للراغبين بالتقديم على المرحلة العاشرة 10 للإبتعاث (هنا نستقبل إستفساراتكم)

صباح الخير
حابة اسأل هل المرافق اللي يبي يدرس ويكون تخصصه ماله امتداد ، يقدر يكمل بأي تخصص ولا لازم نفس المبتعث بشرط امتداد التخصص ؟ زوجي بيكون مرافقي وتخصصه ادب انجليزي بمعدل مقبول >> قاهرني على هالمعدل 😤 وحاب يكمل بشي بالبزنس لان معاه خبرة طويلة ١٠ سنين تقريباً ، الله يعافيكم اللي عنده معلومه لايبخل علي 😍


( تمت المشاركة باستخدام تطبيق مبتعث )

المرافق مو شرط امتداد تخصصه وﻻ شرط معدل
بس من ادب انجليزي لادارة اعمال احتمال انه ماتتعادل له ماجستير يحسبونها دبلوم عالي
واتمنى اللي تعرضو لنفس الموقف يفيدونك
بالتوفيق

( تمت المشاركة باستخدام تطبيق مبتعث )

يوووووه والله هذي مشكلة جديدة 😔 طيب خبرته ماتنفعه بها المجال !! انهم يحسبونها له ماجستير بدل دبلوم عالي


( تمت المشاركة باستخدام تطبيق مبتعث )

اهلن ياشعب مبتعث

بشروا نزلت الشروط 😶💔 !!!!!!!

او احد عنده معلومات من معارفه او أصدقائه في الوزاره عن تخصص علم النفس 😭🔥

هلكونا ذا الوزاره حسبي الله ونعم الوكيل







( تمت المشاركة باستخدام تطبيق مبتعث )

لا للاسف وشكلهم مطولين 😭😭

الله يصبرنا


( تمت المشاركة باستخدام تطبيق مبتعث )

السلام عليكم ورحمة الله وبركاته
عندي كم استفسار ، وأسال الله أن يسعدك من يجاوب .
أول شيء : أنا خلصت ثالث ثانوي السنة هذي ، ونسبتي الحمدلله ٩٩ ، والقدرات ٩٦ الحمدلله ، والتحصيلي ما نزلت الدرجات .
ثاني شيء : أنا إن شاء الله جازم أروح أدرس بكندا ٠
سؤالي الأول : وش رايكم أدخل هندسة ولا حاسب ؟ ، رغبتي فيهم كلهم ، لكن من ناحية الحياة العملية مستقبلا - ان شاء الله - ، والراحة ، والرواتب ، والوظايف .
سؤالي الثاني : أحسن أروح ع حسابي وبعدين أنضم للبعثة؟ ؛ عشان أستفيد من الوقت لأن برنامج خادم الحرمين يبيلك تقريبا ٦ شهور عشان تروح نهائي ، ولا أروح مع البرنامج؟
سؤالي الثالث : أقدم ع الجامعات في السعودية ولا لا؟ - احتياطا- ، بعدين لو قدمت وقبلوني وسحبت عليهم أقدر أقدم عليهم مستقبلا ماجستير ولا شيء ؟
سؤالي الرابع : لو دخلت حاسب أو هندسة بكندا ، أقدر أحول التخصص قبل ما أبدأ - يعني وأنا أدرس اللغة -؟
سؤالي الخامس : الحين أخوي بكندا ، بيجيب لي قبول من جامعة -إن شاء الله- ، لو دخلت معهد الجامعة وخلصت اللغة ، أقدر أروح جامعة غيرها قبل ما أبدأ الدراسة فيها ؟
سؤالي السادس : كيف التحويل من كندا لأمريكا وأنت بكندا ، صعب ولا لا؟
سؤالي السابع: أنا لغتي ضعيفة جدا ، أحفظ كلمات بالفترة هذي ولا إذا رحت هناك مرة وحدة ؟ ، وأيش هو أحسن كتاب كلمات؟
سؤالي الثامن : لو بدرس ع حسابي لازم أول شيء توافق وزارة التعليم العالي ، يعني لازم أقدم طلب موافقة - الكتروني - ، سؤالي : تطول موافقتهم ولا لا؟ يعني كم يبيلها تقريباً ؟
سؤالي التاسع : لو بتدرس ع حسابك لازم تحضر ملتقيات صح ؟ ، متى هذي الملتقيات ؟ ، وكيف أطلع عليها ؟
سؤالي العاشر - الاخير - : لو درست ع حسابك بعدين التحقت بالعثة ، يعوضنك عن اللي درسته ع حسابك؟

الله يوفقكم ، ويسعدكم ، وأتمنى إجابة تكفيني عن البحث عن إجابات أخرى ...






( تمت المشاركة باستخدام تطبيق مبتعث )

هلا اخوي ببجاوبك على اللي اعرف ، هم قايلين ان دراسة البكالوريوس لازم تكون في التخصصات الطبيه ، في حلين ياتروح على حسابك بعدين تحول ، او تنتظر وتروح على هالتخصص وبعدين هناك تحول ، وسمعت تقريباً ان نفس الاجراءات بتمر فيها سواء رحت على حسابك او على بعثة الملك ، ويقولون شوي مرمطه في الالحاق
من ناحية التخصص ماعندي علم والله بس ، اشوف الهندسة شي كبير ووظايفهم عالية ورواتب عالية
ومن ناحية تقدم على الجامعات ، قدم هنا طبعا واذا قبلوك الابتعاث اسحب اوراقك ، ومافيه مشكلة بدراسة الماجستير ابدا اذا رجعت ان شاء الله


( تمت المشاركة باستخدام تطبيق مبتعث )

ماشاء الله ،
السؤال الاول : للبكالوريس مافي تخصصات الا طبية وصحيه فقط .
السؤال الثاني : اذا تبي تخصص غير الطبية روح على حسابك ، اذا تبي طبية خلك مع البرنامج لان كلهم صارو يطولون وكلهم لهم ملتقيات وشغلات.
السؤال الثالث: كل اللي اعرفهم يقدمون على الجامعات اللي هنا ويدرسون لين تجي بعثتهم . ومايخالف لو سحب ملفك مايضرك مستقبلا
السؤال الرابع: مافهمت ، يعني بتروح على اساس طبية وبعدين تحول ؟ اجراءات التحويل ما اعرفها بس نصيحه لا تعتمد لان ممكن مايرضون لك او يتغير كلامهم وفي تعهد جديد اتوقع بعدم تغير التخصص بس مدري اذا يمشون عليه ولا لا.
السؤال الخامس:اخوك اللي بيجيبه لك قبول مشروط ، عادي بعد ماتخلص من معهدهم تختب ايلتس وتقدم على جامعات ثانيه ، وتقرر وش تدخل ما انت ملزم فيهم بس
السؤال السادس:التحويل بين الدول صعبه ، بس ما اعرف اجراءاتها ، حاول من البداية تكون بالمكان اللي تبيه.
السؤال السابع: لغتك تتطور هناك لانك عصب تستخدمها، كل واحد له طريقه ، انت شوف الطريقه اللي تناسبك وتقوي لغتك . مثلا انا مستحيل اقعد احفظ كلمات ما اعرف، بس عرفت نفسي طورت لغتي من الافلام والمسلسلات، انت شوف وش اللي اسهل لك.
السؤال الثامن: ايه لازم وله اجراءات انا ما اعرفها ولا اعرف مدتها، بس اعرف ان في ملتقى جديد للدارسين على حسابهم
السؤال التاسع: موجودة في موقع الوزارة
السؤال العاشر: مايعوضون عن كل شيء.

اخوي تركي اكثر استفسراتك عن الدراسه بحسابك الخاص وللاسف هنا ما احد عنده المعلومات الاكيده، ادخل ملتقى الدارسين على حسابهم واستفسر وان شاء الله يفيدونك

بالتوفيق


( تمت المشاركة باستخدام تطبيق مبتعث )

الله يعطيكم العافية جميعا
اللي يتابع موضوعكم ما يخفى عليه شيء بإذن الله .. بس في استفسار بسيط

اللي فهمته ان الشخص يقدر يروح على حسابه يدرس وبعدها يحوّل للملحقية تبع البرنامج.. تمام ؟ سؤالي هو هل الشخص هذا لازم يكون محقق شروط البعثة ؟ يعني مثلا هو بكالوريس، هل لازم انه يكون محقق شروط الابتعاث على البكالوريس ؟ ولا عادي يضمونه لو مو محققها ؟ الأمر الثاني كم يجلس يدرس على حسابه هناك لين ما يضمونه ؟ اخر حاجة : كم التكلفة تقريبا ؟ مع الفيزة والحجوزات والإقامة هناك لين يجي قرار الإلحاق وكلش يعني كم تقريبا ؟

ومشكورين.


( تمت المشاركة باستخدام تطبيق مبتعث )

السلام عليكم ورحمة اللة وبركاتة
عندي أستفسار بسيط اللة يسعدكم .
أنا ناوي اكمل ماجستير أن شاء اللة على امتداد تخصصي وهو تسويق ومستوفي جميع الشروط لكن المشكله شرط واحد غير مستوفي وهو السن وعمري 39 هل يسمح النظام بالأبتعاث او في طريقه أخرى للأبتعاث مع العلم اني موظف قطاع خاص وجزاكم الله خير .