للراغبين بالتقديم على المرحلة العاشرة 10 للإبتعاث (هنا نستقبل إستفساراتكم)

شكله هذا اللي بيصير ، لأن ١٥ يونيو بيوافق يوم الاحد اللي هو بداية الدوامات
ريحتيني بردك على الاقل اكون حاطه ببالي ان الشروط نازلة الاحد ١٥ يونيو وما انتظرها قبل كذا
الله يجزاك خير

بنات وشباب 🙊

راسلت الوزارة امس وردت علي وحدة جزاها الله الف خير تقول :-


صباح الخير
عزيزتي

بإمكانك متابعة موقع الوزاره حيث سيتم الإعلان عن المرحله القادمه في نهاية الشهر

بالتوفيق




( تمت المشاركة باستخدام تطبيق مبتعث )

السلام عليكم...

هذي أول مشاركه لي في هذا المنتدى ... عندي بعض الاستفسارات أود أن أجد لها جواب.

أنا طالب متخرج هذا الترم بكلوريوس هندسه كهربائيه وأود ان اكمل دراستي للماستر والدكتوراه

من خلال قرأتي في هذا المنتدى علمت انه سيفتح باب القبول للمرحله العاشره في بداية شهر رمضان..متى أعرف انه تم قبولي للإبتعاث بشكل رسمي...؟؟

بصراحه هذي النقطه متخوف منها بشكل كبير لأنه سينبني عليها خطوات اخرى من أهمها انني ارفض عروض الوظائف في هذه الفتره بحجة انه تم قبولي للإبتعاث!!!

والمثل يقول عصفور في اليد ولا عشره في الشجره ... المغزى انه ما أقدم على خطوه إلا انا عارفها !!

بالنسبه لشرط إمتداد التخصص وكثره الجدال حوله ... أنا ان شاء الله سوف ادرس في نفس تخصصي ... السؤال هنا : لو اخترت تخصص "يعتبرونه!!" ليس من إمتداد تخصصي وبعد ما رفضت عروض الوظائف هل يقف عندها مشوار إستكمال دراستي او يمكنني تغييره بما يتماشى معهم ؟؟؟

بالنسبه لأليه إختيار الجامعه والدوله هل يتم إجباري أو تعييني على جامعه معينه أو أنهم يتركون لي البحث و في النهايه هم اللي بيدققون هل تناسب ام لا ؟؟

بالنسبه لتاريخ بدء الدراسه أذا تيسرت كل اموري إن شاء الله إن شاء الله .. ما هو اقرب وقت أبدأ فيه دراسه ؟؟؟ في بدايه السنه الهجريه ؟؟؟

وفي خلال هذه الفتره .. اجلس منتظر في بيتنا ؟؟ (لا مصرف ولا مكافأة !!)

بالنسبه لي أنا طالع إبتعاث ومعتمد على الله ثم على مصاريف الابتعاث لانه ماعندي دعم مادي غيرها .. كم يعطون الطلاب ؟؟ وللي يبي يتزوج في هالفتره وبياخذ زوجته معه كم يعطونه ؟؟


طيب أي نصائح عشان استفيد من وقتي .. أي شي أقدر اختصر المسافه فيه... بما انه عندي وقت ؟؟ أي تحضيرات لإختبارات GRE .....

بالنسبه لاختبارات الانجليزي ... لو خيروني بين توفل وستيب و الايليتس ... وش الانسب ؟؟؟؟؟؟؟؟


شكرا لكم .... وأسف على الاطاله

وعليكم السلام سلطان،
تعرف في شهر ١٢ انك مترشح نهائي وتحضر الملتقيات في شهر ١ ، بس اخوي اذا الشروط منطبقه عليك ان شاء الله مترشح.
في حال كانت الوظائف في قطاع خاص مافي مانع انك تشتغل لين تبتعث ، منها خبرة ومنها مصروف لك.
بتنزل التخصصات نهاية هذا الشهر، شوف تخصص اذا موجود زين على زين اذا مو موجود اسال الوزارة عندهم قسم لتخصصات وامتدادها واسالهم وش امتداد تخصصك.
العام كانوا المرفوضين اعترضوا وقالو لهم جيبو قبول مشرط، هالسنه الله اعلم وش بيصير.
لا يتم اجبارك لا على دولة ولا على جامعة ، اذا انت مختار امريكا فا بيعطونك ضمان مالي وتختار المعهد وتراسلة وتجيب لك قبول، شرطهم الوحيد ان مايكون مسكر المعهد وانت اصلا تجيب القبول من ضمن خيارات معينه،
تاريخ الدراسة على حسب القبول اللي انت جبته، فتقدر تحطه زي ماتبي .
انا اقول اذا لاقي شغل قطاع خاص اشتغل ولا تقعد فاضي.
اذا مستعجل مرة تقدير تجيب لك قبول قبل يعطونك الضمان عشان تسافر على طول بعد الملتقى، القبول يكون بشهادة بنكيه وله اجراءاته.
المكافأة لا اعلم.
اكثر شيء اشوف يختبرون الايلتس، فا اتوقع هو الازين.
بالتوفيق


( تمت المشاركة باستخدام تطبيق مبتعث )

يعني اخر الشهر تنزل الشروط؟؟؟

جزاكي الله خير على التوضيح ...

بالنسبه للوظيفه فهي وظيفه في شركه قطاع خاص لكن يتم إضافه اسمي في الخدمه المدنيه ويمكن هذا يسبب عائق لي لو برنامج الابتعاث قام يدقق في شرط اني اكون متفرغ للدراسه وبدون وظيفه !!

لا بناءا على المراحل السابقة عادي اذا قطاع خاص، اهم شيء غير حكومي، وتفصل من الوظيفه قبل اصدار القرار الابتعاث.


( تمت المشاركة باستخدام تطبيق مبتعث )

hيه هذا اللي فهمته منهم.

يعني الشروط تنزل نهايه الشهر وبعدها بيومين يفتح التقديم !!
أتوقع انهم متعمدين هذا الشي ، عشان المرشحين في المرحلة الثامنة والتاسعه اللي ماقدروا يصدروا قرار الابتعاث هذا الشهر يجلسوا على اعصابهم مايقدروا يلغوا ترشيحهم ويقدموا ع العاشرة ولا يقدروا يفكروا بتأخير اصدار القرار لأن يمكن يلغوا بعض التخصصات ، واذا اتلغى التخصص مستحيل يصدروا قرار الابتعاث حتى لو المرحلة لم تغلق .. زي ما صار لطلاب اللغة الانجليزية المتأخرين من المرحله الثامنه !

كيف أعرف أفضل الجامعات اللي تعطي قانون بأمركيا ، وعادة أيش شروطهم ؟

( تمت المشاركة باستخدام تطبيق مبتعث )