستخدام تطبيق مبتعث )