للراغبين بالتقديم على المرحلة العاشرة 10 للإبتعاث (هنا نستقبل إستفساراتكم)

ياخي شي معروف عندك واسطه اكيد بتروح يعني الواسطه هي فوق النظام وفوق الشروط وهذا ظلم لغيرك ... واﻻ لو تنطبق عليك الشروط ما تحتاج واسطه ..

( تمت المشاركة باستخدام تطبيق مبتعث )

اكيد بيناقض كلامه لانه عاد كلامه مليون مره ولا اقتنعت ؟
يوم صارت مو على مزاجك انتبهت لرده

خلاص معك واسطه بتمشي !

اللي عنده واسطه ﻻيجي يسال يسلك اموره من بعيد لبعيد ﻻن لما تجي تتكلم عن الواسطه وغيرك نفس وضعك بس لان ماعنده واسطه مامشي ترا بيدعي عليك
الواسطه والمحسوبيه هي سبب الفساد في البلد يعني انت واشباهك مفسدين
وعموما كله يبان لما مجتهد يروح لانه مجتهد ولما واحد يروح لان عنده واسطه يتسدح هناك بشوارع الغربه..هذا غير انه بالحرام حتى لو توظف راتبه حرام واللي يرضى ياكل حرام الله يقويه على حساب الاخره
الكلام للجميع ماهو للاخوه المتجادلين
لو فيه اسئله خلونا نستفيد اما نفش الريش رجاءا فكونا من المهايط

بالتوفيق للجميع

( تمت المشاركة باستخدام تطبيق مبتعث )

شباب عندي سؤال مهم جداً

الحين انا مستوفي الشروط كاملة و راح اقدم على البرنامج لكن على حساب الوزارة مو على حسابي

و قريت ان التخصصات المتاحة فقط طبية و بالاغلب المرحلة العاشرة ما راح تتغير و بتكون طبية فقط ..

لكن انا ما ابي غير برنامج الابتعاث و لكن بنفس الوقت ابي ادرس تخصص هندسة كيميائية .. وش الوضع؟

كيف اقدر انقبل بالبرنامج و بهالتخصص؟ المقصد ابي احد يشرح لي ابتعث من هنا بأي تخصص و كيف اقدر احول تخصصي هناك؟ و متى احوله؟

لاهنتم لأني ماعرف ولا شيء و ما عرف كيف احول تخصصي

صحيح فتحو بريطانيا لبكرليوس الطب ؟

محد جاوبني
انا طالبة جامعية حاليا بس بقدم عالابتعاث و ابغا اعرف متى اطلب انسحاب من الجامعة قبل التسجيل الالكتروني و الا متى ؟
و سؤال ثاني انا ناوية عكندا ان شاء الله سؤالي هو هل تشترط كندا درجة اختبار تحديد مستوى للغة ؟ او اروح ادرس في معهد هناك بعدين اختبر ؟

انا كمان زاد طينتي بله نسبة وحدة فالتحصيلي خربت علي ..

ف جاء هذا وواسطتي وواسطتي .. ياخي خلاص اقسم بالله طفشنا واحنا نرد عليك ..

لكن عن نفسي لو ما طلعت .. كل يوم راح ادعي على كل مسؤل حرك واحد بواسطة وعلى كل واحد ما يستاهل ودخل بواسطته ..

وبعدين احنا لو فيه فرصة انظمام احق فيها منو .. لان نسبنا اعلى ..

انا حاليا علشان نسبة وحدة اشوف نفسي ما استاهل الابتعاث .. ولا فكرت بواسطة ولا شيء ..

شيء مو مكتوب لك .. يمكن فيه خير انك ما تروحلو .. وكل شيء فيه خير ..

فيه ابتعاث سابك يبتعث هندسه .. لكن للأسف اعتقد امس قفل ..

وباقي ابتعاث ارامكو .. برضو يبتعثون هندسه .. انتظر لين ما يفتح ..

اما برنامج خادم الحرمين الشريفين فقط تخصصات طبية ..

وبالنسبة لتحويل التخصص ما اتوقع تقدر ..
لكن اطلع من هنا على حسابك وخذ تخصصك اللي تبغاه .. وراح يضمونك ..

موفق..

مستحيل فقط تخصصات طبية من وين الخبر ؟؟؟

^

اخوي ترا ادري عن سابك و ادري عن ارامكو و مقدم عليهم

بس انا كنت واضح و قلت اني ما ابي غير برنامج الملك و مابي غير تخصص الهندسة .. فهل فيه امكانية اني اسافر على اي تخصص و احول من هناك؟؟

ابي اعرف كيف بالضبط طريقة تحويل التخصص فقط لا غير.. وللمعلومية انا مسافر على حساب الحكومة وليس على حسابي

لو على حسابي كان امر التخصص سهل، لكني مسافر من هنا على حساب الحكومة يعني مضطر امشي مع شروطهم و مع تخصصاتهم المتاحة